YEHEZKIEL 1:4 - KITTA' MATANGKASA'

⁴ Acconga' nai', nakucini'mo angnging lompoa ammiri' battu wara'. Kuciniki kilaka a'lepa'-lepa' battu ri sigompoang rammang ia sannaka lompona; nampa langika ri tammulilina teai sipato' singara'na. Lalang ri anjo kila' a'lepa'-lepaka nia' kucini' apa-apa accila'-cilla' sangkamma tambaga.

YEHEZKIEL 1:4 ပူးပေါင်းရင်းမြစ်များ

1 KARAENG-KARAENG 19:11

Nakanamo Batara, “Assulukko battu ri antu kali'bonga, siagang ammentengko a'dalle' mae ri Nakke rate ri monconga.” Nampa allalomo Batara anjoreng, nipirioloi ri anging mammiri' sannaka sarrinna, sa'genna tappuemo sikamma bontoa siagang moncong-moncong batua reppe'mi napakamma. Mingka tena Napa'nyatai KalenNa Batara lalang ri anjo anginga. Ri wattunna sannammo anjo anginga, ta'ge'goso'mi buttaya, mingka tena todong Napa'nyatai KalenNa Batara lalang ri anjo butta ta'ge'gosoka.

2 KARAENG-KARAENG 2:11

Lalang a'jappana ke'nanga, tuli sipa'bicarana. Ti'ring nia'mo se're kareta a'rinra nibeso' ri ruang kayu jarang a'rinra battu ampasisa'laki ke'nanga sipa'rua, nampa niangka' Elia nai' ri suruga ri anging barubu.

AYUB 38:1

Nampa a'bicaramo Batara battu lalang ri anging lompoa mae ri Ayub, Nakana,

PAMMUJI 50:3

Battui Allata'alata siagang talammantangai a'mereki, a'jappa rioloi ri pepe' a'lepa'-lepaka, nikulilingi ri angnging sannaka lompona.

KALAPPASSANG 9:24

bosi eska ia sanna' dudua siagang nirurunganga ri kila' assisambung-sambunga. Iaminjo bosi es kaminang sannaka lalang ri riwaya'na Mesir.

YESAYA 19:1

Iaminne pappasang ri passala'na tu Mesir. Battui sallang Batara mange ri Mesir a'dongko' rammang gassinga larina. Annekkere' ngasengi sikamma barhalana tu Mesir ri dallekanNa siagang ca'dimi nyawana tu Mesir napakamma.

YESAYA 21:1

Iaminne pappasang ri passala'na Babel: Rapang anging puttusu' ammarrunga allalo ri parang lompoa, kammaminjo kabattuanna bala lompoa battu ri pa'rasangang hebaka.

YEREMIA 23:19

LarroNa Batara rapangi anging barubu a'jalloka siagang antujui sikamma tau ja'dalaka.

YEREMIA 25:32

Nakana Batara Kaminang Koasaya, “Battu ri cappa'-cappa'na buttaya a'gamarrung anging lompoa; bala lompo antujui bansaya tasse're-se're.”

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 4:6

Picinikiangi oloang mangea ri Sion, bulu'Na Batara, a'liliko linta', teako ammantangngi a'mereki. Appabattui Batara bala siagang kaancurang lompo battu wara'.

YEREMIA 6:1

A'lampako alliliangi kalennu, he sikamma tu Benyamin! Bokoi Yerusalem! Pasa'rai tarompeka ri Tekoa, siagang apparinrako pepe' ri Bet-Kerem salaku pammatei! Niaki battu wara' balaya siagang bahaya lompoa lantujuko.

YEHEZKIEL 1:27

Bageang rateanna accayai sangkamma tambaga niaka ri tangngana pepe' a'rinraya. Bageang irawana accayai sanna' singara'na,

YEHEZKIEL 13:11

He, na'bi-na'bi takontutojenga, laruntungi tembo'nu. LappaturungA' bosi lompo. Anjo temboka lanitujui ri anging barubu siagang lanitujui ri bosi es,

YEHEZKIEL 13:13

Nakana Batara Kaminang Tinggia, “Lalang larroKu, lappabattuA' anging lompo, bosi lompo siagang bosi es untu' angngancuruki anjo temboka le'baka nupa'leoki,

YEHEZKIEL 43:3

Anjo paccinikku sangkammai kucini' ri wattunna battu Allata'ala untu' angngancuruki Yerusalem, siagang sangkammai kucinika ri Binanga Kebar. Nampa kupara'ba kalengku assu'ju'.

YEHEZKIEL 8:2

Accongama' nai' nampa nia'mo kucini' apa kamma tau. Battu ri aya'na a'lampa naung kammai nicini' pepe', nampa battu ri aya'na a'lampa nai' accilla'-cillaki nicini' sangkamma tambaga nikesoka.

ZAKHARIA 6:6

Kareta pa'bundukang nibesoka ri jarang le'lenga a'lampa mangei Babel ri bageang wara'. Jarang keboka a'lampa kalauki siagang jarang baloa a'lampa mangei ri pa'rasangang niaka ri bageang timboro'.”

IBRANI 12:29

Nasaba' anjo Allata'alata sanrapangi pepe' appakamutunga.

PAPPICINI' 1:15

na bangkenNa accayai sangkamma tambaga nitunua. Sa'ranNa sangkammai je'ne' ammarrung lompoa battu.