YAKOBUS 1:19 - KITTA' MATANGKASA'

¹⁹ Sikamma sari'battangku, sannaka kukarimangnginna! Parhatikangi anne baji'-baji'! Sikontu taua musti lintaki mappilangngeri, mingka tena nakkaro-karo ero' a'bicara siagang tena nalinta' larro.

YAKOBUS 1:19 ပူးပေါင်းရင်းမြစ်များ

NEHEMIA 8:18

Tuju alloi sallona ke'nanga assua'-suara'. Allo-allona nabacai Ezra bageang-bageang niaka lalang ri anjo kitta' HukkunNa Allata'ala. Ri allo makasagantuju appare'mi acara untu' antongkoki anjo passua'-suarranna ke'nanga, situru' paratorang Hukkunga.

NEHEMIA 9:17

Tamannurukiai ke'nanga, nakaluppai sikontu kabajikanTa, tenai ri pangngu'ranginna sikamma gau' mappakalannasatTa. Tampomi ke'nanga ammile sitau pamimping, untu' angngerangi ke'nanga ri Mesir, ammotere' a'jari ata. Mingka iKatte Allata'ala mangngai mappammopporang, sarro sa'bara', lammoro' pa'mai', sukku' pangngamaseang. Teai sipato' heba'na pangngamaseanTa; tena naKibokoi ke'nanga.

NEHEMIA 9:3

Nia' kutadeng tallunjang sallona nibaca anjo Kitta' HukkunNa Batara, Allata'alana ke'nanga mae ri ke'nanga. Nampa nia' todong tallunjang ri bokona namangakui dosa-dosana ke'nanga. Le'baki anjo su'ju'mi ke'nanga anynyomba ri Batara, Allata'alana ke'nanga.

AYUB 32:16

Ammenteng mami ke'nanga, takkulleami a'bicara. Maka musti attayanga' manna na'merekimo ke'nanga?

PANGNGEBARANG 10:19

Pila' jai bicara, pila' a'reppeseki dosaya; tau akkullea ampakalewai lilana, iami tau cara'de'.

PANGNGEBARANG 13:3

Tau tenaya natutu ri kana-kananna tena nalaamang ri tallasa'na; tau a'bicara sambaranga lanatujui kacilakang.

PANGNGEBARANG 14:17

Tau nangaia larro dongoki panggaukanna; tau cara'deka sa'baraki sipa'na.

PANGNGEBARANG 14:29

Tau cara'deka talintakai larro; tau dongoka takkulleai nalewai kalenna.

PANGNGEBARANG 15:18

Tau lintaka larro appaumbai pa'beserang, tau sa'baraka angngerangi passiamakkang.

PANGNGEBARANG 15:2

Kana-kana cara'deka ampa'jari pangngassenganga angngalle pa'mai'; kana-kana tau dongoka, poro kadongokang bawang bonena.

PANGNGEBARANG 16:32

Bajikangngangi tenaya nilinta' larro, kala anna'gala' koasa; bajikangngangi nilewaia kalea, kala ammeta se're kota.

PANGNGEBARANG 17:14

Appakaramulaya pa'beserang sanrapangi anynyungke oloang je'ne'; lanri kammana anjo, ammono'boko mako ri tenanapa nappakkaramula anjo pa'beseranga.

PANGNGEBARANG 17:27

Tau taranga pikkiranna, tajaiyai bicaranna. Tau cara'deka, tuli sannangi.

PANGNGEBARANG 18:13

Appiali ri tenanapa nimallangngere' Iami panggaukang tolo siagang nicalla.

PANGNGEBARANG 18:21

Makoasai lilaya untu' ampasalamaki yareka ampanraki tallasaka; musti natanggongi taua kale'bakkanna apa napaua.

PANGNGEBARANG 19:11

Tau cara'deka akkullei natahang larrona. Nipuji lanri tanajampangiai kasalanna taua mae ri kalenna.

PANGNGEBARANG 19:19

Boli'mi kamma tau lintaka larro nakasia' kale'bakkanna. Punna nutulungi, poro nutambaiji kalarroanna.

PANGNGEBARANG 21:23

Sollanna nililiang kasukkaranga, parallui tutu taua ri kana-kana.

PANGNGEBARANG 25:28

Tau tenaya nakkulle nalewai kalenna sanrapangi kota runrunga tembo' pattahanganna.

PANGNGEBARANG 29:20

Jaiangngangi panrannuanna tau dongoka, kala tau jaia bicaranna natappikkira la'bi riolo.

PAMMILANGNGANG 22:27

Nacini'na anjo malaeka'Na Batara, anra'bami naung anjo keledaia. A'jari larromi Bileam siagang natunrummi anjo keledaia siagang takkang.

MATIUS 5:22

Mingka anne kamma Kukana ri kau ngaseng, inai-nai larro ri paranna tau, laniadeli sallang; siagang inai-nai ampali'boi paranna tau musti niadeli ri dallekanna Pangadelang Agamaya. Siagang inai-nai ampakkanai paranna tau, ‘Tolo,’ siratangi nipela' antama' ri pepe'na narakaya.

MARKUS 12:37

Jari punna nakio' ‘Batara’, Daud anjo Karaeng Mappasalamaka, antekamma nakkulle nikana sossoranna Daud?” Anjo tau jaia lalang ri Balla'Na Batara sannang ngasemmi nyawana allangngereki bateNa Isa angngajara'.

MARKUS 2:2

Jaimi tau battu. A'lipummi ke'nanga anjoreng ri ballaka, sa'genna tenamo tampa' assabang. Manna ri pakke'buka rassi ngaseng tau. Napabattumi Isa biritta battua ri Allata'ala mae ri ke'nanga.

LUKAS 15:1

Ri se'reang allo, jai pasingara' sima siagang tau nicini' kodi sipaka ri tau jaia, battu ampilangngeri Isa angngajara'.

LUKAS 19:48

Mingka lanri tuli jaina tau ampilangngeri kana-kananNa, siagang lanri nangaina ngaseng tau jaia ampilangngeri anjo kana-kana Napabattua Isa, tenamo nakkulle ke'nanga anggappa oloang anggaukangi pattujunna.

LAMPA-LAMPANA 1:15

Ri se'reang allo, ri wattunna a'rappungang ke'nanga – nia' kira-kira sibilangngang ruampulo jaina tau hadere' – ammentemmi Petrus a'bicara. Nakana,

LAMPA-LAMPANA 10:33

Lanri kammana minjo nakusuromo linta' taua mae angkiokki'. Nasanna' baji'na pa'maitta, kaerokki' battu mae anrinni. Kamma-kamma anne nia' ngasemmi ikambe anrinni, ri dallekanNa Allata'ala, ero' ampilangngeri sikamma apa Nasuro pabattua Allata'ala mae ri kambe.”

LAMPA-LAMPANA 13:48

Ri wattunna nalangngere' tau battua ri bansa maraenga anjo kananna Paulus, sannang sikalimi nyawana ke'nanga. Ammuji-mujimi ke'nanga ri Batara. A'jari tappa'mi sikamma tau le'baka nipattantu ri Allata'ala langgappai katallassang satunggu-tunggua.

LAMPA-LAMPANA 17:11

Anjo tau anjorenga ri Berea baji'-bajikangangi pa'mai'na na tau niaka ri Tesalonika. Sannangi pa'mai'na ke'nanga ampilangngeri anjo kabara'Na Isa; allo-allona napilajari ke'nanga apa niaka tattulisi' lalang ri Kittaka, lanri ero'na ke'nanga angngassengi angkanaya maka kontutojengi anjo napangngajarranga Paulus.

LAMPA-LAMPANA 2:42

Tuli attojeng-tojemmi ke'nanga appilajara' ri tunisuroNa Allata'ala. Siagang tuli a'rappungammi ke'nanga appala' doang siagang sipangnganreang.

EFESUS 4:26

Punna larroko, teako pa'biangi anjo larroa a'jari passabakkang nudoraka. Teako larroi sikabusu' allo.

EFESUS 4:31

Pela'mi sikontu pa'risi' pa'maika, sentimenga, siagang larroa. Tea' mako pole akkio'-kioki sipakka'-pakkanai. Pela'mi sipa' sikabirisia yareka sipa'-sipa' sangkammaya anjo.

KOLOSE 3:15

Parallui passiamakkang Napassareanga Almasi lalang ri atinnu ampattantui apa-apa eroka nutappuki. Nasaba' Nakiokko Allata'ala untu' a'jari anggota ri se'rea tubu, sollannu akkulle attallasa' lalang passiamakkang lanri anjo Almasi. Paralluko appala' sukkuru'.

KOLOSE 3:8

Mingka kamma-kamma anne parallui nupela' battu ri kalennu sikamma sipa'-sipa' ja'dalaka. Tea' mako larroi yareka a'jalloki pole yareka teako birisi' pa'maiki mae ri parannu tau. Tea sikaliko pasuluki ri bawanu kana-kana pali'boa, yareka bicara ra'masaka.

1 TESALONIKA 2:13

Nia' pole maraengannaya a'jari saba' natuli appala' sukkuru' ikambe mae ri Allata'ala. Iamintu, angkanaya ri wattunna napabattu ikambe anjo biritta battua ri Allata'ala, nupilangngeri siagang nutarimai anjo birittaya, teai salaku biritta battu ri rupataua, passangalinna salaku biritta battu ri Allata'ala. KalenNa Allata'ala anggaukangi anjo jama-jamanga lalang ri kalennu, ia matappaka mae ri Almasi.

YAKOBUS 1:16

Sikamma sari'battangku, sannaka kukarimangnginna; teako kau eroki nitipu!

YAKOBUS 1:2

Sikamma sari'battangku! Punna nukasia' a'rupa-rupaya paccoba, parallui nubilang upa' kalennu.

YAKOBUS 1:26

Punna nia' tau nakana kalenna tutu ri agamaya, mingka tena nakatutui lilana, anjo taua naballe-balleimi kalenna; tenamo matu-matunna sambayanna.

YAKOBUS 2:1

Sikamma sari'battangku! Salaku tau tappa' mae ri Batara Isa Almasi, Batara Kaminang Mala'birika, tea' laloko passimmara'-maraengi parannu tau situru' apa nacinika mata.

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

YAKOBUS 3:10

Battu ri bawaya assulu' kana-kana appala' sukkuruka, mingka battu ri iatommi anjo bawa se'rea assulu' kana-kana ansapatai taua. Mustina tena nakamma anjo, sikamma sari'battangku!

YAKOBUS 4:11

Sikamma sari'battangku; teako assicalla-callai yareka teako assisala-salakangi. Inai-nai ancallai yareka ansalakangi paranna tu Karisteng, nacallami siagang nasalakammi hukkunNa Allata'ala. Na punna nusalakammo hukkung-hukkunNa Allata'ala, ma'nassa tenamo nanuturuki anjo hukkung-hukkunga, passangalinna a'jari mako haking mae ri anjo hukkung-hukkunga.

YAKOBUS 5:12

Sikamma sari'battangku; ia lomoro' se'rea, iamintu: Teako assumpai, baji' nanupau langika, baji' nalinoa, yareka naapa-apa mamo nupau. Iamo bawang nupau angkanaya “Iyo” punna iyo memang todong, siagang “Tena” punna tena memang todong; sollanna tena naNahukkungko Allata'ala.

YAKOBUS 5:19

Sikamma sari'battangku! Punna nia' tau ri tangnga-tangnganu taerokamo anturuki pangngajarang battua ri Allata'ala, nampa nia' tau akkulle ampoterangi anjo taua mae ri Allata'ala,

1 YOHANES 2:21

Jari kutulisiki anne suraka mae ri kau ngaseng teai lanri tenanapa nanuassengi pangngajarang tojenga, mingka ba'lalo lanri nuassennamo; siagang nuassenna tommo angkanaya anjo pangngajarang tojenga tale'bakai a'balle-balle.