YAKOBUS 2:14 - KITTA' MATANGKASA'

¹⁴ Sikamma sari'battangku! Apa matu-matunna angkana taua, “Inakke tappakka',” punna tena napa'nyatai anjo katappakkanna lalang ri panggaukanna? Maka akkullei anjo katappakkang kammaya ampasalamaki anjo taua?

YAKOBUS 2:14 ပူးပေါင်းရင်းမြစ်များ

YEREMIA 7:8

Mingka, sikontutojenna tena matu-matunnu tappa' ri kana-kana balle-ballea.

MATIUS 5:20

Jari u'rangi anne: Takkulleako a'jari umma'Na Allata'ala, punna tena nabajikangang batenu anggaukangi ero'Na Allata'ala naanjo guru-guru agamaya siagang tu Farisia!”

LUKAS 3:11

Appialimi Yohanes nakana, “Tau niaka ruang lawara' bajunna, musti napassareangi silawara' mae ri tu tenaya bajunna. Na tau niaka kanrena, musti nabagei tongi tu tenaya kanrena.”

LUKAS 6:49

Mingka inai-nai allangngereki kanangKu mingka tena nagaukangi, iami sanrapang tau ambangunga balla', natena nammake pondasi. Punna battu a'baya antujui, anra'ba memammi silalonna; na teai sipato' lompona panra'na anjo ballaka!”

LAMPA-LAMPANA 15:9

Tena Napasimmara'-maraengki' Allata'ala siagang ke'nanga. Natangkasi atinna ke'nanga, lanri tappa'na ke'nanga.

LAMPA-LAMPANA 8:13

Manna Simon tappa' tommi. Na ri wattunna le'ba'mo nije'ne', amminawang tulimi ri Filipus. A'jari takkalanna'-lannasa'mi Simon napakamma anjo gau'-gau' appakalannasa' kajarianga.

LAMPA-LAMPANA 8:21

Tena ha'nu kau lamminawang lalang ri jama-jamanna ikambe, nasaba' talambusai atinnu mae ri Allata'ala.

ROMA 2:25

Punna nuturuki hukkung-hukkung agama Yahudia, nia' tommo matu-matunnu nisunna'. Mingka punna takkulleako anggaukangi anjo apa-apa nipassuroanga lalang ri anjo hukkung-hukkunga, ma'nassa tena sikalimo matu-matunnu nisunna'.

1 KORINTUS 15:2

Punna anna'gala' majarrekko mae ri anjo kupabattua mae ri kau, lanipasalama' mako ri anjo Kabara' Bajika; passangalinna bawang punna tappakko natena pammahannu.

1 KORINTUS 16:22

Inai-nai tena namangngamaseang mae ri Batara, lappassammi anggappa pangngalarroi! Maranatha – O, Batara, battu maKi' linta'!

GALATIA 5:13

Le'ba' mako nikio' a'jari tau bebasa'. Mingka teako pake salai anjo kabebasannu, untu' anggaukang ero' kalennu. Passangalinna musti sikamaseangko siagang massing siparakaiko.

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

1 TIMOTIUS 1:5

Ia ero'na pappakaingakku, iamintu sollanna akkulle a'jari tulusu' siagang matangkasa' pa'mai'na taua, kammayatompa a'jari matappa' tojeng-tojeng mae ri Batara, sollanna akkulle nakamaseang paranna tau.

1 TIMOTIUS 4:8

Anjo latihang tubua sike'de'ji matu-matunna; mingka latihang rohania a'matu-matui lalang sikontu-kontuna katallassanta, nasaba' akkimbolongi janji untu' katallassanta ri kamma-kammaya anne siagang katallassang labattua.

TITUS 1:16

Nakana kalenna ke'nanga Naassengi Allata'ala, mingka ma'nassa nasassali lalang ri panggaukanna ke'nanga. Sanna' appakaringi'-ringi'na ke'nanga siagang taerokai mappilangngeri; tau tena sikali naero' ke'nanga anggaukangi apa-apa bajika.

TITUS 3:8

Sanna' kontutojenna anne bicaraya. Kukellaiko ampakasingara' tojeng-tojengi yangasenna anne, sollanna akkulle usaha tojeng-tojeng sikamma tau tappaka mae ri Allata'ala, untu' anggaukangi jama-jamang bajika siagang a'matu-matua untu' yangasenna taua.

IBRANI 11:17

Lanri tappa'na todong, nanapassareammo Abraham ana'na, iamintu Ishak, a'jari koro'bang, ri wattunna niso'ri tappa'na ri Allata'ala. Le'ba'mi nijanji Abraham ri Allata'ala mingka narellakang tonji Abraham anjo ana' sitau-taua.

IBRANI 13:9

Teako sarei kasampatang ajarang mara'-maraenga ampakalinguko. Musti nipakajarreki atinta lanri kabajikang pa'mai'Na Allata'ala; iaminjo bajika mae ri katte; jari teai paratorang-paratoranna agamaya ri passala'na kanre-kanreanga. Sikamma tu rioloa, anturukiai anjo paratorang-paratoranga, tena ngaseng nagappai matu-matunna.

YAKOBUS 1:16

Sikamma sari'battangku, sannaka kukarimangnginna; teako kau eroki nitipu!

YAKOBUS 2:16

Apa matu-matunna punna nukana ri anjo taua, “Salamakko ammake pakeang kammu' siagang salamakko ri mangnganrenu!” – punna tena nusarei anjo apa naparalluia ri tallasa'na?

YAKOBUS 2:18

Gassingka nia' tau angkana, “Nia' tau tanjeng ri tappa'na siagang nia' todong tau tanjeng mae ri panggaukanna.” Lakukanamo ri ia, “Picinikiangsa' antekamma batena akkulle taua nikana tappa' mingka tena na'nyata lalang ri panggaukanna, nampa kupicinikiang todong lalang ri panggaukangku untu' ampa'nyatai angkanaya ma'nassa nia' tappakku.”

YAKOBUS 2:26

Jari, sanrapang tubua punna tena rohna nikana matei, kammatommi anjo katappakkanga, punna tena na'nyata lalang ri panggaukanga nikanami mate anjo katappakkanga.

2 PETRUS 1:5

Lanri kammana, attojeng-tojeng mako appattujuang sollanna nipakajarre' tappa'nu ri katallassang bajika. Sipa'rurunganna katallassang bajika, parallui nia' pangngassengannu;