YEHEZKIEL 10:6 - KITTA' MATANGKASA'

⁶ Le'baki Nasuro Batara anjo tau ammakeang lenanga angngalle sikangkang bara pepe' battu ri alla'na roda-roda rawanganna anjo sikamma malaeka' akka'nyika, antama'mi anjo taua nampa ammenteng ri sa'rinna kalase'renna anjo roda-rodaya.

YEHEZKIEL 10:6 ပူးပေါင်းရင်းမြစ်များ

PAMMUJI 80:1

Untu' pamimping pakelong. Situru' lagu: Bunga Bakung. Pammuji kasa'bianna Asaf.

PAMMUJI 99:1

Batarami Karaeng; annekkereki bansa-bansaya. Ammempoi ri empoang kala'biranNa irate ri malaeka' akka'nyi', ta'goccangi buttaya.

YEHEZKIEL 10:2

Nampa Nakana Allata'ala ri anjo tau ammakeang lenanga, “Antamakko ri alla'na roda-roda niaka irawanganna anjo malaeka'-malaeka' akka'nyika siagang angngalleko sikangkang bara pepe'. Nampa pakioroki anjo bara pepeka mae ri kotaya.” Mannurukimi, siagang kuparhatikangi anjo tau ammakeang lenanga.

YEHEZKIEL 10:5

Sa'ra pakkape'na ka'nyi'na anjo sikamma malaeka' akka'nyika kalangngerangi sa'genna ri paranglakkeng pantaranga, rapang sa'ranna Allata'ala Kaminang Koasaya.

YEHEZKIEL 10:7

Nampa kalase'renna anjo malaeka' akka'nyika napantamaki limanna ri pepe' niaka ri tangnga-tangngana ke'nanga, anrappung pirang polong are bara pepe', nampa napassareang mae ri anjo tau ammakeang lenanga. Anjo taua naallemi anjo bara pepeka nampa a'lampa.

DANIEL 7:9

Lalang tulusu' kuparhatikanna, nia'mo siapa are empoang karaeng nipadongko'. Nampa Ia mattallasaka satunggu-tungguna niaki ammempo irate ri kalase'renna anjo empoang kakaraenganga. PakeanNa siagang uu'Na sanna' kebo'na rapang kapasa'. Empoang kakaraenganNa siagang roda-rodana a'rinra-rinrai lanri pepe' lompo,