TITUS 2:2 - KITTA' MATANGKASA'

² Pakaingaki tau toa bura'nea sollanna naasseng ampakalewai kalenna ke'nanga lalang ri katallassanna, bajiki siagang napakalewai kalenna; sollanna annaba cara tallasa'na salaku tu nipangngaliki. Musti anna'gala' jarreki ri ajarang tojeng battua ri Allata'ala, attojeng-tojengi mangngamaseang, siagang sa'baraki angkasiaki kasessanga.

TITUS 2:2 ပူးပေါင်းရင်းမြစ်များ

AYUB 12:12

Turu' kabara', kacara'dekanga niaki ri tau toaya umuru'na, mingka kacara'dekang siagang kagassingang ri Allata'ala bawang nia'. Nakana taua, pammahanga niaki ri allaloamo umuru'na, mingka pammahang siagang kakoasang ri Allata'alaji bawang nia'!

PAMMUJI 92:14

Sanrapangi ke'nanga poko' nilamunga ri Balla'Na Batara, a'bakkaka ri Balla'Na Allata'alata,

PANGNGEBARANG 16:31

Tau lambusuka lanisarei umuru' la'bu; uanna sanrapangi songko' kalompoang accaya.

YESAYA 65:20

Tenamo ana'-ana'na lamate ca'di, na tau toaya lala'bui umuru'na. Tau sibilangngang taung umuru'na lanikanai tau rungka, na matea rioloanganna anjo lanikanai nataba hukkungangKu.

KAIMANGNGANG 19:32

Angngalikko siagang pakala'biriki tau toaya. Paralluko mappakala'biri' siagang malla' mae ri Nakke, nasaba' iNakkemi Batara.

MARKUS 5:15

Mangemi ke'nanga ri Isa, nampa nacini'mo ke'nanga anjo tau le'baka nasoso' setang, ammempo anjoreng. Ammakemi care-care siagang baji'mi jappana pikkiranna. A'jari malla' ngasemmi ke'nanga.

LUKAS 8:35

Assulu'mi taua battu ri kotaya ero' mange anciniki anjo apa kajarianga. Mangemi ke'nanga ri Isa, na nia'mo nacini' ke'nanga anjo tau le'baka nilappassang ri setanga, ammempo ri dallekanNa Isa. Ammakemi care-care, siagang baji'mi jappana pikkiranna. Malla' ngasemmi ke'nanga.

LAMPA-LAMPANA 24:25

Mingka ri wattunna narapi' nabicara Paulus passala' kalambusanga siagang antahangi kacinnanga, kammayatompa passala' hukkungang labattua punna Allo Kiama', a'jari malla'mi Feliks. Jari nakanamo Feliks, “Kamma-kamma anne akkulle mako a'lampa. Lakusuro kio' jako antu pole punna nia' wattu.”

ROMA 12:3

Le'ba'ma' Nasare passare malammoro'Na Allata'ala. Lanri kammanami anjo nakupakainga' ngasengko angkanaya: Teako pakatinggi dudui kalennu battu ri siratannaya. Parallui nupakatuna pa'mai'nu nampa nuparessa rolong kalennu; massing-massing tau parallui naparessa kalenna situru' pakkulle natarimaya battu ri Allata'ala lanri tappa'na ri Isa.

1 KORINTUS 15:34

Angngu'rangi mako ri kamma-kammaya anne, siagang tea' mako eroki pole a'gau' dosa. Siratanna musti a'jari siri'-sirikko lanri nia'na ija ri tangnga-tangnganu tau tenapa natappa' ri Allata'ala.

1 KORINTUS 9:25

Inai-nai a'latihang, musti naparrangngipi kalenna ri sangka' rupaya apa-apa. Naia naappakamma anjo lanri ero'na nipakalongi bunga pammetang, iamintu bunga akkullea kalumeng. Mingka ikatte anne niparrangngi kalenta ri sangka' rupaya lanri erotta nipakalongi bunga tenaya nakkulle kalumeng.

2 KORINTUS 5:13

Punna sanrapammo nucini' tau pongoroka ikambe, anjo lanri kaparalluang lamae ri Allata'ala. Na punna baji' nucini' jappana pikkiranna ikambe, anjo lanri kaparalluannu ngaseng.

GALATIA 5:23

tuna pa'maiki, siagang akkullei nalewai kalenna. Tena hukkung agama ampappisangkangi anjo sikammaya.

FILIPI 4:8

Na kala'busanna, sari'battangku ngaseng, parallui nubonei pikkirannu siagang apa-apa niaka anggaranna, siratanga nipuji, iamintu: apa-apa annabaya, mala'birika, adeleka, matangkasaka, mate'nea, siagang bajika.

1 TESALONIKA 5:6

Lanri kammana, takkulleaki' attinro sangkamma tau maraenga. Paralluki' a'jaga-jaga siagang parallui singara' pikkiranta.

1 TESALONIKA 5:8

Mingka ikatte anne tau lalangki' ri singaraka, antamaya ri golongang allo masingaraka; lanri kammana parallui a'jari singara' pikkiranta. Paralluki' tuli tappa' mae ri Batara, tuli mangngamaseang ri paranta tau, kammayatompa tuli majarre' panrannuanta mae ri Allata'ala, eroka ampasalamakki'. Iaminjo sanjatata untu' alla'langi kalenta siagang angngewai kaja'dallanga.

1 TIMOTIUS 1:10

tau a'gau' bawanga, tau sigau' bawanga para bura'ne, pagorraka, paballe-ballea; sa'bi-sa'bi balle-ballea, kammayatompa inai-nai mamo anggaukangai apa-apa assisalaya siagang pangngajarang tojenga.

1 TIMOTIUS 1:14

Mingka ba'lalo nipila'bi-la'bianga' kalammorang pangngamaseang ri Batarata. Nasarea' pakkulle untu' tappa' ri Ia, siagang pangngamaseang akkullea nipatang punna asse'reki' siagang Isa Almasi lalang ri katallassanta.

1 TIMOTIUS 1:5

Ia ero'na pappakaingakku, iamintu sollanna akkulle a'jari tulusu' siagang matangkasa' pa'mai'na taua, kammayatompa a'jari matappa' tojeng-tojeng mae ri Batara, sollanna akkulle nakamaseang paranna tau.

1 TIMOTIUS 3:11

Bainenna ke'nanga musti tau baji' todong, teai tu nangaia appasilemba-lemba bicara. Musti naassengi ke'nanga ampakalewai kalenna, siagang musti lambusuki ke'nanga ala ri apa-apa mamo.

1 TIMOTIUS 3:2

Se'rea pamimping jama'ah, musti tau tena callanna, se'reji bainenna, naassengi napakalewa kalenna, annabai siagang angngassengi atorang; nangai annarimaya tau ri balla'na, akkullei angngajaraki taua;

1 TIMOTIUS 3:4

Musti angngassengi angngatoroki siagang baji' sikamma tubone balla'na, kammayatompa angngajaraki ana'-ana'na sollanna mappilangngeri siagang mappakalompo mae ri ia.

1 TIMOTIUS 3:8

Ia tau anggaukangai jama-jamang pambantua lalang ri jama'aka, musti tau bajika siagang tau lambusuka; takkulleai tau nangaia anginung jai dudu anggoro' yareka tau paondang doeka.

1 TIMOTIUS 5:1

Teako liwakki larronu mae ri tau la'bi toanganga na ikau. Usahakangi nanapilangngeri kana-kanannu sanrapang angkana iami manggenu. Ia tau rungkaya pasangkammai sari'battannu;

TITUS 1:13

Kammatojengi apa napaua anjo na'bia. Iami anjo saba'na namusti nuterassi nupakainga' ke'nanga; sollanna akkulle tuli anna'gala' jarre' ke'nanga ri ajarang tojenga,

TITUS 1:8

Musti nangai annarimaya tau ri balla'na, nangai apa-apa kabajikanga, naassengi napakalewa kalenna, lambusuki, tangkasaki siagang ta'atoroki lalang ri katallassanna.

TITUS 2:7

Siagang paralluko ikau kalennu, lalang ri apa-apa mamo, ampappicinikangi conto bajika lalang ri panggaukannu. Punna angngajarakko, musti lambusukko siagang attojeng-tojengko.

FILEMON 1:9

Mingka lanri kukarimangnginnu, kupala'ji bawang mae ri kau. Inakke anne toama', siagang nitahanga' lalang ri tarungkua ri kamma-kammaya anne passabakkang Isa Almasi.

1 PETRUS 1:13

Lanri kammana, paralluko tuli a'jaga-jaga. Tutuko siagang manrannuang tojeng-tojengko mae ri barakka' lanipassareanga mae ri kau ri wattunna battu Isa Almasi sallang.

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

1 PETRUS 5:8

Paralluko tuli tutu siagang a'jaga-jaga! Nasaba' anjo Billisika iami musunnu. A'lampai anrai'-kalau' sanrapang singa nye'nyereka amboyai apa akkullea nalollong.

2 PETRUS 1:6

siagang sipa'rurunganna pangngassenganga, parallu tongko akkulle ampakalewai kalennu, siagang sipa'rurunganna ampakalewai kalennu, parallu tongko ampa'biasai kalennu sa'bara' andallekangi sikontu apa-apaya. Sipa'rurunganna sa'baraka andallekangi sikontu apa-apaya musti nuturuki tongi ero'Na Allata'ala lalang ri katallassannu.