YEHEZKIEL 1:23 - KITTA' MATANGKASA'

²³ Irawanganna anjo pattongkoka massing-massing anjo apa attallasaka napaka'rangi sipasang ka'nyi'na mange ri apa attallasa' niaka ri ba'leanna, nampa sipasang ka'nyi'na maraenga napatongkoki ri kalenna.

YEHEZKIEL 1:23 ပူးပေါင်းရင်းမြစ်များ

AYUB 4:18

Ba'lalo sikamma atanNa ri suruga, takkulle nipatappa' ri Ia. Ba'lalo malaeka'-malaeka'Na nagappai salaNa siagang callaNa.

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

YEHEZKIEL 1:24

Punna anri'baki ke'nanga, kulangngereki sa'ra akkape-kapena ka'nyi'na; sa'ranna sangkammai sa'ra je'ne' tu'guruka battu ri tubiri', sangkamma sa'ra bangkenna tantara jaia, sangkamma sa'ranNa Allata'ala Kaminang Koasaya. Punna ammari ke'nanga anri'ba', massing nalappa'mi ke'nanga ka'nyi'na,

YEHEZKIEL 1:6

mingka massing taappakki rupanna siagang ruampasang ka'nyi'na.

LUKAS 17:10

Ikau kamma ngaseng tongko anjo. Punna le'ba'mo nugaukang sikamma nipassuroanga ri kau, angkana mako bawang, ‘Inakke poro palayang biasaja'; inakke poro a'matu-matukuji bawang ri jama-jamangku.’ ”