ROMA 9:5 - KITTA' MATANGKASA'

⁵ Iami ke'nanga sossoranna boe-boeta. Battu ri bansanami ke'nanga assala' kabattuanNa Almasi, ri wattu battuNa a'jari ma'rupatau ri lino. Iami kaminang mala'biri' ri sikontuna taua. Nipujimi Allata'ala satunggu-tungguna! Aming.

ROMA 9:5 ပူးပေါင်းရင်းမြစ်များ

PA'JARIANG 12:3

LaKubarakkaki sikamma tau ambarakkakiako siagang laKutunrai sikamma tau antunrayako. Siagang lanri ri kau nalaKubarakkaki sikontu bansaya ri lino.”

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

1 KARAENG-KARAENG 1:36

Appialimi Benaya angkana, “Baji'mi karaeng mala'biri', poro Batara, Allata'alana karaengku, ampakajarreki anjo parentana karaeng.

1 PATTOTTORANG 16:36

Puji Batara, Allata'alana Israel, anne kamma na satunggu-tungguna! Nampa akkanamo umma' Israel, “Aming”. Le'baki anjo mammuji-mujimi ke'nanga mae ri Batara.

PAMMUJI 103:19

Ammarentai Batara ri suruga, Ia Karaeng makoasa mae ri sikontu-kontuna.

PAMMUJI 106:48

Pujimi Batara, Allata'alana Israel, anne kamma siagang satunggu-tungguna. Boli'mi kamma yangaseng taua angkana, “Aming!” Pujimi Batara!

PAMMUJI 41:13

Kitulunga' lanri kalambusangku, siagang Kipa'jaria' attallasa' siagang iKatte sa'genna satunggu-tungguna.

PAMMUJI 45:6

Ana' pana cidu'nu natarrusuki atenna musunta, tu'guruki bansa-bansaya ri dallekanna bangkennu.

PAMMUJI 72:19

Nipujimi areng malompoNa satunggu-tungguna; poro rassi sikontu linoa siagang kala'biranNa! Poro kajariang lalo kammaya, Aming!

PAMMUJI 89:52

Musu-musunTa nahinai karaeng nipileTa, o, Batara, manna kemae lampana tuli nacau-caui.

YESAYA 11:1

Turunganna Karaeng Daud rapangi poko' kayu le'baka nita'bang. Mingka sanrapang attimbona pole cu'la' berua battu ri tonasa'na, kamma tomminjo lania' sitau karaeng lammumba battu ri turunganna Daud.

YESAYA 7:14

Kamma-kamma anne, KalenNa Batara lassare tanra mae ri kau: Nia' sallang sitau tulolo latianang siagang allassukang sitau ana' bura'ne, lanaarenga Imanuel.

YEREMIA 28:6

“Bajiki! Dasi-dasi na'rupaja antu botonu, siagang Naerang tojengi Batara ammotere' battu ri Babel barang-baranna Balla'Na Batara siagang sikontu tau nipelaka mange anjoreng.

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

LUKAS 20:44

Jari punna Daud angkana ‘Batara’, ri anjo Karaeng Mappasalamaka, antekamma nakkulle nikana sossoranna Daud?”

YOHANES 10:30

INakke siagang Manggea se'rejA'.”

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

LAMPA-LAMPANA 3:13

Allata'ala nasombaya Abraham, Ishak, Yakub, Allata'alana boeta, Iaminjo Allata'ala ampakalompoai Ana'Na, iamintu Isa. Iaminjo Isa le'baka nupassareang ri pamarentaya, siagang numusua ri dallekanna Pilatus, ri wattunna ero' nilappassang ri Pilatus.

ROMA 1:25

Nasambei Allata'ala kontutojenga siagang anu takontutojenga. Teai Allata'ala appa'niaka nasomba siagang nalayani ke'nanga, passangalinna apa-apa nipa'niaka. Padahala' iaji anjo appa'niaka musti nipuji satunggu-tungguna! Aming.

ROMA 1:3

Naia bonena anjo Kabara' Bajika iamintu ri passala'na Ana'Na Allata'ala, Batara Isa Almasi. Lalang rupatauna, Iami sossorang battu ri Daud;

ROMA 10:12

Anne nataba ngasengi sikontu rupataua; nasaba' tena simmaraenna tu Yahudia siagang bansa-bansa maraenga. Anjo Allata'ala se'rea, Bataranai sikontu rupataua. Napassareangi barakka'Na alla'bia jaina mae ri sikamma tau appala' tulunga mae ri Ia.

ROMA 11:28

Lanri teana tu Yahudia antarimai Kabara' Baji' battua ri Allata'ala, a'jari musumi ke'nanga ri Allata'ala; na iaminjo ba'lalo ampa'jari upaki bansa-bansa maraenga. Mingka lanri nipilena ri Allata'ala, tuli nikamaseammi ri Allata'ala anjo tu Yahudia, passabakkang boe-boena ke'nanga.

1 KORINTUS 14:16

Nasaba' punna rohnuji bawang appala' sukkuru' mae ri Allata'ala, nania' tau maraeng tena napahangi anjo bicara appakalannasa' battua ri RohNa Allata'ala, takkulleai anjo taua angkana, “Cocoka'” siagang anjo pappala' sukkuru'nu lalang pappala' doangannu; nasaba' tanaassengai angkana apa anjo nupaua.

2 KORINTUS 11:31

Nasaba' tena nakua'balle-balle; Allata'ala, ManggeNa Batarata Isa a'jari sa'bi mae ri nakke! Nipujimi arenNa satunggu-tungguna.

PAOLE 10:15

Mingka teai sipato' lompona pangngamaseanNa Batara mae ri boe-boenu, sa'genna ikaumi Napile battu ri alla'na sikontua bansa, siagang sa'genna kamma-kamma anne ikauji umma'Na Napilea.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

1 TIMOTIUS 6:15

KalenNa Allata'ala lampattantui wattu mattantuna kabattuanNa. Iami Makoasaya tenaya ruanna; Iami mala'biri', Karaenna sikontu karaenga, Batarana sikontu rewataya.

2 TIMOTIUS 2:8

U'rangi anne: Anjo Kabara' Baji' kubirittakanga iamintu kabara' ri passala'na Isa Almasi, sossoranna Daud; Iami Almasi, le'baka attallasa' ammotere' battu ri kamateanga.

IBRANI 7:24

Mingka Isa, attallasaki satunggu-tungguna; jari takkulleai a'lette' mae ri tau maraenga anjo jama-jamang imang niaka ri Ia.

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

PAPPICINI' 22:16

“INakke Isa, Kusuromi malaekakKu mae ri kau ngaseng sollanna napau ngaseng anne passalaka untu' kasalamakkanna sikontu jama'aka. INakkemi sossoranna Daud; iNakkemi anjo bintoeng singaraka, niaka battu raya.”

PAPPICINI' 22:20

Ia ampabattuai sikammaya anne birittaya angkanami, “Kontutojengi, mattantu labattuA' linta'!” Aming! Battu maKi', o Batara Isa!

PAPPICINI' 5:14

Appialimi anjo appaka anu attallasa', angkana, “Aming!” Nasu'ju'mo anynyomba anjo pamimping-pamimpinga.