YEHEZKIEL 1:26 - KITTA' MATANGKASA'

²⁶ Irate ri anjo pattongkoka nia' kucini' kamma empoang karaeng nipareka battu ri batu nilang, nampa irate ri anjo empoanga nia'mo kucini' ammempo sangkamma tau.

YEHEZKIEL 1:26 ပူးပေါင်းရင်းမြစ်များ

1 KARAENG-KARAENG 22:19

Nakanamo pole Mikha, “Kamma-kamma anne pilangngeri apa Napaua Batara! Kuciniki Batara ammempo ri empoang kala'biranNa ri suruga, siagang sikontu malaekaka ammentengi ri ampi'Na.

PAMMUJI 45:6

Ana' pana cidu'nu natarrusuki atenna musunta, tu'guruki bansa-bansaya ri dallekanna bangkennu.

KALAPPASSANG 24:10

Na nacini'mo ke'nanga Allata'alana Israel ammenteng ri se'reang tampa', kammaya nicini' dapara' laccu', gauka tanja'na sanrapang langi' coraya.

YESAYA 54:11

Nakana Batara, “He Yerusalem, kota cilakaya, tena kullenu siagang tena panynyaleorinnu. LaKupadongkoki ammotere' sikamma dasara'nu, batu-batu ka'jalaka ballinna Kupake.

YESAYA 6:1

Ri taung kamateanna Karaeng Uzia, kuciniki Batara. Ammempoi rate ri empoang kala'biranNa, irate tampa' tinggia siagang mala'birika. JubaNa natongkoki sikontu Balla'Na Batara ri Yerusalem.

YEHEZKIEL 1:22

Irateanna anjo apa-apa attallasaka nia' ta'bantang sangkamma pattongko' battu ri kaca accillaka.

YEHEZKIEL 1:5

Ri tangnga-tangngana anjo rammanga, nia' kucini' appa' malaeka' akka'nyi', iamintu apa attallasa', attanja' tau,

YEHEZKIEL 10:1

Nampa accinika' mae ri pattongko' niaka irateanna ulunna anjo sikamma malaeka' akka'nyika, na nia'mo kucini' apa sangkamma empoang kakaraengang nipareka battu ri batu nilang.

YEHEZKIEL 43:6

Ri wattunna ammentengija anjo tu bura'nea ri sa'ringku, kulangngereki a'bicara Batara battu lalang ri Balla'Na Batara mae ri nakke, nakana,

YEHEZKIEL 43:7

“He tau, iaminne empoang kakaraengang kala'birangKu. AnrinniA' lammantang ri tangnga-tangngana umma' Israel siagang ammarenta mae ri ke'nanga sa'genna satunggu-tungguna. Baji' nake'nanga, kammayatompa sikamma karaenna ke'nanga, tenamo nalanara'massi areng matangkasakKu lanri anynyombana barhala yareka natarawanna maya'na sikamma karaenna ke'nanga anrinni ri tampaka.

YEHEZKIEL 8:2

Accongama' nai' nampa nia'mo kucini' apa kamma tau. Battu ri aya'na a'lampa naung kammai nicini' pepe', nampa battu ri aya'na a'lampa nai' accilla'-cillaki nicini' sangkamma tambaga nikesoka.

DANIEL 10:18

Jari sikalipi pole naseroa', sa'genna katambang ammotere' kagassingangku.

DANIEL 7:14

Nisarei kalompoang siagang kakoasanga salaku karaeng, sa'genna sikamma tau battua ri sikontu bansaya, suku bansaya siagang bahasaya napare' atai kalenna mae ri ia. Lattahangi kakoasanna satunggu-tungguna, siagang pamarentahanna tena nalanigulung.

ZAKHARIA 6:13

Ia lambangungi BallakKu siagang lannarimai kala'birang sangkamma se'rea karaeng, siagang ia lammarenta mae ri ra'ya'na. Nia' sitau imang lanrurungangi siagang lasamaturuki ke'nanga siagang siamaki ke'nanga lalang ri jama-jamanna.’

MATIUS 25:13

Le'baki anjo Natongko'mi Isa anjo pangngebaranga Nakana, “Lanri kammana, a'jaga-jaga mako, nasaba' tena nuassengi allonna siagang tette'na nabattu Ana' Ma'rupataua.”

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

IBRANI 1:8

Mingka mae ri anjo Anaka, Nakana Allata'ala, “Empoang kala'biranNu, o Allata'ala, lasa'genna satunggu-tungguna! PamarentahanNu, iamintu pamarentahang adele'.

IBRANI 12:2

Parallui tuli tattuju paccinitta mae ri Isa, nasaba' Iami ampabangungi siagang amparakai tappatta battu ri pakkaramulanna sa'genna kala'busang. Attahangi Isa angkasiaki sessaya ri kayu sallika! TaNajampangiai angkanaya anjo matea ri kayu sallika sannaki appakasiri'na. Iaji bawang Nau'rangi karannuang laNakasiaka sallang. Nakamma-kamma anne ammempomi ri sa'ri kanang empoang kala'biranNa Allata'ala, ammarenta siagang Allata'ala.

IBRANI 8:1

Poko'na anne sikamma nibicaraya iamintu: Nia' Imang Malompota sangkammaya anjo; niaka ammempo ammarenta siagang Allata'ala Kaminang Lompoa ri suruga.

YOSUA 5:13

Ri se'reang wattu niaki Yosua ri ampi'na Yerikho. Ti'ring nia'mo nacini' sitau bura'ne ammenteng ri dallekanna angngerang pa'dang ta'bi'bu'. Nareppesimi Yosua anjo taua nampa akkuta'nang angkana, “Ikau anne agangko, yareka baliko?”

1 PETRUS 3:22

siagang lanri nai'Namo ri suruga. Kamma-kamma anne koasaI siagang Allata'ala siagang Naparentami sikontu malaekaka, sikontu tau anna'galaka koasa, kammayatompa sikontu kagassingang niaka lalang ri jama-jamang rohania.

PAPPICINI' 1:13

Ri tangnga-tangngana anjo sikamma bangkeng-bangkeng lampua nia' sitau ammenteng a'rupa taua nicini' tanja'Na. Ammakei juba turunga sa'genna naung ri bangkenNa. Na barambanNa ammakei passikko' bulaeng.

PAPPICINI' 14:14

Nampa kuciniki, na nia'mo kucini' rammang kebo'. Irate ri anjo rammanga nia' sitau ammempo sangkammaya nicini' tau tanja'Na. Ri ulunNa nia' songko' bulaeng, na ri limanNa nia' se're kandao tarang.

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.

PAPPICINI' 5:13

Nampa akkelong kulangngere' sikontu anu attallasa' niaka ri langi', ri lino, irawanganna linoa, siagang lalang ri tamparanga; bodona kana sikontu anu attallasa' niaka ri anne linoa akkelong ngasengi angkana, “Ia ammempoa irate ri empoang kala'biranga, siagang anjo Ana' Gimbalaka, Iami nipuji na nipakalompo, kammayatompa nipakala'biri' na makoasa, sa'genna satunggu-tungguna!”