YAKOBUS 1:15 - KITTA' MATANGKASA'

¹⁵ Nampa, punna naturukimo anjo kaerokang ja'dala'na, iaminjo allassukang dosa; napunna jarre'mo anjo dosaya, iaminjo angngerang kamateang.

YAKOBUS 1:15 ပူးပေါင်းရင်းမြစ်များ

PA'JARIANG 2:17

pantaranganna anjo poko' assarea pangngassengang ri passala'na bajika siagang kodia. Takkulleai nukanre rapponna anjo poko' kayua; napunna nukanrei tena tamatenu ia memang anjo allo nukanrena.”

PA'JARIANG 3:6

Naciniki anjo bainea angkanaya antekamma ga'gana anjo poko' kayua, siagang nyamangi nikanre rapponna. Na napikkiriki angkanaya teai sipato' baji'na punna a'jari bajiki pangngassenganna. Jari naallemi rapponna anjo poko' kayua, nampa nakanre. Nampa nasare todong bura'nenna, na nakanre todong bura'nenna.

2 SAMUEL 11:4

Nasuro allemi Daud anjo bainea. Na battuna mange ri balla' kakaraenganga, assikatinroammi siagang Daud. (Silalonna le'ba' Batsyeba anggaukangi upacara mannangkasi ri kalenna lanri le'ba'na battu bulanna.) Nampa ammotere' mange ri balla'na.

AYUB 15:35

Iaminjo ke'nanga anrancanga siagang anggaukangai ja'dalaka; balle-ballea tuli niaki lalang atinna.”

PAMMUJI 9:17

Napa'nyatami KalenNa Batara lanri adele'na kaputusanNa. Loposoki tu ja'dalaka lanri panggaukang kalenna tonji.

PANGNGEBARANG 11:19

Inai talanrea a'gau' baji', lamate'nei tallasa'na; inai ero' dudu a'gau' ja'dala' lamangei ri kamateang.

YESAYA 33:11

Rancananu sia-siaji, na sikamma nugaukanga tena ngaseng matu-matunna. Kalarroannu rapangi pepe' angkanreyai kalennu.

YESAYA 59:4

Appamajuko parkara natena passabakkanna, siagang tena naadele' batenu angngadeli. A'balle-balleko siagang apa tenaya matu-matunna nupattoang; apparekko rancana untu' ancilakai parannu tau siagang nugaukangi kaja'dallanga.

MATIUS 26:14

Nia'mo kalase'renna anjo sampuloa anrua ana' gurunNa Isa, iamintu Yudas Iskariot, a'lampa mae ri imang-imang kapalaya.

MATIUS 5:28

Mingka anne kamma Kukana ri kau ngaseng: Inai-nai accini' baine nabattumo cinnana a'gau' salimara', a'gau' salimara'mi siagang anjo bainea ilalang ri nyawana.

YAKOBUS 1:14

Mingka iapa nata'goda se'rea tau punna nipagio' siagang nikai' ri kaerokang ja'dala'na.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.