TITUS 3:2 - KITTA' MATANGKASA'

² Pauangi ke'nanga sollanna tena napitinai paranna tau, passangalinna parallui assiama' siagang sombere' mae ri taua. Siagang parallui tuli tuna kana-kananna ke'nanga mae ri yangasenna taua.

TITUS 3:2 ပူးပေါင်းရင်းမြစ်များ

2 SAMUEL 22:36

O, Batara, iKatte alla'langia' siagang ampasalamakka', antumpakka' siagang kakoasanTa nakuammeta lanri gautTa.

PAMMUJI 140:11

Boli'mi kamma nipibosi ke'nanga ri bara pepe', nampa nipela' antama' ri kali'bong kamateanga, sa'genna takkullea assulu' poleang.

PANGNGEBARANG 19:19

Boli'mi kamma tau lintaka larro nakasia' kale'bakkanna. Punna nutulungi, poro nutambaiji kalarroanna.

PANGNGEBARANG 25:24

Bajikangngangi ammantanga ri panyingkulu' lotenna ballaka, kala assiballaka siagang baine pa'beseranga.

YESAYA 40:11

Rapang sitau pakalawaki amparakai olo'-olo'Na; KalenNa ampa'rappungi ke'nanga. Ana'-ana' gimbalaka Nakalawingi, na Naemba baji'-baji' sikamma anronNa.

MATIUS 11:29

Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.

LAMPA-LAMPANA 23:5

Mingka appialimi Paulus nakana, “O, takuassengai sari'battang angkanaya imang lompoi padeng anjo taua. Nia' memang tattulisi' lalang ri Kittaka angkana, ‘Teako hinai pamimpinna bansanu.’ ”

1 KORINTUS 6:10

inai-nai a'lukka', angngoa, siagang painung, inai-nai nangai ambicara kodi paranna tau siagang ampaccoki paranna tau – yangasemmi anjo tau kammaya takkullea a'jari umma'Na Allata'ala.

1 KORINTUS 9:19

Inakke anne tena manna sitau ampare' ata'; inakke tau bebasakka'. Mingka manna nakamma, kupa'jari atami kalengku mae ri tau jaia. Naiaji kuappakamma anjo sollanna pila' jai tau akkulle kuerang mae ri Almasi.

2 KORINTUS 10:1

Kamma-kamma anne, kalengku Paulus, nia' ero' kupabattuangko. Inakke anne, turu' kananna taua, sanna' tunana kana-kanangku punna sidallekanga' siagang ikau ngaseng. Mingka punna sikabellaiki' sanna' baraniku. Jari, lanri tunaNa siagang kabajikanNa Almasi,

2 KORINTUS 12:20

Ranggaselai nyawaku gassingka punna battua' sallang angkunjungiko nakurapikangko tasangkammaya apa kuminasaia. Kammayatompa nurapikang tonga' tasangkammaya pa'minasanu. Gassingka nia' sallang kurapikang passiba'jiang, sereati, pa'bambangang, kaparalluang kalennaji bawang naboyai, sipitina, sikompa-kompa sala, katampoang siagang karicuang.

GALATIA 5:22

Mingka, punna nipimping ri RohNa Allata'ala taua, iaminne wassele'na: sikamaseangi ke'nanga, rannui, assiamaki, sa'baraki siagang lammoro' pa'maiki, bajiki ri paranna tau, majarreki,

GALATIA 6:1

Sikamma sari'battangku! Punna nia' tau nugappa a'gau' dosa, ikau nipimpinga ri RohNa Allata'ala parallui nuerang ammotere' anjo taua mange ri oloang annabaya. Mingka musti tuna pa'maikko anggaukangi, siagang katutui kalennu sollanna tena nunataba todong paccoba.

GALATIA 6:10

Jari, lalang nia'na ija kasampatang ri katte, paralluki' a'gau' baji' mae ri yangasenna rupataua, la'biangampa mae ri sikamma sari'battang julu tappatta.

EFESUS 4:2

Paralluko tuna pa'mai', lamma bicarannu, siagang sa'bara'. Pappicinikangi pangngamaseannu lalang ri passitulung-tulunganga.

EFESUS 4:31

Pela'mi sikontu pa'risi' pa'maika, sentimenga, siagang larroa. Tea' mako pole akkio'-kioki sipakka'-pakkanai. Pela'mi sipa' sikabirisia yareka sipa'-sipa' sangkammaya anjo.

FILIPI 4:5

Parallui nacini' ngaseng taua sipa'-sipa' baji'nu ri katallassannu. Nasaba' tasalloami Nalabattu Batara.

1 TESALONIKA 2:7

Mingka napakatunami kalenna ikambe ri wattunna nia' ri tangnga-tangnganu, sanrapang se're amma' amparakai ana'-ana'na.

1 TIMOTIUS 3:11

Bainenna ke'nanga musti tau baji' todong, teai tu nangaia appasilemba-lemba bicara. Musti naassengi ke'nanga ampakalewai kalenna, siagang musti lambusuki ke'nanga ala ri apa-apa mamo.

1 TIMOTIUS 3:3

teai tau painung sa'genna nasa'ring, yareka teai tau nangaia assiba'ji. Mingka tunai ri kana-kananna siagang nangai assiamaka. Takkulleai angngondang dudu doe'.

YAKOBUS 3:17

Mingka inai ampatangi kacara'dekang battu ratea ri suruga, iami maci'nong, nangai assiamaka, sombereki, siagang mappilangngeri. Iami sanna' jaina pangngamaseanna siagang a'nyatami panggaukang-panggaukang baji'na. Tena nabattala' siali, siagang tena nangai assara-sarai.

YAKOBUS 4:11

Sikamma sari'battangku; teako assicalla-callai yareka teako assisala-salakangi. Inai-nai ancallai yareka ansalakangi paranna tu Karisteng, nacallami siagang nasalakammi hukkunNa Allata'ala. Na punna nusalakammo hukkung-hukkunNa Allata'ala, ma'nassa tenamo nanuturuki anjo hukkung-hukkunga, passangalinna a'jari mako haking mae ri anjo hukkung-hukkunga.

1 PETRUS 2:1

Lanri kammana, pela'mi sikontu apa ja'dalaka battu ri kalennu; tea' mako a'balle-ballei pole, siagang tea' mako assara-sarai. Teako pakimburui, siagang teako hinai parannu tau.

1 PETRUS 3:10

Nia' tattulisi' lalang ri Kittaka angkanaya, “Inai-nai ero' angkasiaki mate'nena tallasaka, naero' ampisa'ringi allo-allo bajika, musti nakatutui bawana sollanna tamappaua bicara ja'dala', natamakkana balle-ballea.

1 PETRUS 3:8

Bodona kana iaminne: parallu ngasengko ma'julu kana siagang majulu pa'mai'. Paralluko sikarimangngi sangkamma tau assari'battanga. Siagang paralluko sikama'-kamaseang siagang tuna ri pa'mai'.

1 PETRUS 4:4

Kamma-kamma anne lannasa'mi tau tenaya natappa' ri Batara, lanri tenamo nuturuki ke'nanga angkasiaki panggaukang dosaya lalang kara'massanga. Iaminjo saba'na nanahina mako ke'nanga.

2 PETRUS 2:10

la'biangang sikamma tau anturukiai kaerokang kalenna sannaka ra'masa'na siagang anghinayai kakoasanNa Allata'ala. Antekamma baranina siagang tampona anjo guru-guru takontutojenga, sa'genna manna apa attallasa' mala'birika ri suruga tamangngalika tongi ke'nanga anghinai!

YUDAS 1:10

Mingka napakka'-pakkanaimi siagang nahinami ke'nanga sikontu anjo apa-apa tanapahanga ke'nanga. Sanrapangi ke'nanga olo'-olo' tenaya pikkiranna, iamintu pakkasia'naji bawang napake untu' angngassengi apa-apaya. Mingka passabakkang iatommi anjo apa-apa kammaya naancuru' ke'nanga.

YUDAS 1:8

Kammatommi anjo tau a'rupa-rupa dudua nanawa-nawa, sa'genna a'gau' dosamo ri batangkalenna tonji ke'nanga. Nacini' rawai kakoasanNa Allata'ala siagang nahinai sikamma apa-apa attallasaka siagang mala'birika ri suruga.