YAKOBUS 3:2 - KITTA' MATANGKASA'

² Ikatte a'mole-mole ngasengki' appare' kasalang. Mingka inai-nai tena le'baka appare' kasalang lalang ri bicaranna, iami tau sukku', akkullea angkoasai sikontu batangkalenna.

YAKOBUS 3:2 ပူးပေါင်းရင်းမြစ်များ

1 KARAENG-KARAENG 8:46

Punna doraka ummatTa mae ri Katte – sikontutojenna tena manna sitau tadoraka – nampa Kibalang parekang ke'nanga nibeta ri musua lanri larroTa, siagang nierang a'jari tunitahang mange ri se'reang pa'rasangang bellaya yareka ambania,

2 PATTOTTORANG 6:36

Punna doraka UmmatTa mae ri Katte – sikontutojenna tena manna sitau tadoraka – lanri Kibalang parekang ke'nanga nibeta ri musua lanri larroTa, nampa nierang ke'nanga ri musunna salaku tunitahang mange ri se'reang pa'rasangang bella yareka ambani,

AYUB 15:13

larroko mae ri Allata'ala siagang nubali-bali.

PAMMUJI 34:13

Erokko la'bu umuru'nu siagang angkasiaki bajika?

PAMMUJI 39:1

Untu' pamimping pakelong. Pammujina Daud. Untu' Yedutun.

PANGNGEBARANG 10:19

Pila' jai bicara, pila' a'reppeseki dosaya; tau akkullea ampakalewai lilana, iami tau cara'de'.

PANGNGEBARANG 13:3

Tau tenaya natutu ri kana-kananna tena nalaamang ri tallasa'na; tau a'bicara sambaranga lanatujui kacilakang.

PANGNGEBARANG 20:9

Maka nia' tau akkulle angkana, “Tangkasaki atingku, ta'lappasaka' battu ri dosaya?”

PANGNGEBARANG 21:23

Sollanna nililiang kasukkaranga, parallui tutu taua ri kana-kana.

KATO'BA 7:20

Tena tau sukku' baji'na ri linoa anne; tena tuli a'gau' baji' siagang tale'baka doraka.

YESAYA 64:6

Ikambe tau rantasa' ngasengi, ba'lalo manna gau' baji'na ikambe rantasa' ngasengi na ra'masa'. Lanynyaki ikambe lanri kaja'dallanna ikambe rapang leko' kayu kalumeng niri'bakang ri anging.

KAIMANGNGANG 13:39

musti naparessai imanga anjo taua. Punna anjo ballang-ballanna puccaki tanja'na, anjo poro garring purakkannji antabai, jari nikana tangkasa'ji anjo taua.

MATIUS 12:34

Ikau tau ja'dala' ngasengko! Antekammako lakkulle ampaui kabajikanga punna tau ja'dalakko? Apa nupau iamintu bonena lalang atinnu, assulu' battu ri bawanu!

MATIUS 12:37

Nasaba' battu ri bicarannu tonji sallang nalanitappuki ma'nassanu sala yareka tena.”

ROMA 3:10

Sangkamma niaka tattulisi' lalang ri Kittaka, angkana, “Tena manna sitau annaba,

ROMA 7:21

Jari, kubodoimi kanangku angkanaya iaminjo hukkung-hukkunga angngatoroki kalengku: iamintu angkanaya punna erokka' anggaukangi apa bajika, kajarianna apa ja'dalakaji ammumba ri kalengku.

1 KORINTUS 9:27

Kupassareangi kalengku nilati terasa' sa'gengku akkulle a'jari kassa'. Ia nakuappakamma anjo sollanna tena nakajariang angkanaya inakke angkioki taua amminawang appa'lumba nakalengku nisorongboko.

GALATIA 3:22

Mingka nia' tattulisi' lalang ri Kittaka angkanaya nikoasai ngasemmi sikontu rupataua ri dosaya. Lanri kammana, anjo passare nipa'janjianga nipassareangi mae ri tau tappaka, lanri tappa'na ke'nanga mae ri Isa Almasi.

GALATIA 5:17

Nasaba' assisalai ero'na rupataua siagang ero'Na RohNa Allata'ala; kammayatompa assisalai ero'Na RohNa Allata'ala siagang ero'na rupataua. Assisala rua-ruai; jari takkulleako anggaukangi apa nukaerokia.

KOLOSE 1:28

Iaminjo Almasi nabirittakanga ikambe mae ri sikontu rupataua. Kipakainga'mi siagang kiajara' ngasemmi ke'nanga siagang baji'-baji'. Pattujunna ikambe iamintu sollanna akkulle ngaseng nierang rupataua mae ri Allata'ala, salaku tau baji'mo katallassang rohanina, lanri asse'renamo siagang Almasi.

KOLOSE 4:12

Sallang battu ri Epafras. Anne Epafras tau battu antureng tonji. Pajama-jamaNa tongi Isa Almasi, tenaya lanrena tuli ampappala' doangangko. Sanna' napala'na mae ri Allata'ala, sollanna pila' jarre' tappa'nu siagang a'jari toa tojeng pikkirang rohaninu; sollannu a'jari sukku' mannurukinnu mae ri ero'Na Allata'ala.

IBRANI 13:21

Poro Allata'ala, iamintu kabattuanna barakka' kasalewanganga ampassukku' ngasengko siagang sikontu apa-apa baji', nuparalluanga untu' anggaukangi ero'Na. Poro tete ri Isa Almasi, naNagaukang Allata'ala lalang ri kalenta apa Nakaerokia. Poro tuli nipuji-puji Almasi sa'genna satunggu-tungguna! Aming.

YAKOBUS 1:26

Punna nia' tau nakana kalenna tutu ri agamaya, mingka tena nakatutui lilana, anjo taua naballe-balleimi kalenna; tenamo matu-matunna sambayanna.

YAKOBUS 1:4

Boli'mi kamma pila' katambang sa'bara'nu sa'gennu a'jari makassa' siagang sukku' kammayatompa tenamo apa-apa kakurangannu.

YAKOBUS 2:10

Inai-nai andakkai kalase'renna hukkunNa Allata'ala, sikontutojenna nadakkai ngasemmi anjo hukkunga.

1 PETRUS 3:10

Nia' tattulisi' lalang ri Kittaka angkanaya, “Inai-nai ero' angkasiaki mate'nena tallasaka, naero' ampisa'ringi allo-allo bajika, musti nakatutui bawana sollanna tamappaua bicara ja'dala', natamakkana balle-ballea.

1 PETRUS 5:10

Mingka punna le'ba' mako sessa sinampe', KalenNa Allata'ala lampa'jari sukkukko. LaNapaentengko, siagang laNasareko kagassingang kammayatompa laNapakajarrekko. Nasaba' Iami Allata'ala sannaka baji'na pa'mai'Na; Iami le'baka angkiokko untu' angkasia' tongi kala'birang mannannunganga tete ri Almasi.