YAKOBUS 2:20 - KITTA' MATANGKASA'

²⁰ Ma'nassa sanna' dongo'nu! Maka paralluko nipa'buttiang angkanaya ma'nassa tena matu-matunna nia' tappatta punna tena na'nyata lalang ri panggaukanta?

YAKOBUS 2:20 ပူးပေါင်းရင်းမြစ်များ

PANGNGEBARANG 12:11

Pamarri anjama terasaka jai kanre-kanreanna, mingka tau ampelakai wattunna untu' anggaukangi apa-apa tenaya matu-matunna, iami dongo'.

YEREMIA 2:5

Nakana Batara, “Kasalang apa nacini' boe-boenu ri Nakke, sa'genna a'boko mae ri Nakke? Naondangi ke'nanga barhala tenaya anggaranna na kale'bakkanna kalenna tonji ke'nanga a'jari tuna.

ROMA 1:21

Naassengi rupataua Allata'ala, mingka taerokai rupataua ampakala'biriki salaku Allata'ala, siagang tena todong nappala' sukkuru' ri Ia. Ba'lalo apa-apa tenayaji matu-matunna nanawa-nawa rupataua; a'jari sassammi nawa-nawanna ke'nanga.

ROMA 3:28

Nasaba' bodona kana kammaminne: Nikanaya tau assibajikimo ammotere' siagang Allata'ala teai lanri nagaukanna apa-apa tattulisika lalang ri hukkung-hukkung agama Yahudia, passangalinna lanri tappa'na ri Isa Almasi.

ROMA 9:20

Mingka ikau sari'battang, tau biasajako bawang! Takkulleako barani appiali mae ri Allata'ala! Maka akkullei se'rea pammantangang bunga mae ri tau amparekai, angkana, “Apa saba'na nanupare' kamma' anne?”

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

GALATIA 6:3

Punna nia' tau nakana kalenna cara'de', mingka sikontutojenna tena apa-apa naasseng, anjo taua naballe-ballei kalenna.

KOLOSE 2:8

Paralluko tutu, gassingka nia' tau anggodako siagang pikkirang tenaya matu-matunna siagang angngeranga mange ri oloang salaya. Anjo pikkirang-pikkirang kammaya teai pikkirang battu ri Isa Almasi, passangalinna pikkirang battuji ri rupataua siagang roh-roh koasaya ri anne linoa.

1 TIMOTIUS 1:6

Nia'mo tau takammayami anjo katallassanna. Sala oloammi ke'nanga mange ri pa'gea'-geakkang tenaya matu-matunna.

TITUS 1:10

Nasaba' jai tau taeroka mappilangngeri, la'biangampa tau le'baka anna'gala' ri agama Yahudi; nangai a'bicara kosong ke'nanga sa'genna natipu taua.

YAKOBUS 1:26

Punna nia' tau nakana kalenna tutu ri agamaya, mingka tena nakatutui lilana, anjo taua naballe-balleimi kalenna; tenamo matu-matunna sambayanna.

YAKOBUS 2:17

Kammatommi anjo ri katappakkanga; punna tena nanipa'nyatai lalang ri panggaukanga, tena matu-matunna anjo katappakkanga.

YAKOBUS 2:26

Jari, sanrapang tubua punna tena rohna nikana matei, kammatommi anjo katappakkanga, punna tena na'nyata lalang ri panggaukanga nikanami mate anjo katappakkanga.