YAKOBUS 2:1 - KITTA' MATANGKASA'

¹ Sikamma sari'battangku! Salaku tau tappa' mae ri Batara Isa Almasi, Batara Kaminang Mala'birika, tea' laloko passimmara'-maraengi parannu tau situru' apa nacinika mata.

YAKOBUS 2:1 ပူးပေါင်းရင်းမြစ်များ

2 PATTOTTORANG 19:7

Musti mallakko ri Batara, siagang tutuko lalang annappuki, lanri anjo Karaeng Allata'alata nakabirisi tau a'gau' jekkonga, tau battala' sialia ri se'reang kara-kara, siagang tau annarimaya doe' pacoco'.”

PANGNGEBARANG 24:23

Tau cara'deka le'baki akkana kamma anne: Hakinga takkulleai battala' siali.

PANGNGEBARANG 28:21

Tabajikai nipasimmara'-maraeng taua; mingka nia' todong haking ero' a'gau' jekkong lanri ero'na anggappa sike'de' doe'.

KAIMANGNGANG 19:15

Musti lambusukko punna angngadeliko; teako battala' mangei ri tu kasi-asia siagang teako mallakki mae ri tau kalumanynyanga.

MATIUS 22:16

Nasuromi ana'-ana' gurunna ke'nanga mange ri Isa. A'rurummi ke'nanga siagang ana'-ana'na Herodes. Battui mange ri Isa, angkanami ke'nanga, “O Guru, niassemmi angkanaya iKatte tau lambusukKi'. Apa ero'Na Allata'ala Kipangngajarrammi silambusu'na ri sikamma taua. Manna pole inai tena Kijampangi antekamma panggappana. Nasaba' iKatte tena Kimmile-mile tau.

LAMPA-LAMPANA 10:34

Nakanamo Petrus, “Kamma-kamma anne ma'nassa nupahang tojemmi angkanaya Napasangkamma ngasengi Allata'ala sikamma rupataua.

LAMPA-LAMPANA 20:21

Baji' namae ri tu Yahudia, yareka mae ri bansa-bansa maraenga, tuli kupakainga' ngasemmi sollanna massing toba', battu ri dosa-dosana ke'nanga nabattu mae ri Allata'ala siagang tappa' mae ri Isa.

LAMPA-LAMPANA 24:24

Pirangallo are ribokoanganna, battumi Feliks siagang bainenna niarenga Drusila; anne Drusila tu Yahudi. Nasuromi Feliks taua angngallei Paulus, nampa nasuro Paulus ambicarai nikanaya katappakkang mae ri Isa Almasi.

LAMPA-LAMPANA 7:2

Appialimi Stefanus nakana, “Sikamma bapa'-bapaka siagang sari'battanga! Pilangngeri sai anne kanangku! Ri tenanapa na'lette' boeta Abraham battu ri pammantanganna ri Mesopotamia mange ri Haran, battui Allata'ala mala'birika mae ri ia, angkana,

ROMA 1:11

Nasaba' cinna dudua' angngagangko assicini' ngaseng, sollanna akkulle tongko kubagei passare pangngamaseanNa RohNa Allata'ala, nukkulle nipakajarre'.

1 KORINTUS 2:8

Tena manna se're tau anna'galaka koasa ri anne jammanga angngassengi anjo pangngassenganga. Nasaba' ka'de' naassemmi ke'nanga, tantu tenamo nanasalliki ke'nanga anjo Batara kaminang mala'birika.

PAOLE 1:17

Takkulleai battala' siali kaputusannu; musti nupasangkamma-kamma ngasengi taua punna nuadeli, manna pole inai teako pasimmara'-maraengi. Teako mallakki manna pole ri nai, nasaba' anjo kaputusang nupattantua iamintu kaputusang battu ri Allata'ala. Punna nia' parkara battala' dudui nusa'ring, erangi mae ri nakke, sollanna inakke antappuki.

PAOLE 16:19

Punna angngalle kaputusang ke'nanga, takkulleai ke'nanga appaero'-ero' kalenna yareka takkulleai battala' siali. Takkulleai ke'nanga annarima passare nipacoco', lanri anjo passare kammaya napa'jari butai taua, ba'lalo manna tau cara'deka siagang tau lambusuka, sa'genna tena naadele' batena ke'nanga angngalle kaputusang.

1 TIMOTIUS 1:19

Appattujuang mako na nuanna'gala' majarre' ri katappakkang tojenga siagang ati mailalang. Nia' tau tanajampangiai sa'ra ati mailalanna, sa'genna ancuru'mo tappa'na ke'nanga.

1 TIMOTIUS 5:21

Ri dallekanNa Allata'ala, Isa Almasi, siagang malaeka'-malaeka' nipileNa, kupala' tojeng-tojengi ri kau sollanna nuturuki anne pappakaingaka; teako ranggaselai manna ri nai, siagang teako assialle-alleangangi.

TITUS 1:1

Natarimai anakku Titus! Anne suraka battu ri nakke Paulus, atanNa Allata'ala siagang tunisuroNa Isa Almasi. Nipilea' siagang nisuroa' untu' antulungi sikamma tau Napilea Allata'ala sollanna a'jari jarre' tappa'na ke'nanga. Musti kubantu tongi ke'nanga sollanna naasseng katojengang napangngajarranga agamata,

TITUS 2:13

Kamma-kamma anne nitayammi anjo Allo niminasaya; anjo Alloa lanacini'mi bonena linoa kala'biranNa Isa Almasi, iamintu Allata'ala Kaminang Lompoa siagang Karaeng Mappasalamatta.

IBRANI 1:3

Iami ampaccayai lalang ri KalenNa singara' kalompoanNa Allata'ala; Iami rupa ma'nyataNa battu ri KalenNa Allata'ala. Iatommi angkatutui kajarrekanna anne linoa, siagang sanna' makoasana kana Napaua. Ri le'ba'namo Nasare oloang rupataua untu' nilappassang battu ri dosa-dosana, mangemi ammempo ri empoang kala'biranNa ri suruga, ammarenta siagang Allata'ala, anna'galaka koasa kaminang tinggi.

IBRANI 12:2

Parallui tuli tattuju paccinitta mae ri Isa, nasaba' Iami ampabangungi siagang amparakai tappatta battu ri pakkaramulanna sa'genna kala'busang. Attahangi Isa angkasiaki sessaya ri kayu sallika! TaNajampangiai angkanaya anjo matea ri kayu sallika sannaki appakasiri'na. Iaji bawang Nau'rangi karannuang laNakasiaka sallang. Nakamma-kamma anne ammempomi ri sa'ri kanang empoang kala'biranNa Allata'ala, ammarenta siagang Allata'ala.

YAKOBUS 1:16

Sikamma sari'battangku, sannaka kukarimangnginna; teako kau eroki nitipu!

YAKOBUS 1:19

Sikamma sari'battangku, sannaka kukarimangnginna! Parhatikangi anne baji'-baji'! Sikontu taua musti lintaki mappilangngeri, mingka tena nakkaro-karo ero' a'bicara siagang tena nalinta' larro.

YAKOBUS 2:3

la'bi nupakala'birangammi anjo tau ammakeang ga'gaya. Nukanamo ri ia, “Anrinniki' ammempo ri kadera kaminang bajika.” Mingka mae ri anjo tu kasi-asia nukanamo, “Anjoreng mako mae ammenteng,” yareka nukana, “Anrinni mako ri daparaka ammempo.”

YAKOBUS 2:9

Mingka punna nupassimmara'-maraeng parannu tau situru' apa nacinika mata, a'gau' dosa mako, siagang napa'nyatami hukkunNa Allata'ala angkanaya nudakkaimi hukkunga.

YAKOBUS 3:17

Mingka inai ampatangi kacara'dekang battu ratea ri suruga, iami maci'nong, nangai assiamaka, sombereki, siagang mappilangngeri. Iami sanna' jaina pangngamaseanna siagang a'nyatami panggaukang-panggaukang baji'na. Tena nabattala' siali, siagang tena nangai assara-sarai.

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.

PAPPICINI' 14:12

Lalang ri anne passalaka parallui a'jari sa'bara' Umma'Na Allata'ala, ia amminawang turuka ri parentaNa Allata'ala siagang tamamminraya mae ri Isa.