YAKOBUS 5:6 - KITTA' MATANGKASA'

⁶ Nuhukkummi siagang nubunomi tau tenaya salana, na tanaewayako ke'nanga.

YAKOBUS 5:6 ပူးပေါင်းရင်းမြစ်များ

YESAYA 5:23

Mingka lanri ero'nuji anggappa doe' pammuccu', nanulappassang tau salaya, siagang nurompai tau tenaya nasala anggappa kaadelang.

YESAYA 53:7

Ia nigau' nikapallakki, mingka sa'baraki ampisa'ringi. Tamakkana-kanayai rapang ana' gimbala' nieranga mange ri pammolongang yareka anrong gimbala' nicukkuruka bulunna.

MATIUS 21:38

Mingka nacini'na ke'nanga anjo ana'na patanna koko nakanamo para ia, ‘Iaminne ana'na, warisi'na patanna koko. Umba nibunoi nampa nialleang warisi'na!’

MATIUS 27:20

Mingka imang-imang kapalaya siagang pamimping-pamimpinna tu Yahudia, tuli naajara' salai tau jaia sollanna napala' ri Pilatus, na Barabas nilappassang, nampa Isa nihukkung mate.

MATIUS 5:39

Mingka anne kamma Kukana ri kau ngaseng: teako appasibalasaki gau' kodi mange ri tau le'baka a'gau' kodi ri kau. Passangalinna punna nia' antempaka'rangi pilisi' kanannu, boli'mi kamma natempaka'rang todong pilisi' kairinnu.

LAMPA-LAMPANA 22:14

Nampa nakanamo pole Ananias mae ri nakke, ‘Napile mako Allata'alana boe-boeta, sollanna nuasseng ero'Na. Kammayatompa sollanna nucini' Isa, AtanNa Allata'ala anggaukangai ero'Na Allata'ala, kammayatompa nulangngere' kalennu sa'ranNa Isa.

LAMPA-LAMPANA 7:52

Maka nia' na'bi tanisessaya ri boe-boenu? Nabunoi ke'nanga tunisuroNa Allata'ala, le'baka ampabattui riolo dudu angkanaya labattui anjo Ata matojenNa Allata'ala. Na kamma-kamma anne le'ba'mi nupasikongkolang siagang nubuno anjo Ana'Na Allata'ala.

LAMPA-LAMPANA 8:32

Iaminne anjo aya'-aya' nabacaya ri Kittaka, “Sanrapangi gimbala' nieranga lamange nisamballe, sanrapangi ana' gimbala' tenaya nassa'ra punna nigoncingi bulunna, kamma tomminjo tamakkana-kanana.

IBRANI 10:38

Na ia ummakKu annabaya latappa'mi siagang lattallasa'mi; mingka punna nia' ri ke'nanga lammono'boko, tasannangai pa'maikKu mae ri ia.”

YAKOBUS 2:6

Mingka ikau nuhinai tu kasi-asia; na sikontutojenna iaji anjo tu kalumanynyanga anjallakkangko siagang anre'resangko mange ri pangadelanga!

YAKOBUS 4:2

Cinnako, mingka tena nunggappa; jari ero' mako ammuno! Lompoi sumanga'nu, mingka tanugappayai apa nuboyaiya; jari a'besere' mako siagang assiba'ji mako. Tena nunggappa apa-apa, lanri tena nuppala' mae ri Allata'ala.

1 PETRUS 4:18

Nia' tattulisi' lalang ri Kittaka angkanaya, “Punna sikamma tau bajika sukkara'mi lanipasalama', apami lakajariang mae ri sikamma tau doraka tenaya natappa' mae ri Batara!”