YAKOBUS 5:20 - KITTA' MATANGKASA'

²⁰ u'rangimi anne nakanaya Kittaka: Inai-nai ampoterangi tau dorakaya mange ri oloang tojenga, iami ampasalamaki nyawana anjo tau dorakaya battu ri kamateanga siagang a'jari saba' najai dosa nipammopporang. Sallangku, Yakobus

YAKOBUS 5:20 ပူးပေါင်းရင်းမြစ်များ

PAMMUJI 32:1

Pammujina Daud. Kelong pangngajarang. Mate'nei taua ia nipammopporanga dosana, nikaluppaia kasalanna.

PANGNGEBARANG 10:12

Kabirissanga appaumbai pa'beserang; mangngamaseanga napammopporangi sikontu kasalanga.

PANGNGEBARANG 10:2

Kakalumanynyangngang nigappaya battu ri akkala' salaya tena nangngerang kaupakkang; kabalekanna, kalambusanga lappasalamaki.

PANGNGEBARANG 11:30

Tau bajika lanikatutui tallasa'na; tau cara'deka lakatambangi tau amminawanga ri ia.

PANGNGEBARANG 11:4

Punna nadallekang kamateanga, tenamo matu-matunna barang-baranna; lasalamaki tallasa'nu punna te'ne pa'maikko.

PANGNGEBARANG 17:9

Punna erokko ningai ri taua, pammopporangi kasalang nagaukanga ke'nanga. Punna manynyero kana ri kasalang poro mannappu'ji bawang passari'battangang.

YOHANES 5:24

Ma'nassa kontutojengi anne kana-kanangKu: Inai-nai amparhatikangi kana-kanangKu, siagang tappaki mae ri Ia assuroA' battu, ma'nassa nagappami katallassang mannannunganga. Tenamo nalanihukkung; ta'lappasa'mi battu ri kamateanga nanagappa katallassanga.

ROMA 11:14

Kuminasai nakuakkulle ampa'jari akkimburu bansaku mae ri bansa maraenga, sollanna akkulle a'jari saba' nakuakkulle ampasalamaki sipa'rua ke'nanga.

1 KORINTUS 1:21

Nasaba' manna pole antekamma cara'de'na rupataua, mingka takkulleai mangngasseng ri Allata'ala punna lanri kacara'dekanna bawang. Mingka lanri mangngamaseanNa Allata'ala, Naero'mo ampasalamaki sikamma tau tappaka ri Ia, tete ri anjo biritta napabattua ikambe, nicini' a'balle-ballea ri anne linoa.

1 KORINTUS 9:22

Kupa'jari kalengku sanrapang tau tenaya najarre' tappa'na ri tangnga-tangngana tau tenaya najarre' tappa'na, sollanna akkulle kubeso' ke'nanga a'jari tumminawang ri Almasi. Bodona kana, kupa'jari kalengku sanrapang apa-apa mamo, sollanna a'rupa-rupai carana nakkulle kuerang taua mae ri Almasi nanipasalama'.

1 TIMOTIUS 4:16

Katutui kalennu siagang katutui tongi pangngajarannu. Paralluko tamamminraya anggaukangi yangasenna anjo nasaba' kammaminjo nanupasalama' kalennu kammayatompa sikamma tau allangngerekai apa nupangngajarranga.

FILEMON 1:19

Jari baji'mi nakutulisi' kalengku anrinni angkanaya: Inakkepa Paulus ambayara' ngasengi sallang. (Tantu tena naparallu kupappiu'rangiang angkanaya kalennu pole kainrangang tongko mae ri nakke, iamintu lanri katallassang berunu salaku tu Karisteng.)

YAKOBUS 1:15

Nampa, punna naturukimo anjo kaerokang ja'dala'na, iaminjo allassukang dosa; napunna jarre'mo anjo dosaya, iaminjo angngerang kamateang.

YAKOBUS 1:21

Lanri kammana, pela' ngasemmi sikontu kabiasang ra'masaka siagang ja'dalaka. Tarimami siagang ati matuna kana-kana Nalamunga Allata'ala lalang ri atinnu, nasaba' anjo kana-kanaya nia' kakoasanna untu' ampasalamakko.

YAKOBUS 5:15

Inai-nai appala' doang siagang tappa' tojeng-tojeng mae ri Batara, lanipamollei battu ri garrinna. Lanipamollei garrinna ri Batara, siagang lanipammopporangi dosa-dosana le'baka nagaukang.

YAKOBUS 5:19

Sikamma sari'battangku! Punna nia' tau ri tangnga-tangnganu taerokamo anturuki pangngajarang battua ri Allata'ala, nampa nia' tau akkulle ampoterangi anjo taua mae ri Allata'ala,

1 PETRUS 4:8

La'biangampa pole nayangasennaya, paralluko attojeng-tojeng massing sikamaseang; nasaba' punna massing sikamaseangko sadia tommako untu' sipammopporang.

PAPPICINI' 20:6

Maupaki sikamma tau nipattallasa' poleanga todong ri anjo wattu bungasaka. Iami ke'nanga siratang a'jari taunNa Allata'ala. Tenamo nakoasa kamateang makaruaya mae ri ke'nanga. La'jarimi ke'nanga imang-imanNa Allata'ala siagang imang-imanNa Almasi; na lammarentamo ke'nanga siagang Ia sa'genna sisa'bu taung sallona.