YAKOBUS 5:7 - KITTA' MATANGKASA'

⁷ Lanri kammana, sa'bara' ngasengko sari'battang, sa'genna battu Batara. Ciniki antekamma sa'bara'na palamung-lamunga antayangi wassele' lamung-lamung lompoa anggaranna mae ri ia. Sa'baraki antayangi wattu bosia siagang wattu pa'rapponna lamung-lamunna.

YAKOBUS 5:7 ပူးပေါင်းရင်းမြစ်များ

YEREMIA 5:24

Tena le'bakako angngu'rangi untu' ampakalompoA', padahala' iNakke appabattu bosi, baji' naripakaramulanna kammayatompa narikala'busanna baraka. INakke todong assareko wattu pakkattoang tunggala' taung.

HOSEA 6:3

Lanri kammana anjo umbamo kippattujuang tojeng-tojeng untu' angngassengi Batara. Mattantu labattui mae ri katte rapang battuna allo ammumbaya ri bari'basaka, siagang rapang bosi ambasaiyai buttaya ri kala'busang wattu bosia.”

YO"EL 2:23

He ra'ya' Sion, rannu mako! Ma'reja-rejako nu ma'rannu-rannu! Lanri sikontu kabajikang battua ri Karaeng Allata'alanu. Ri wattu timoroka Napaturungangko bosi siganna'na. Ri wattu baraka Napaturungi bosia, kammayatompa ri wattu a'rappona rappo-rappoanga kamma riolo.

ZAKHARIA 10:1

Punna battu wattu accu'la'na lamung-lamunga, appalakko bosi mae ri Batara. Na laNapa'rappungi Batara rammang lappaturunga bosi, siagang laNapaturungi bosi lompoa sa'genna a'jari moncongbulo nicini' sikamma kokoa siagang a'jari baji' mange ri yangasenna taua.

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

MATIUS 16:28

U'rangi anne! Ri alla'nu anne hadereka anrinni, nia' talamateapi punna tenapa naciniki Ana' Ma'rupataua battu poleang a'jari Karaeng.”

MATIUS 24:27

Nasaba' kabattuanNa sallang Ana' Ma'rupataua sanrapangi caya kila' tassioroka battu raya sa'genna kalau'.

MATIUS 24:44

Jari parallu tongko sadi'-sadia. Nasaba' tena nuassengi wattunna nati'ring lania' battu Ana' Ma'rupataua.”

LUKAS 18:8

Patappa'mi angkanaya: Lalintaki Nasare ammeta ke'nanga! Mingka punna battu Ana' Ma'rupataua, maka lania'ja tau tappa' nabuntulu' lalang ri anne linoa?”

LUKAS 21:27

Iaminjo wattua Nalabattu Ana' Ma'rupataua lalang ri rammanga siagang kakoasang na kala'birang malompoNa.

LUKAS 8:15

Anjo bine takkioroka ri butta copponga, iaminjo pangngebaranna tau allangngerekai anjo kabaraka, nampa naboli' baji' siagang attojeng-tojeng lalang ri atinna ke'nanga. Attahangi ke'nanga, sa'genna sanrapangi ke'nanga poko' kayu a'rappoa.”

YOHANES 21:22

Appialimi Isa Nakana, “Ebara' angkana erokKa' natuli attallasa'na sa'gengKu battu poleang sallang, anjo teai urusannu. Mingka ikau, amminawang mako ri Nakke!”

YOHANES 21:23

Jari tassiara'mi anjo kabaraka ri ana'-ana' gurunNa ngaseng Isa, angkanaya talamateai anjo ana' gurua. Na sikontutojenna tena na Nakana Isa angkanaya talamateai anjo ana' gurua passangalinna Nakananaja: “Ebara' angkana erokKa' natuli attallasa' sa'gengKu battu, anjo teai urusannu.”

ROMA 15:4

Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

ROMA 2:7

Nasarei Allata'ala katallassang sitojennaya siagang mannannunganga tau jarreka anggaukangi kabajikanga, sollanna nagappa katallassang mala'birika, katallassang malompoa siagang satunggu-tunggua.

1 KORINTUS 1:7

sa'genna tenamo nukakurangang barakka' manna sirupa, lalang nutayanna kabattuanNa Batarata Isa Almasi ampa'nyatai KalenNa mae ri sikontu rupataua.

GALATIA 5:5

Mingka untu' ikambe, manrannuang maki' mae ri pannulunNa RohNa Allata'ala; na lanri tappatta mae ri Almasi, Nasare maki' oloang assibajiki ammotere' siagang KalenNa.

GALATIA 6:9

Lanri kammana, takkulleaki' lanre anggaukangi apa-apa bajika; nasaba' punna tena nilanre anggaukangi anjo apa-apa bajika, nia' se're wattu sallang nalanigappa wassele'na.

PAOLE 11:14

Punna nugaukang anjo kammaya, lappaturungi bosi Batara mae ri buttanu punna narapi' wattunna, ri le'ba'nu akkatto, siagang ri wattunnu appakkaramula annanang. Jari langgannaki gandunnu, anggoro'nu siagang minynya' zaitunnu,

KOLOSE 1:11

Poro nipakajarrekko lanri kakoasang malompoNa Allata'ala, sa'gennu akkulle attahang angkasiaki sikamma kapa'risanga siagang sa'bara', yareka sannang pa'mai',

1 TESALONIKA 2:19

Tojeng-tojengi angkanaya ikau ngasemmi panrannuanna siagang karannuanna ikambe. Nasaba' punna battu sallang Batara Isa, nakiandallekang ri Ia, ikau ngasemmi nakalompoang nyawana ikambe!

1 TESALONIKA 3:13

Lanri kammana, akkullemi Napakajarre' Batara pa'mai'nu, sa'gennu matangkasa' siagang tena callannu ri dallekanNa Allata'ala Manggeta, punna battu poleang sallang Batara Isa a'rurung siagang sikontu taunNa ngaseng.

IBRANI 6:15

Attayammi Abraham siagang sa'bara', sa'genna natarimamo anjo apa Napa'janjianga Allata'ala mae ri ia.

YAKOBUS 4:11

Sikamma sari'battangku; teako assicalla-callai yareka teako assisala-salakangi. Inai-nai ancallai yareka ansalakangi paranna tu Karisteng, nacallami siagang nasalakammi hukkunNa Allata'ala. Na punna nusalakammo hukkung-hukkunNa Allata'ala, ma'nassa tenamo nanuturuki anjo hukkung-hukkunga, passangalinna a'jari mako haking mae ri anjo hukkung-hukkunga.

YAKOBUS 5:10

Sikamma sari'battangku, u'rangi na'bi-na'bi a'bicaraya lalang arenNa Batara. Sa'baraki ke'nanga angkasiaki kasessanga. Jari angngalle mako conto mae ri ke'nanga.

YAKOBUS 5:3

Attaiammi bulaennu siagang pera'nu; iaminjo taianna la'jari sa'bi angngewayako siagang la'jari sanrapang pepe' langkanreai tubunu sa'genna la'busu'. Nupattambung-tambummi pa'barang-barangannu ri anne allo kala'busanga.

2 PETRUS 3:4

nakana, “Sai nukana a'janji Batara labattu! Kemaemi kamma-kamma anne? Matemi boe-boeta, mingka yangasenna apa-apaya tuli kammana ri uru nipa'jarina linoa!”