YAKOBUS 1:25 - KITTA' MATANGKASA'

²⁵ Anjo hukkunNa Allata'ala sukkuki siagang makoasai untu' ampakabebasaki rupataua. Na inai-nai ansalidiki siagang amparhatikang baji'-bajiki kammayatompa anggaukangi anjo hukkung-hukkunga, jari tena na nalangngere'ja bawang nampa nakuluppai, iami lanibarakkaki ri Allata'ala lalang sikontu apa-apa nagaukanga.

YAKOBUS 1:25 ပူးပေါင်းရင်းမြစ်များ

PAMMUJI 106:3

Mate'nei tau mannurukia ri parenta-parentaNa, siagang tuli annabaya lalang tindakanna.

PAMMUJI 119:32

Lamannurukia' ri parentaTa siagang sannang pa'mai', saba' iKatte ampa'jaria' la'bi pahang.

PAMMUJI 119:45

Nakulabebasa' lalang tallasakku, lanri usahaku anturuki ajaranTa.

PANGNGEBARANG 14:15

Tau dongoka tappaki mae ri sikontu bicaraya, tau cara'deka tutui ri panggaukang.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

LUKAS 11:28

Mingka appialimi Isa Nakana, “La'bi upakkangangi pole tau allangngerekai siagang anggaukangi kana-kananNa Allata'ala!”

YOHANES 13:17

Nuasseng ngaseng minne; jari mate'ne mako punna nugaukangi.

YOHANES 8:36

Lanri kammana minjo, punna tena nilappassangko ri Anaka, tena nulalappasa' tojeng-tojeng.

LAMPA-LAMPANA 13:43

Assulu'na ngasemmo anjo taua battu ri balla' sambayanga, jaimi tau amminawang ri Paulus siagang Barnabas. Anjo taua tu Yahudi siagang bansa maraeng, antamayamo agama Yahudi. Nipakainga'mi ke'nanga ri anjo tunisuroNa Allata'ala, sollanna tuli tanjeng ke'nanga mae ri pangngamaseanNa Allata'ala.

LAMPA-LAMPANA 2:42

Tuli attojeng-tojemmi ke'nanga appilajara' ri tunisuroNa Allata'ala. Siagang tuli a'rappungammi ke'nanga appala' doang siagang sipangnganreang.

LAMPA-LAMPANA 26:22

Mingka sa'genna kamma-kamma anne tuli nijagaia' ri Allata'ala, sa'gengku akkulle ammenteng anrinni, a'jari sa'bi mae ri sikamma taua – baji' natau lompo kammayatompa tau ca'dia. Anne apa kupaua tena le'ba' sisalana siagang apa-apa le'baka nasero kana na'bi-na'bia siagang Musa;

ROMA 11:22

Jari anrinni akkullei nicini' antekamma baji'Na Allata'ala, mingka akkulle tongi nicini' antekamma terasa'Na. Sanna' terasa'Na mae ri tau dorakaya, mingka sanna' baji'Na mae ri kau ngaseng – assala' tuli tutuko attallasa' battu ri kabajikanNa. Nasaba' punna tena, ma'nassa lanipela' tongko.

ROMA 2:13

Nasaba' teai lanri naassennamo taua hukkung agamana tu Yahudia nampa akkulle assibajiki ammotere' siagang Allata'ala; passangalinna lanri nagaukannamo anjo apa-apa tattulisika lalang ri anjo hukkung-hukkunga.

ROMA 7:12

Anjo hukkung-hukkung agamaya battu ri Allata'ala assala'na, siagang sikamma anjo apa nipassuroanga lalang ri hukkung agamaya, battu ri Allata'ala assala'na, jari adeleki siagang bajiki.

ROMA 8:15

Nasaba' anjo Roh Napassareanga Allata'ala mae ri kau ngaseng, tena Napa'jari atako sa'gennu a'jari malla' lalang ri katallassannu. Passangalinna anjo RohNa Allata'ala ampa'jariko ana'-ana'Na Allata'ala. Siagang lanri koasaNa anjo RohNa Allata'ala akkulle maki' angkana ri Ia, “Manggeku, Manggeku!”

ROMA 8:2

Nasaba' hukkung battua ri RohNa Allata'ala ampasileoki katallassanta siagang Isa Almasi; Iami allappassangki' battu ri hukkung angngerangaki' mae ri dosaya siagang kamateanga.

1 KORINTUS 15:58

Lanri kammana, sari'battangku ngaseng sannaka kukamaseanna, pakkassakangi siagang pakajarreki kalennu. Attojeng-tojeng mako tuli anjama untu' Batarata, lanri nuassemmi angkanaya tena nala'jari sia-sia sikamma apa nugaukanga untu' Batarata.

2 KORINTUS 13:5

Coba sai paressa kalennu, maka attallasa' tojeng-tojeng mako situru' matappa'nu mae ri Almasi? Ma'nassa langngu'rangiko angkanaya niaki Isa Almasi lalang ri kalennu! Simmaraengi punna tena nutappa' tojeng-tojeng.

GALATIA 2:4

manna pole nakamma nia' siapa are tau ero' ansuro passai. Anjo ke'nanga tau antama' cokko-cokko ri golonganta, assara-sarai a'jari sari'battang siagang ikatte. Antama' cokko-cokkoi ke'nanga lanri eroki nasalidiki kabebasanta ikatte tau assileoka katallassanta lalang ri Isa Almasi. Eroki ke'nanga ampoterangki' ammotere' mange ri katallassanta riolo, a'jari ata.

GALATIA 5:1

Kamma-kamma anne bebasa' maki', lanri le'ba' maki' Nalappassang Almasi! Lanri kammana, attahang mako ri kabebasannu; teako ero' poleangngi nipa'jari ata.

GALATIA 6:2

Paralluko situlung-tulung antanggongi susana parannu tau, nasaba' lanri kammanami anjo nanugaukammo apa Napassuroanga Almasi.

KOLOSE 1:23

Mingka tantu musti tuli majarrekko tappa' siagang ammenteng kassa' ri katappakkannu. Gassingka nulappassangi anjo panrannuang le'baka nisareangko ri wattunna nutarima anjo Kabara' Baji' battua ri Allata'ala. Anjo kabaraka le'ba'mi nibirittakang mae ri sikontu taua ri lino. Na untu' iatommi anjo nainakke anne, iamintu Paulus, ku'jari palayang.

1 TIMOTIUS 2:15

Mingka manna nakamma, lanipasalamaki tubainea lalang allassukanna ana', assala' napakatunai kalenna natuli tappa' mae ri Almasi, siagang tuli nakamaseangi paranna tau, kammayatompa napassareang katallassanna mae ri Allata'ala bawang.

1 TIMOTIUS 4:16

Katutui kalennu siagang katutui tongi pangngajarannu. Paralluko tamamminraya anggaukangi yangasenna anjo nasaba' kammaminjo nanupasalama' kalennu kammayatompa sikamma tau allangngerekai apa nupangngajarranga.

IBRANI 12:15

Jagai sollanna tena manna sitau ambokoi kabajikang pa'mai'Na Allata'ala; sollanna tena nania' a'jari sanrapang lamung-lamung niaka racunna ri tangnga-tangnganu sa'genna appa'nia' kasukkarang siagang jai tau napanraki siagang racunna.

YAKOBUS 2:12

A'bicara mako siagang appanggaukang mako salaku tau laniadelia situru' hukkunNa Allata'ala ampakabebasakai rupataua.

1 PETRUS 2:16

Paralluko a'jari tau bebasa' lalang katallassannu; mingka teako pakei anjo kabebasannu untu' antongkoki kaja'dallanga, passangalinna a'jari mako ata-atanNa Allata'ala lalang ri katallassannu.

1 YOHANES 2:24

Lanri kammana, musti nujagai baji'-baji' ri atinnu anjo biritta le'bakamo nulangngere' battu ri uru tappa'nu. Punna nuparhatikang baji'-baji' anjo birittaya, latuli asse're mako lalang ri katallassannu siagang Anaka kammayatompa Manggea.

PAPPICINI' 14:13

Nampa nia' kulangngere' sa'ra battu ri suruga angkana, “Tulisiki anne: Maupaki tau matea appakkaramula ri kamma-kamma anne, ilalang nalayanina Batara!” Appialimi RohNa Allata'ala angkana, “Annabai! Lammari ke'nanga anjama terasa', lanri tuli nia'na wassele' palayananna ke'nanga anrurungangi.”

PAPPICINI' 22:14

Maupaki tau antangkasiai jubana sa'genna tangkasa'. Iaminjo ke'nanga lanipa'biang langkanrei rapponna anjo poko' katallassanga, siagang la'jappa antama' ri anjo kotaya, angngolo ri pakke'bu' lompona.

1 SAMUEL 12:14

Mate'ne mako punna nupakala'biri' Batara, siagang anynyomba mae ri Ia, kammayatompa nuturuki parentaNa, sarroangampa punna ikau ngaseng siagang karaennu tuli tamamminrayako mae ri Karaeng Allata'alanu.