YEHEZKIEL 1:16 - KITTA' MATANGKASA'

¹⁶ Anjo appaka roda sangkamma kabusuki siagang accillaki sangkamma batu paramata, kammayatompa massing nia' pole se're roda maraenna iamintu tappalanga ri tangnga-tangngana.

YEHEZKIEL 1:16 ပူးပေါင်းရင်းမြစ်များ

1 KARAENG-KARAENG 7:33

Anjo roda-rodana santanjaki siagang roda kareta pa'bundukang; kalu'na rodaya, taralina, tangnga-tangngana papputarranna rodaya siagang tarali-taralina rodaya, yangasenna sangnging tambaga nipare'.

AYUB 9:10

Takkulleaki' ampahangi sikontu bate pare'Na, tanikulleai anrekengi sikamma gau' appakalannasa'Na.

PAMMUJI 36:6

O, Batara, pangngamaseanTa santinggi langika, tamamminraTa sa'genna rammanga.

PAMMUJI 40:5

Mate'nei tau matappaka ri Batara, tenaya nanynyomba ri rewata-rewataya, yareka appala' tulung mae ri tau tampoa.

KALAPPASSANG 39:13

Ri barrisi' makaappaka iamintu batu paramata pirusu', yaku' siagang ratna campaka. Anjo sampuloa anrua batu paramata nisikkoki siagang bulaeng.

KELONG MALA'BIRI' 5:14

Limanna ga'gai, accincing bulaeng siagang paramata, kalenna rapangi gading nisapu ri batu accilla'.

DANIEL 10:6

Accayai kalenna sangkamma paramata, rupanna kammai kila' singara'na, siagang matanna a'rinra-rinrai sangkamma pepe'. Paling-palinna siagang bangkenna accillaki sangkamma tambaga le'baka nikeso', na sa'ranna kammami nilangngere' sa'ra tau jai.

DANIEL 7:9

Lalang tulusu' kuparhatikanna, nia'mo siapa are empoang karaeng nipadongko'. Nampa Ia mattallasaka satunggu-tungguna niaki ammempo irate ri kalase'renna anjo empoang kakaraenganga. PakeanNa siagang uu'Na sanna' kebo'na rapang kapasa'. Empoang kakaraenganNa siagang roda-rodana a'rinra-rinrai lanri pepe' lompo,

ROMA 11:33

Teai sipato' heba'na kakalumanynyanganNa Allata'ala! Teai sipato' tinggina kacara'dekanNa siagang pangngamaseanNa! Maka inai akkulle ampappilajari sikamma apa le'baka Napattantu? Maka inai akkulle ampahangi cara-caraNa anjama?

EFESUS 3:10

PattujunNa Allata'ala iamintu sollanna tete ri jama'aka kamma-kamma anne, akkullemi naasseng sikontu tau anna'galaka koasa ri lino, antekamma pangngassenganNa Allata'ala ilalang sikontu apa Nagaukanga.