YAKOBUS 4:10 - KITTA' MATANGKASA'

¹⁰ Paralluko ampakatunai kalennu ri dallekanNa Batara, sollannu Napakatinggi sallang Batara.

YAKOBUS 4:10 ပူးပေါင်းရင်းမြစ်များ

2 PATTOTTORANG 7:14

nampa napake arengKu anjo UmmakKu ampakatunai kalenna, siagang appala' doang kammayatompa battui mae ri Nakke na nabokoi panggaukang ja'dala'na ke'nanga, laKupilangngeri battu ri suruga pappala' doanna ke'nanga. LaKupammopporangi dosa-dosana ke'nanga siagang Kupa'jari coppongi pa'rasanganna ke'nanga ammotere'.

AYUB 22:29

Tau borroa nipakatunai ri Batara, mingka tau tuna pa'maika Napasalamaki.

AYUB 5:11

Iami Allata'ala ampakatinggi tau tunaya, ampakate'nei tau susaya.

PAMMUJI 113:7

Naangkaki tu kasi-asia battu ri limbu'buka, siagang tu kasi-asi dudua battu ri aua.

PAMMUJI 147:6

Napabangungi tau nijallakkanga, mingka tau ja'dalaka Napatappasaki naung ri buttaya.

PAMMUJI 27:6

Anne kamma ammetama' mae ri musungku niaka angkatulunga'; jari makkio' rannuma' assare koro'bang sukkuru' ri BallatTa; erokka' akkelong siagang mammuji mae ri Batara.

PAMMUJI 28:9

Kipasalama' laloi ummatTa, o, Batara, barakkaki sikamma tau Kipatanga. A'jariKi' sanrapang pakalawaki mae ri ke'nanga, na Kijagai ke'nanga sa'genna satunggu-tungguna.

PAMMUJI 30:1

Pammujina Daud. Kelong-kelong ri wattunna niresmikang Balla'Na Batara ri Yerusalem.

KALAPPASSANG 10:3

Nampa a'lampami Musa siagang Harun mange andallekang ri karaenga na nakana ri ia, “Batara, Allata'alana bansa Ibrani, appasangi angkana, ‘Siapapi sallonu taeroka tundu' mae ri Nakke? Lappassammi ummakKu a'lampa, sollanna akkulle ke'nanga nagaukang ibadana mae ri Nakke.

PANGNGEBARANG 29:23

Tau tampoa lanipakatunai; tau tuna pa'maika lanipuji.

YEHEZKIEL 21:26

INakke, Batara Kaminang Tinggia anne akkana. Lappassangi songko' kakaraengannu siagang sungkei soro'bannu. Kamma-kamma anne tappinrami kaadaanga. Angkaki empoanna tau kasi-asia siagang sarei ke'nanga koasa. Panaungi sikamma tau anna'galaka kakoasang battu ri kalompoanna!

MATIUS 23:12

Inai-nai ampakalompoi kalenna iami lanipakatuna; na inai-nai ampakatunai kalenna, iami lanipakalompo.”

LUKAS 1:52

Napanaung ri empoanna sikontu tu nikaraengang napanai' ri tinggia, sikontua tu nihina.

LUKAS 14:11

Nasaba' inai-nai ampakalompoi kalenna, iami lanipakatuna, mingka inai-nai ampakatunai kalenna, iami lanipakalompo.”

LUKAS 18:14

Nakanamo Isa, “Patappa'mi angkanaya, ri wattunna ammotere' mange ri balla', iaminjo pasingara' simaya nitarima pappala'na ri Allata'ala. Jari teai pappala'na anjo tu Farisia. Nasaba' inai-nai ampakatinggi kalenna iami lanipakatuna. Na inai-nai ampakatunai kalenna, iami lanipakatinggi.”

1 PETRUS 5:6

Lanri kammana, pakatunai kalennu irawangang lino magassinNa Allata'ala. Sollanna Napakatinggiko sallang punna narapi' wattunna.

1 SAMUEL 2:7

Nia' tau Napa'jari kasi-asi dudu, nia' todong Napa'jari kalumanynyang. Nia' tau Napakatuna, nia' todong Napakatinggi.

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.