YAKOBUS 2:9 - KITTA' MATANGKASA'

⁹ Mingka punna nupassimmara'-maraeng parannu tau situru' apa nacinika mata, a'gau' dosa mako, siagang napa'nyatami hukkunNa Allata'ala angkanaya nudakkaimi hukkunga.

YAKOBUS 2:9 ပူးပေါင်းရင်းမြစ်များ

KAIMANGNGANG 19:15

Musti lambusukko punna angngadeliko; teako battala' mangei ri tu kasi-asia siagang teako mallakki mae ri tau kalumanynyanga.

YOHANES 16:8

Na punna battui, laNapakasingara'mi mae ri linoa battuang sitojeng-tojenna dosaya, battuang sitojeng-tojenna apa annabaya, kammayatompa battuang sitojeng-tojenna hukkungang battua ri Allata'ala.

YOHANES 8:46

Inai ri kau akkulle ampa'butti angkanaya nia' dosa ri KalengKu? Punna katojengang Kupau, apa saba'na nutatappaka ri Nakke?

YOHANES 8:9

Nalangngere'na ke'nanga akkana kamma Isa, a'lampa tasse're-se'remi ke'nanga ambokoi anjo tampaka, appakkaramula kaminang toaya. Kala'busanna Isa mami ammantang siagang anjo bainea ammenteng ri pammentenganna.

LAMPA-LAMPANA 10:34

Nakanamo Petrus, “Kamma-kamma anne ma'nassa nupahang tojemmi angkanaya Napasangkamma ngasengi Allata'ala sikamma rupataua.

ROMA 3:20

Nasaba' tena manna sitau akkulle assibajiki siagang Allata'ala lanri nagaukanna apa-apa niaka tattulisi' lalang ri hukkung-hukkung agamaya. Ba'lalo anjo hukkung-hukkunga poro napappiassenganji bawang mae ri rupataua angkanaya ma'nassa dorakai rupataua.

1 KORINTUS 14:24

Mingka punna appabattu ngasengko biritta battu ri Allata'ala, nampa nia' hadere' se're tu tenaya na Karisteng yareka tu battu pantarang, akkullemi nupakasingariang ngaseng dosa-dosana anjo taua, siagang akkullemi nasadari ngaseng dosa-dosana.

GALATIA 2:19

Mingka le'ba'ma' mate mae ri hukkung-hukkung agamaya – iaminjo hukkung agamaya ambunoa' – sollangku akkulle attallasa' untu' Allata'ala. Le'ba'ma' nipasisalli' siagang Almasi.

PAOLE 1:17

Takkulleai battala' siali kaputusannu; musti nupasangkamma-kamma ngasengi taua punna nuadeli, manna pole inai teako pasimmara'-maraengi. Teako mallakki manna pole ri nai, nasaba' anjo kaputusang nupattantua iamintu kaputusang battu ri Allata'ala. Punna nia' parkara battala' dudui nusa'ring, erangi mae ri nakke, sollanna inakke antappuki.

1 YOHANES 3:4

Inai-nai anggaukangi dosaya, nadakkaimi hukkunNa Allata'ala, nasaba' nikanaya dosa iamintu nidakkai hukkunNa Allata'ala.

YUDAS 1:15

untu' angngadeli sikontu rupataua. LaNahukkung ngasengi Batara sikamma tau ja'dalaka lanri panggaukang bambala'na ke'nanga. Siagang laNahukkung ngaseng tongi bicara-bicara hina napaua sikamma tau dosaya siagang dorakaya.”