YAKOBUS 5:13 - KITTA' MATANGKASA'

¹³ Punna nia' ri tangnga-tangnganu tau susa, parallui appala' doang. Punna nia' tau rannu, parallui akkelong mammuji ri Allata'ala.

YAKOBUS 5:13 ပူးပေါင်းရင်းမြစ်များ

1 PATTOTTORANG 16:9

Akkelongko pammuji mae ri Batara birittakangi sikamma bate pare' malompoNa.

AYUB 33:26

Punna appala' doangi, lanikamaseangi ri Allata'ala, na lamammujimo mae ri Allata'ala siagang rannu pa'mai' siagang lanipoterammi a'jari baji' tallasa'na ri Allata'ala.

PAMMUJI 105:2

Akkelongko kelong pammuji mae ri Batara, kabarrangi sikontu bate pare'Na appakalannasaka.

PAMMUJI 118:5

Lalang kasukkarangku akkioka' mae ri Batara; nampa appiali na Nalappassanga'.

PAMMUJI 18:6

Nitammulilia' ri bahayana kamateanga, sikko'na kamateanga niaki ri dallekangku.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

PAMMUJI 95:2

Umba kimandallekang ri Ia siagang kelong kasukkurang, akkio' rannu ri Ia siagang lagu pammuji.

YESAYA 65:14

Sikontutojenna lakkio' rannui ke'nanga, mingka ikau angngarrukko napakamma si'na.

DANIEL 5:4

Lalang angnginunna ke'nanga, mammuji-mujimi ke'nanga ri rewata-rewata nipareka battu ri bulaeng, pera', tambaga, kayu siagang batu.

HOSEA 6:1

Nakana tu Israel, “Umba kimmotere' mae ri Batara. Ia ampa'risi nyawata mingka Ia todong ansaleori. Ia allokoki, mingka Ia todong lamballei anjo bokka'-bokkatta.

YUNUS 2:2

“O Batara, lalang kasusaangku kukkio' mae ri Katte naKipialia'. Battu ri linona tau matea nakuppala' pannulung, Kipilangngeri siagang Kiparhatikang pappala' doangku.

MIKHA 4:5

Tunggala' bansaya ri tompo'na buttaya massing anynyombai siagang mannuruki ri massing rewata kalenna. Mingka ikatte lamannurukiki' mae ri Karaeng Allata'alata siagang anynyomba ri Ia untu' satunggu-tungguna.

MATIUS 26:30

Le'baki anjo, akkelong-kelommi ke'nanga se're kelongang pammuji ri Allata'ala. Nampa a'lampa ke'nanga mange ri Bonto Zaitun.

LUKAS 23:42

Nampa nakana mae ri Isa, “Isa, U'rangi tonga' sallang punna battuKo a'jari Karaeng!”

1 KORINTUS 14:15

Jari, apa musti kugaukang? Iaminne lakugaukanga: Lappala' doanga' siagang rohku, mingka lappala' doang tonga' siagang pikkirangku. Lamakkelonga' siagang rohku, mingka lamakkelong tonga' siagang pikkirangku.

1 KORINTUS 14:26

Jari, apa ngaseng battuanna anne, sari'battang? Punna a'rappungangko ero' anynyomba ri Batara, bajiki punna nia' akkelong, nia' angngajara', nia' ampabattui apa-apa battua ri Allata'ala, nia' a'bicara siagang bicara appakalannasaka siagang nia' ampakasingaraki battuanna anjo bicara appakalannasaka. Mingka yangasenna anjo musti nugaukangi untu' angngajara' siagang untu' kabajikannu ngaseng.

EFESUS 5:19

Pakei kana-kana mappakala'birika, kelong pammuji-mujia siagang lagu-lagu rohania lalang ri kana-kanannu. Paralluko rannu pa'mai' akkelong mammuji-muji mae ri Batara makoasaya.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

YAKOBUS 5:10

Sikamma sari'battangku, u'rangi na'bi-na'bi a'bicaraya lalang arenNa Batara. Sa'baraki ke'nanga angkasiaki kasessanga. Jari angngalle mako conto mae ri ke'nanga.

PAPPICINI' 14:3

Na ri dallekanna anjo empoang kalompoanga, siagang appaka olo'-olo', kammayatompa sikamma anjo pamimping akkulilinga ri anjo empoang kala'biranga, akkelong ngasemmi anjo tau 144.000 jaina. Kelongang beru anjo nakelonganga ke'nanga. Manna inai takkulleai napappilajari anjo kelonga, pantaranganna anjo tau 144.000 jaina. Yangasemmi anjo ke'nanga tau le'baka nilappassang battu ri linoa.

PAPPICINI' 7:10

Nampa akkio' lompo ke'nanga angkana, “Battu anjorengi ri Allata'ala kasalamakkanta, niaka ammempo irate ri empoang kala'biranga, siagang battu anjorengi ri anjo Ana' Gimbalaka!”