YAKOBUS 3:13 - KITTA' MATANGKASA'

¹³ Punna nia' tau cara'de' siagang baji' ateka' ri tangnga-tangnganu, parallui napappicinikang katallassang bajika, nagaukangi apa-apa bajika, kammayatompa cara'deki na tuna pa'mai' ri katallassanna.

YAKOBUS 3:13 ပူးပေါင်းရင်းမြစ်များ

AYUB 28:28

Nakana Allata'ala ri rupataua, ‘Punna ero' nugappa kacara'dekanga, musti nupakalompoi Allata'ala. Punna erokko ammahang, musti nupakabellai kaja'dallanga.’ ”

PAMMUJI 107:43

Poro tau bajika nawa-nawana napikkiriki sikamma anjo passalaka siagang namangakui angkanaya tulusu' mangngamaseanNa Batara.

PAMMUJI 122:8

Lanri sikontu bija pammanakangku siagang bela-belaku kukanamo, “Poro salewangangko!”

PAMMUJI 149:4

Mangngellai Batara mae ri umma'Na; Ia assarei pammetang tau tuna pa'maika.

PAMMUJI 25:9

Narenrengi Batara tu tuna pa'maika, na Naajara' ke'nanga apa Nakaerokia.

PAMMUJI 45:4

Sele'mi pa'dannu ri aya'nu, he ikau karaeng barania, sanna' malomponu siagang accayanu!

KATO'BA 8:1

Tamaka sannanna tau cara'deka. Naassengi pialinna sikamma parkaraya. Kacara'dekanga ampa'jari rannui siagang ta'muri, sa'genna tuli accaya rupanna.

KATO'BA 8:5

Tau mannurukia ri ia, laamangi na salewangang; tau cara'deka naassengi angkana ringngapanna siagang antekamma carana mannurukia ri karaenga.

YESAYA 29:19

Tau kasi-asia siagang tau hinaya lanakasiaki ammotere' kate'neang Napassareanga Allata'ala matangkasa'na Israel.

YESAYA 60:6

Nikatulungi pa'rasangannu ri unta jaia, battua ri Midian siagang Efa. Tu battua ri Syeba angngerangi bulaeng siagang kamanynyang, na napuji-puji gau'Na Batara.

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

YEREMIA 9:12

Akkuta'nanga' angkana, “Batara, angngapa nanibalang parekang anne pa'rasanganga a'jari roso' siagang kalotoro', sangkamma parang luara' tenaya ampanumaloi? Maka nia' akkulle cara'de' untu' ampahangi apa battuanna yangasenna anne? Inai tau le'ba' Kipisingariang sollanna akkulle napatulusu' anjo kasingaranga mae ri tau maraenga?”

YEREMIA 9:23

Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.

DANIEL 2:21

Iami ampattantui wattua siagang jammanga, Ia antu'gurangi siagang allantiki pamarentaya. Ia todong assarei kacara'dekang, siagang assarei pammahang.

ZEFANYA 2:3

Ammotere' mako mae ri Batara, he sikontu tau tuna pa'maika ri anne pa'rasanganga, siagang sikontu tau anturukiai parenta-parentaNa. Appanggaukang mako situru' ero'Na Batara, siagang pakatunai kalennu ri dallekanNa. Inai angngassengi gassingka lata'lappasa' jako battu ri hukkunganga ri allo Napa'nyatana kalarroanNa Batara.

PAMMILANGNGANG 12:3

Anjo Musa tau sanna' tuna pa'mai'na, tena sangkammanna ri sikontu tau attallasaka ri anne linoa.

MATIUS 11:29

Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.

MATIUS 21:5

“Pabattumi ri Sion, angkanaya nia'mi battu Karaennu mae ri kau. Tunai ri pa'mai', ma'dongko' ri keledai sikayu ana' keledai rungkaya.”

MATIUS 5:5

Mate'nei tau tuna pa'maika; nasaba' iami langgappai apa le'baka Napa'janjiang Allata'ala!

MATIUS 7:24

“Jari, inai-nai ampilangngeri siagang anggaukangi kana-kana Kupangngajarranga, iami sanrapang tau cara'deka, ambangunga balla' irate ri tompo'na batu makassaka.

1 KORINTUS 6:5

Punna kamma, teai sipato' appakasiri'-siri'na! Tantu nia'ja tu cara'de' ri tangnga-tangnganu ampakabajiki punna nia' para tu Karisteng assisala pahang!

2 KORINTUS 10:1

Kamma-kamma anne, kalengku Paulus, nia' ero' kupabattuangko. Inakke anne, turu' kananna taua, sanna' tunana kana-kanangku punna sidallekanga' siagang ikau ngaseng. Mingka punna sikabellaiki' sanna' baraniku. Jari, lanri tunaNa siagang kabajikanNa Almasi,

2 KORINTUS 8:24

Kiminasai nanupappicinikang ngaseng pangngarimanginnu mae ri ke'nanga. Sollanna naasseng ngaseng jama'aka angkanaya nukarimangngi ke'nanga. Kammayatompa na'buttimo angkanaya kontutojengi apa nakalompoang pa'maika ikambe ri sesena ikau ngaseng.

GALATIA 5:23

tuna pa'maiki, siagang akkullei nalewai kalenna. Tena hukkung agama ampappisangkangi anjo sikammaya.

GALATIA 6:1

Sikamma sari'battangku! Punna nia' tau nugappa a'gau' dosa, ikau nipimpinga ri RohNa Allata'ala parallui nuerang ammotere' anjo taua mange ri oloang annabaya. Mingka musti tuna pa'maikko anggaukangi, siagang katutui kalennu sollanna tena nunataba todong paccoba.

GALATIA 6:4

Parallui taua massing naparessa kalenna, maka bajiki panggaukanna yareka tena. Punna ma'nassa baji' tojeng kalenna, akkullemi lompo pa'mai'na. Mingka teami napareki kalenna pa'baku' mae ri panggaukanna tau maraenga.

EFESUS 4:2

Paralluko tuna pa'mai', lamma bicarannu, siagang sa'bara'. Pappicinikangi pangngamaseannu lalang ri passitulung-tulunganga.

FILIPI 1:27

Jari, ia parallua kamma-kamma anne, iamintu musti attallasakko situru' apa nakaerokanga anjo Kabara' Bajika ri sesena Almasi. Jari, iaka nisigappa yareka tena, mingka lakulangngereki angkanaya majarrekko asse're, siagang lasiagang ngasengko anjama a'julu ero' siagang a'julu pattujuang; iamintu untu' katappakkang situru' anjo Kabara' Baji' battua ri Allata'ala.

KOLOSE 3:12

Ikau Umma'Nako Allata'ala. Nakamaseangko Allata'ala siagang Napileiko Allata'ala untu' a'jari umma'Na nasa'la' maraenga. Iaminjo saba'na numusti mangngamaseang, baji' pa'mai', tuna pa'mai', tena nukasara', siagang attahangko angkasiaki pa'risika.

1 TIMOTIUS 4:12

Teako pa'biangi kalennu nicini' tuna lanri rungkanu ija. Mingka paralluko a'jari conto mae ri sikontu tau tappaka ilalang ri pau-paunu, panggaukannu, katappakkannu, pangngamaseannu, kammayatompa katangkassanna katallassannu.

1 TIMOTIUS 6:11

Mingka ikau taunNako Allata'ala; jari musti nupakabellai kalennu battu ri yangasenna anjo sikammaya. Usahako sollannu a'jari tau annaba ri paccini'Na Allata'ala, ampare' atayai kalenna mae ri Allata'ala; kammayatompa tappaka mae ri Almasi, niaka pangngamaseanna, sa'baraka siagang baji' pa'maika.

2 TIMOTIUS 2:25

Musti tunai angngajaraki tau nangaia pabali-bali; barang nisareji kasampatang ri Allata'ala anjo ke'nanga untu' a'jari toba' battu ri dosa-dosana siagang naasseng pangngajarang tojenga.

TITUS 3:2

Pauangi ke'nanga sollanna tena napitinai paranna tau, passangalinna parallui assiama' siagang sombere' mae ri taua. Siagang parallui tuli tuna kana-kananna ke'nanga mae ri yangasenna taua.

IBRANI 13:5

Teako eroki nikoasai ri sipa' angngondang dudua doe' lalang katallassannu, mingka parallui nukasukkurang apa-apa niaka ri kau. Nasaba' le'baki Nakana Allata'ala, “Tena nalaKubalang parekangko yareka tena nalaKubokoiko.”

YAKOBUS 1:21

Lanri kammana, pela' ngasemmi sikontu kabiasang ra'masaka siagang ja'dalaka. Tarimami siagang ati matuna kana-kana Nalamunga Allata'ala lalang ri atinnu, nasaba' anjo kana-kanaya nia' kakoasanna untu' ampasalamakko.

YAKOBUS 2:18

Gassingka nia' tau angkana, “Nia' tau tanjeng ri tappa'na siagang nia' todong tau tanjeng mae ri panggaukanna.” Lakukanamo ri ia, “Picinikiangsa' antekamma batena akkulle taua nikana tappa' mingka tena na'nyata lalang ri panggaukanna, nampa kupicinikiang todong lalang ri panggaukangku untu' ampa'nyatai angkanaya ma'nassa nia' tappakku.”

YAKOBUS 3:1

Sikamma sari'battangku! Teako jai dudui ero' a'jari guru. Nuassengi angkanaya ikatte a'jari gurua lala'bi terassangangi punna niadeliki' na tau maraenga.

YAKOBUS 3:17

Mingka inai ampatangi kacara'dekang battu ratea ri suruga, iami maci'nong, nangai assiamaka, sombereki, siagang mappilangngeri. Iami sanna' jaina pangngamaseanna siagang a'nyatami panggaukang-panggaukang baji'na. Tena nabattala' siali, siagang tena nangai assara-sarai.

1 PETRUS 1:15

Mingka, paralluko matangkasa' lalang sikontu apa nugaukanga, sangkamma matangkasa'Na anjo Allata'ala angkiokako.

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

1 PETRUS 3:4

Mingka, anjo kaga'gannu parallui battu lalang ri ati mailalannu, battu ri panggaukang baji'nu, siagang tunanu ri pa'mai'; yangasemmi anjo kaga'gang satunggu-tunggua, sannaka lompona anggaranna ri paccini'Na Allata'ala.