YAKOBUS 5:16 - KITTA' MATANGKASA'

¹⁶ Lanri kammana, paralluko massing ammangakui kasalannu mae ri parannu tau, siagang sipappala' doangangko, sollannu nipammolle. Pappala' doangang situruka ero'Na Allata'ala, lompo sikali kakoasanna.

YAKOBUS 5:16 ပူးပေါင်းရင်းမြစ်များ

PA'JARIANG 19:29

Kammaminjo kajarianna ri wattunna Napanraki Allata'ala anjo kota-kotaya, ri lappara' napammantangia Lot. Angngu'rangi Allata'ala ri Abraham, sa'genna natulummo Lot ampilari anjo tampaka.

PA'JARIANG 20:17

Nipa'jari tamanang ngasemmi ri Batara sikontu baine niaka ri balla' kakaraenganna Abimelekh passabakkang Sara, bainenna anjo Abraham. Nampa appala' doammo Abraham ri Allata'ala, sa'genna nipa'jari baji' ammotere' Abimelekh. Bainenna siagang sikamma atanna bainea, nipa'jari baji' ngaseng tommi ammotere' sa'genna akkulle ngasemmi ammana' poleang.

PA'JARIANG 20:7

Mingka kamma-kamma anne poterangi mae ri bura'nenna. Na'bi bura'nenna antu bainea, na lanapappala' doangangko sollanna tena numate. Mingka punna tena nanupoterangi, u'rangi angkanaya ikau siagang sikontu ra'ya'nu lamate ngasengko!”

PA'JARIANG 32:28

Nakanamo anjo taua, “Teaimi Yakub arennu. Le'ba' mako a'laga siagang Allata'ala, kammayatompa siagang rupataua, nampa ikau ammeta. Lanri kammana, kamma-kamma anne a'jari arennu Israel.”

2 SAMUEL 19:19

“Kupalaki ri katte karaeng sollanna tena nakicini' tuli salana anne atanta. Poro kikaluppai lalomi apa le'baka nagaukang atanta ri allo kibokoina Yerusalem karaeng.

1 KARAENG-KARAENG 13:6

Nampa nakanamo Karaeng Yerobeam ri anjo na'bia, “Tulunga' nuppala' doang mae ri Karaeng Allata'alanu untu' inakke. Palaki pangngamaseanNa sollanna Napakabaji' limangku!” Appala' doammi anjo na'bia ri Batara, nampa baji'mo limanna karaenga.

2 PATTOTTORANG 30:20

Napilangngerimi Batara anjo pappala' doanna Hizkia. Napammopporammi anjo taua, siagang tenamo Nahukkungi ke'nanga.

AYUB 42:8

Jari, angngalleko kamma-kamma anne tuju kayunna sapi laki siagang tuju kayunna bembe laki, nampa a'lampako mange ri Ayub. Passareang ngasengi anjo sikammaya, a'jari koro'bang untu' kalennu. Lappala' doangi Ayub untu' ikau ngaseng, nampa laKupilangngeri pappala' doanna. Tena nalaKupakasirikko, manna nusiratang annarima hukkungang. Teai kammatojenga nupau ri passala'na KalengKu, mingka Ayub napaui kammatojenga.”

PAMMUJI 34:15

Pakabellai kalennu battu ri ja'dalaka, gaukangi bajika, usahakangi passiamakkanga sipikulle-kullenu.

KALAPPASSANG 17:11

Lalang naangka'na limanna Musa, ammetai tu Israel. Mingka punna napanaung limanna Musa, tu Amalek ammeta.

KALAPPASSANG 9:33

Nampa nabokoimo Musa anjo karaenga na'lampa assulukang kota; anjoreng naangka'mi limanna appala' doang ri Batara. Anjo memang wattua ammarimi gunturuka, bosi eska siagang bosia.

PANGNGEBARANG 15:29

Napilangngeri Batara punna appala' doang tau bajika, mingka tena najampangi tau dorakaya.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

PANGNGEBARANG 28:9

Punna tena numannuruki ri hukkunNa Allata'ala, latakkoa' tongi Allata'ala ri pappala' doannu.

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

YEREMIA 33:3

“Akkiokko mae ri Nakke, na Kulappiali; laKupauangko apa-apa ga'gaya siagang appakalannasaka, ia tenayapa nanuassengi.

YEREMIA 42:2

mae ri nakke nampa angkana, “Bapa', sangkamma kicinika kalenta, ikambe anne riolo jaiki', na kamma-kamma anne sike'de' mamaki' ammantang. Napalaki ikambe ri katte Bapa', nakiero' ampappala' doangngangi ikambe mae ri Karaeng Allata'ala kisombaya. Kipappala' doangngangi ikambe anne niaka ija tassesa ri Karaeng Allata'ala kisombaya,

PAMMILANGNGANG 11:2

Ammarrang-marrammi anjo taua appala' tulung ri Musa. Nampa appala' doammo Musa mae ri Batara, sa'genna matemo anjo pepeka.

MATIUS 21:22

Manna apa mamo nupala' lalang pappala' doangannu assala' tappa' tojeng-tojengko, ma'nassa lanutarimai apa nupalaka.”

MATIUS 3:6

Namangakuimi dosa-dosana ke'nanga, nampa nije'ne' ke'nanga ri Yohanes lalang ri Binanga Yordan.

MARKUS 1:5

A'lampa ngasemmi tuniaka ri pa'rasangang Yudea siagang kota Yerusalem, mange ampilangngeri Yohanes. Namangakuimi dosa-dosana ke'nanga, nampa nije'ne' ri Yohanes lalang ri Binanga Yordan.

LUKAS 9:6

A'lampami ana'-ana' gurunNa Isa mange ri desa-desaya untu' ambirittakangi Kabara' Bajika, siagang amballei tau garringa ri kere-keremae.

YOHANES 9:31

Naniassemmo angkanaya tanipilangngeriai ri Allata'ala pappala'na tau dorakaya; iaji nipilangngeri pappala'na tau ampakala'birikai Allata'ala, siagang anggaukangai ero'Na.

LAMPA-LAMPANA 10:38

Nuassemmi angkanaya le'ba'mi Napile Allata'ala anjo Isa tu Nazaretka, naNapassareang RohNa Allata'ala siagang koasaNa mae ri Ia. Nuasseng tommi angkanaya le'ba'mi a'lampa mange-mange Isa anggaukangi kabajikanga; Naballeimi sa'genna a'jari baji' sikamma tau nasosoka setang, lanri niaki Allata'ala anrurungangi.

LAMPA-LAMPANA 19:18

Jaimi tau tappakamo ri Isa battu ammangakui ri dallekanna tau jaia sikamma panggaukang salana ke'nanga ri wattu allaloa.

LAMPA-LAMPANA 8:24

Nakanamo Simon mae ri Petrus siagang Yohanes, “Tulunga', nakipala' ri Batara sollanna tena lalo manna sirupa kajariang mae ri nakke, anjo apa kipaua.”

ROMA 3:10

Sangkamma niaka tattulisi' lalang ri Kittaka, angkana, “Tena manna sitau annaba,

ROMA 5:19

Kammayatompa sangkamma angkanaya passabakkang se're tau tamannuruki ri Allata'ala najaimo tau a'jari doraka, sangkamma tomminjo passabakkang se're tau anggaukangi ero'Na Allata'ala, nalajai tommo tau assibajiki ammotere' siagang Allata'ala.

KOLOSE 1:9

Iaminjo saba'na nakituli ampappala' doangangko appakkaramula ri nilangngere'na kabara'nu. Kipalaki mae ri Allata'ala sollannu Nasare RohNa Allata'ala kacara'dekang siagang pangngassengang sollanna nupahang baji' apa Nakaerokia Allata'ala.

1 TESALONIKA 5:17

tuli appala' doangko mae ri Allata'ala.

1 TESALONIKA 5:23

Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.

1 TESALONIKA 5:25

Sari'battangku ngaseng, pappala' doangangi ikambe!

IBRANI 11:4

Lanri tappa'na, nanapassareang Habel koro'banga mae ri Allata'ala, iamintu koro'bang bajikanganga na koro'bang napassareanga Kain. Lanri ia anjo tappa'na, nanitarimamo Habel ri Allata'ala a'jari tau baji'; nasaba' ma'nassami angkana nitarimai ri Allata'ala koro'banna. Matemi Habel, mingka lanri anjo tappa'na, tuli a'bicarana ija sa'genna kamma-kamma anne.

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.

IBRANI 12:13

Oloang lapparaka tuli nuolo a'jappa, sollanna tena natassala ura'na anjo bangkeng lammanu, mingka a'jari bajiki ammotere' ba'lalo.

IBRANI 13:18

Tuli appala' doangko untu' ikambe. Sanna' tappa'na angkana ci'nongi ati mailalanna ikambe, nasaba' ilalang sikontu-kontuna, tuli eroki ikambe anggaukangi apa-apa tojenga.

YOSUA 10:12

Anjo alloa ri wattunna Nasare Batara pammetang tu Israel mae ri Amori, a'bicarami Yosua mae ri Batara. Na ri dallekanna tu Israel, nakanamo Yosua, “E, mataalloa! Ammantangko irateanna Gibeon; Na ikau bulanga! Teako a'letteki battu ri rateanna Ka'bung Ayalon.”

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.

1 YOHANES 3:22

Siagang apa-apa mamo nipala' battu ri Ia, tena tanigappana, lanri mappilangngeriki' mae ri sikamma parentaNa, siagang nigaukangi apa Nangaia ri atinNa.

1 SAMUEL 1:12

Sanna' sallona Hana appala' doang, naniparhatikang bawana ri Eli anjo bainea.

1 SAMUEL 12:17

Lakkioka' mae ri Batara, namanna pole wattu timoroki, lappaturungi Batara gunturu' siagang bosi, a'jari pammatei angkanaya Napilangngeri pappala' doangku. Anjo wattua, lasadara' mako antekamma lompona dosanu mae ri Batara lanri appala'nu sitau karaeng.”

1 SAMUEL 12:18

Nampa appala' doammo Samuel; na ia memang anjo alloa appaturummi Batara gunturu' siagang bosi. Sikontu anjo bansaya a'jari malla' ngasemmi ri Batara siagang mae ri Samuel.