YAKOBUS 5:11 - KITTA' MATANGKASA'

¹¹ Nigallara'mi ke'nanga tau sunggu, lanri sa'bara'na ke'nanga. Nulangngere' tommi kasa'barranna Ayub, siagang nuasseng tommi antekamma batena nibarakkaki ri Batara, ri kale'bakkanna. Nasaba' teai sipato' baji' pa'mai'Na siagang lompo pangngamaseanNa Batara.

YAKOBUS 5:11 ပူးပေါင်းရင်းမြစ်များ

1 PATTOTTORANG 21:13

Appialimi Daud angkana, “Dende', cilakama' anne! Mingka kala nahukkung rupataua, bajikangangi punna Batara anghukkunga', nasaba' lompoi pangngamaseanNa.”

2 PATTOTTORANG 30:9

Punna ammoterekko mange anynyomba ri Batara, anjo tau le'baka allalingi bija pammanakannu salaku tunitahang, lamangngamaseangi siagang lanapa'biangi ke'nanga ammotere' mae anrinni ri pa'rasanganta. Anjo Karaeng Allata'alanu, Iami Allata'ala mabaji' siagang Mangngamaseangi; laNatarimako punna ammoterekko mae ri KalenNa.”

NEHEMIA 9:17

Tamannurukiai ke'nanga, nakaluppai sikontu kabajikanTa, tenai ri pangngu'ranginna sikamma gau' mappakalannasatTa. Tampomi ke'nanga ammile sitau pamimping, untu' angngerangi ke'nanga ri Mesir, ammotere' a'jari ata. Mingka iKatte Allata'ala mangngai mappammopporang, sarro sa'bara', lammoro' pa'mai', sukku' pangngamaseang. Teai sipato' heba'na pangngamaseanTa; tena naKibokoi ke'nanga.

NEHEMIA 9:31

Mingka lanri teai sipato' lompona pangngamaseanTa, tena Kibokoi yareka tena Kiancuruki ke'nanga. Memang iKattemi Allata'ala tenaya sangkammanTa; lompoi pangngarimanginTa, sukkuki pangngamaseanTa!

AYUB 1:1

Ri butta Us, nia' sitau bura'ne ammantang, niareng Ayub. Anynyombai siagang majarreki tappa'na mae ri Allata'ala. Baji' akkalaki siagang tena na'gau' kodi manna sike'de'.

AYUB 1:2

Nia' ana'na tuju bura'ne siagang tallu baine.

AYUB 2:10

Appialimi Ayub angkana, “Sangkammako tau dongoka a'bicara! Masa' bajikaji bawang ero' nitarima battu ri Allata'ala, nampa kodia lanitollaki?” Jari, manna pole nanituju Ayub ri sikontu anjo balaya, mingka tena nappasulu' kana-kana ambaliangi Allata'ala.

AYUB 23:10

Mingka Naassengi sikontu jappaku kammayatompa tunggala' dakkaku. Punna sanrapanga' bulaeng kuniuji, la'nyatami angkana ti'noki pa'maikku.

PAMMUJI 103:13

Sanrapang se're mangge mangngamaseang ri ana'-ana'na, kammaminjo Batara mangngamaseang ri tau mappilangngeria.

PAMMUJI 103:8

Saba' mangngamaseangi na mangngarimangngi Batara, la'bu sa'bara' na alla'bi pangngamaseang.

PAMMUJI 116:5

Anjo Batara mangngamaseangi siagang adeleki; Allata'alata la'bi ri pangngamaseang.

PAMMUJI 119:132

Assaile maKi' mae ri nakke siagang Kikamaseanga', sangkamma Kikamaseanna tau mangngaia ri Katte.

PAMMUJI 145:8

Anjo Batara mangngamaseangi siagang mangngarimangngi, tena nalinta' larro siagang tuli mangngamaseangi.

PAMMUJI 37:37

Parhatikangi tau bajika siagang tau lambusu' pa'maika; tau nangaia assiama' bajiki allo ri bokona.

PAMMUJI 51:1

Untu' pamimpin pakelong. Pammuji natulisika Daud

PAMMUJI 78:38

Mingka Nakamaseangi siagang Napammopporangi Allata'ala umma'Na, siagang tena Napapossoki ke'nanga. A'mole-molei Natahang larroNa, natena Napa'betteseki pangngalarroiNa.

PAMMUJI 86:15

Mingka iKatte, o, Batara, Allata'ala mangngamaseang siagang manynyayang, sa'bara', la'bi pangngamaseang siagang majarre'.

PAMMUJI 86:5

IKatte bajikKi', o, Batara, Kingai ampamopporangi taua, tau appala' doanga mae ri Katte tuli Kikamaseangi siagang pangngamaseang alla'bi-la'bia.

PAMMUJI 94:12

Mate'nei tau Kiajaraka, o, Batara, tau Kiajaraka hukkung-hukkunTa.

KALAPPASSANG 34:6

Nampa allalomo Batara ri dallekanna Musa na Nakana, “INakke Batara, iamintu Allata'ala malammoro' pa'maika siagang mangngamaseanga. Anjo pangngamaseangKu alla'bi-la'bi; majarreKa' siagang tena naKulinta' larro.

KATO'BA 7:8

Bajikangngangi kale'bakkanna kara-karaya naia uru-uruna; bajikangngangi sa'baraka kala tinggi pa'maika.

YESAYA 63:7

Eroki kukabarrang pangngamaseanNa Batara lanri sikontu gau'Na kumammuji ri Ia. Allumpa-lumpai bateNa ambarakkaki umma'Na, lanri nia'na pangngamaseanNa na tena la'busu'na anjo pangngamaseanNa.

YESAYA 63:9

Ia KalenNa nituju ri kasusaanna ke'nanga. Tena Nakkiring Batara tunisuro yareka tunisare koasa; Ia KalenNa allappassangi ke'nanga lanri pangngamaseanNa siagang pangngarimanginNa. Tuli Naparakai ke'nanga battu riolo.

PIRAUNG 3:22

Anjo pangngamaseanNa Batara sa'gennai satunggu-tungguna, tena la'busu'na passare baji'Na,

DANIEL 9:9

Lammoro' pangngamaseangKi' siagang laboKi' ri pammopporo', manna pole nanangai ikambe angngewaya.

YO"EL 2:13

Teako pakeannu nukae-kae mingka atinnu.” Assaile mako mae ri Karaeng Allata'alanu. Sarro sa'baraKi siagang lompo panynyayang lammoro' pa'maiKi na mangngamaseang. Nangai appamopporang siagang taNangaiyai anghukkunga.

YUNUS 4:2

Nampa appala' doang nakana, “O Batara, sai le'ba'mi kupau ri tenanapa ku'lampa ri ballakku pirangalloang, angkanaya tantu laKigaukanna anne kammaya? Iaminjo saba'na nakutulusu' lari mange ri Spanyol! Kuassengi angkanaya iKatte Allata'ala assayang siagang angngamaseang, la'bu ri sa'bara', lamma siagang alusu' pa'mai', siagang tuli sadiaKi' untu' ampinrai rancanaTa anghukkung.

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

PAMMILANGNGANG 14:18

‘INakke, Batara, tena Kulinta' larro. Kupappicinikangi pangngamaseangKu siagang tamamminraKu malla'bi-la'bia. Kupammopporangi tau dorakaya siagang tau angngewayA'. Mingka manna nakamma, kasalanna tau toaya laKubalasaki mae ri ana'-ana'na siagang cucu-cucunna, sa'genna jari-jari lapisi' makatalluna siagang makaappa'na.’

MATIUS 10:22

Lanikabirisiko ri tau jaia passabakkang amminawannu ri Nakke. Mingka inai-nai tuli attahang sa'genna kala'busang tallasa'na, iami lanipasalama'.

LUKAS 1:50

Sossorang mange ri sossorang tuli nikamaseang ri Batara tau mallaka ri Ia.

LUKAS 11:10

Nasaba' inai-nai appala', iami lannarima; inai-nai a'boya, iami langgappa; inai-nai a'de'de' pakke'bu', iami lanisungkeang pakke'bu'.

LUKAS 6:36

Paralluko lompo pangngamaseang sangkamma Manggenu lompo pangngamaseangi.”

ROMA 2:4

Yareka nucapaki pangngamaseanNa siagang kabajikanNa kammayatompa kalompoanNa Allata'ala? Mattantu nuassengi angkanaya iaji naNapappicinikang kabajikang pa'mai'Na Allata'ala, lanri nakellainu ngaseng toba' ri dosa-dosanu.

EFESUS 1:6

Nipujimi Allata'ala lanri la'biri'na kabajikang pa'mai'Na, le'baka allumpa Napa'nyata mae ri katte ri tete Ana'Na Nakarimangngia.

EFESUS 2:4

Mingka teai sipato' lompona kabajikang pa'mai'Na Allata'ala! Sanna' Nakamaseanta,

IBRANI 10:39

Ikatte anne teaiki' umma' ammono'bokoa siagang sala oloanga. Mingka ikatte umma' matappakki' mae ri Allata'ala siagang nipasalamaka ri Allata'ala.

IBRANI 3:14

Ikatte anne bela sipanjama-jamanna ngasengki' Almasi, assala' tuli nita'gala' jarreki katappakkang niaka ri katte battu ri uru-uruna sa'genna kala'busang.

IBRANI 3:6

Mingka tamalanreai Isa salaku Ana' antanggongiai amparakai Balla'Na Allata'ala. Na ikattemi anne sanrapang Balla'Na Allata'ala, punna tuli lompona sumangatta siagang tuli tappatta angkanaya tena tanigappana anjo apa niminasaia.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

YAKOBUS 1:2

Sikamma sari'battangku! Punna nukasia' a'rupa-rupaya paccoba, parallui nubilang upa' kalennu.

1 PETRUS 1:13

Lanri kammana, paralluko tuli a'jaga-jaga. Tutuko siagang manrannuang tojeng-tojengko mae ri barakka' lanipassareanga mae ri kau ri wattunna battu Isa Almasi sallang.

1 PETRUS 3:14

Mingka manna pole musti nukasia' kasessanga lanri nugaukanna apa-apa bajika, ikau upa' mako! Teako mallakki manna pole ri nai, siagang teako bata-batai.

2 PETRUS 2:9

Jari Naassengi Batara angkanaya antekamma batena ampasalamaki tau eroka mannuruki ri ero'Na, punna nadallekangi sikamma paccobaya. Siagang Naassengi Batara angkanaya antekamma batena amboliki sikamma tau ja'dalaka, sollanna akkulle nisessa sallang ri Allonna Pangadelanga,