TITUS 3:4 - KITTA' MATANGKASA'

⁴ Mingka Napappicinikang maki' pangngamaseanNa siagang kabajikang pa'mai'Na Allata'ala Mappasalamatta.

TITUS 3:4 ပူးပေါင်းရင်းမြစ်များ

LUKAS 1:47

nama'rannu-rannu nyawaku kalanri Allata'ala Mappasalamakku.

ROMA 2:4

Yareka nucapaki pangngamaseanNa siagang kabajikanNa kammayatompa kalompoanNa Allata'ala? Mattantu nuassengi angkanaya iaji naNapappicinikang kabajikang pa'mai'Na Allata'ala, lanri nakellainu ngaseng toba' ri dosa-dosanu.

1 TIMOTIUS 1:1

Natarimai Timotius, ana' kontutojengku lanri ri Batara. Anne suraka battu ri nakke, Paulus, tunisuroNa Isa Almasi lanri ero'Na Allata'ala, Mappasalamatta, siagang lanri ero'Na Isa Almasi, panrannuanta. Poro nisareko barakka', pangngamaseang siagang kasalewangang battu ri Allata'ala Manggea siagang Isa Almasi Batarata.

1 TIMOTIUS 2:3

Iaminjo kammaya baji' siagang akkullea ampakasannangi atinNa Allata'ala, Batara Mappasalamatta.

1 TIMOTIUS 4:10

Iaminjo saba'na kippattujuang siagang anjama terasa', lanri manrannuang tojeng-tojengki' mae ri Allata'ala mattallasaka; Iami Batara Mappasalama'na sikontu rupataua, la'biangampa pole mae ri sikamma tau tappaka.

2 TIMOTIUS 1:10

Na kamma-kamma anne, Napa'nyatami pangngamaseang malammoro'Na Allata'ala mae ri katte lalang ri kabattuanNa Karaeng Mappasalamatta, Iamintu Isa Almasi. Nabetami Isa kakoasanna kamateanga siagang angngerammi katallassang mannannungang lalang ri anjo Kabara' Bajika.

TITUS 1:3

Punna narapi'mo wattunna, laNapa'nyatami anjo janjinNa Allata'ala lalang pappasanNa mae ri linoa. Anjo pappasanNa Napappirannuammi mae ri nakke, siagang kubirittakammi anjo pappasanga situru' parentaNa Allata'ala Mappasalamatta.

IBRANI 9:26

Nasaba' punna a'mole-molei Nagaukang kammaya, tantu a'mole-molemi Napisa'ringi sessaya baku' nipa'jarina linoa. Mingka a'nassami angkanaya ri anne kala'busang jammanga, battumi sikaliji bawang angkoro'bangkangi KalenNa sollanna Natangkasi dosaya.

1 PETRUS 2:3

Nia' tattulisi' lalang ri Kittaka angkanaya, “Le'ba'mi massing nukasia' ri kalennu, antekamma baji'na Batara.”