ROMA 9:4 - KITTA' MATANGKASA'

⁴ Ike'nammi umma' nipilea siagang nipa'jaria ana'-ana' KalenNa ri Allata'ala, kammayatompa le'baka angkasiaki kakoasanNa Allata'ala. A'janjimi Allata'ala mae ri ke'nanga, siagang nisaremi ke'nanga hukkung-hukkung agama. Nipauammi ri Allata'ala ke'nanga angkanaya antekamma batena ke'nanga musti anynyomba ri Allata'ala; kammayatompa natarimami ke'nanga janji-janjinNa Allata'ala.

ROMA 9:4 ပူးပေါင်းရင်းမြစ်များ

PA'JARIANG 15:18

Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,

PA'JARIANG 17:10

Ikau siagang sikontu turungannu bura'nea musti nisunna' ngasengko.

PA'JARIANG 17:2

LappareKa' parjanjiang siagang ikau siagang laKusareko turungang jai.”

PA'JARIANG 17:7

LaKurupai janjingKu mae ri kau siagang mae ri turungannu sa'genna a'lapi'-lapisi', siagang anjo parjanjianga lamannannungangi. INakke la'jari Allata'alanu siagang Allata'alana turungannu.

PA'JARIANG 32:28

Nakanamo anjo taua, “Teaimi Yakub arennu. Le'ba' mako a'laga siagang Allata'ala, kammayatompa siagang rupataua, nampa ikau ammeta. Lanri kammana, kamma-kamma anne a'jari arennu Israel.”

1 KARAENG-KARAENG 8:11

Anjo saliuka accillaki napakamma kalompoang kahaderanNa Batara, sa'genna takkulleamo ammotere' antama' sikamma imanga untu' anjamai jama-jamanna ke'nanga.

NEHEMIA 13:29

Appala' doanga' angkana, “O, Allata'alaku, Kiu'rangi antekamma batena anjo taua anra'massi tugasa' imanga siagang parjanjianTa siagang sikamma imanga na tu Lewia pole!”

PAMMUJI 147:19

Napabattui pasanNa mae ri umma'Na, katantuanNa siagang hukkunNa mae ri umma' nipileNa.

PAMMUJI 63:2

O, Allata'ala, iKattemi Allata'alaku, nakkuka' ri Katte na kuboyaKi', Sanrapang butta kalotoro' nakku' ri je'ne', kammaminjo nakkukku mae ri Katte.

PAMMUJI 73:1

Pammujina Asaf. Tamaka baji'na Allata'ala mae ri umma'Na, mae ri tau ci'nonga pa'mai'na.

PAMMUJI 78:61

Nabalang parekangi Patti ParjanjianNa nialle ri musu; bate kala'biranNa nialle passa ri balia.

PAMMUJI 89:3

Saba' kuassengi angkana satunggu-tungguna pangngamaseanTa, majarreki tamamminraTa sanrapang langi'.

PAMMUJI 89:34

Mingka tuli laKukamaseanna Daud, talaKukaluppaiyai nyawa tamamminraKu.

PAMMUJI 90:16

Kipicinikiangi ikambe ata-atanTa sikamma bate paretTa, siagang koasa accayaTa mae ri turunganna ikambe.

KALAPPASSANG 12:25

Punna antama' mako ri pa'rasangang Napa'janjianga Batara mae ri kau, musti nugaukangi anne pa'gaukanga.

KALAPPASSANG 34:27

Nakana pole Batara ri Musa, “Tulisi' ngasengi sikamma anjo kana-kanaya, lanri iaminjo kana-kanaya a'jari dasara' naKuappare' parjanjiang siagang ikau kammayatompa siagang bansa Israel.”

KALAPPASSANG 4:22

Nampa paumi ri anjo karaenga angkanaya iNakke, Batara, appasang kamma anne: ‘Anjo Israel ana' toaKu,

KALAPPASSANG 40:34

Nampa naummo rammanga antongkoki KemaNa Batara, siagang rassimi anjo Kemaya siagang caya kahaderanNa Batara.

YESAYA 41:8

Mingka ikau, he Israel, atangKu, umma' Kupilea, ikau turunganna Abraham, sahabakKu.

YESAYA 46:3

PilangngeriA', he turunganna Yakub, ikau ngaseng niaka tassesa ri ummakKu. Le'ba' mako Kuparakai baku' nilassukannu.

YESAYA 5:2

Nabingkungi buttana, na napela' batu-batunna. Nalamungi anggoro' nipile nambangung balla' tinggi pa'jagang. Angngekei se're kali'bong tampa' pammaccokang anggoro'na, nampa attayang rappo ti'noka, mingka kacci wassele' rappo anggoro'na.

YESAYA 60:19

Tena nuparallu nisingari ri allo ri wattu singaraka, siagang tena nuparallu nisingari ri bulang punna bangngi. Saba' iNakke Batara, la'jari singara' mannannungang mae ri kau, Kusingariko siagang kala'birangKu.

YEREMIA 31:20

Israel, ikau ana' nisayangKu, ana' Kungaia, bua atingKu. Punna Kuancangko tuli nakkuKa' Kumangngu'rangi ri kau. LaKugaukanga mae ri kau iamintu Kukamaseang sikaliko.

YEREMIA 31:33

Iaminne parjanjiang beru laKupareka siagang umma' Israel: Hukkung-hukkungKu laKuboliki ri ati mailalanna ke'nanga, Kutulisiki ri pa'mai'na ke'nanga. INakke la'jari Allata'alana ke'nanga, siagang ke'nanga la'jari ummakKu.

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

YEHEZKIEL 1:28

a'rupa-rupa cura'na sangkamma tarawe. Iaminjo singara' accaya, ampa'nyatayai kahaderanNa Batara. Kucini'na anjo sikammaya, tu'guru'ma' attinompang, a'dalle' naung ri buttaya. Nampa nia'mo sa'ra kulangngere' angkana,

HOSEA 11:1

Nakana Batara, “Kukamaseangi Israel battu ri ca'dina, Kukioki anakKu assulu' battu ri Mesir.

PAMMILANGNGANG 7:89

Sampang antamaki Musa ri KemaNa Batara untu' a'bicara siagang Batara, nalangngere'mi sa'ranNa Batara a'bicara mae ri ia battu rate ri pa'rangka'na Patti Parjanjianga ri alla'na anjo ruaya patung malaeka' akka'nyi'.

MATIUS 21:33

Nakanamo pole Isa, “Pilangngerimi pole anne se'rea pangngebarang. Nia' se're tau ero' allamungi kokonna anggoro'. Napangngalakkimi attammulili kokonna. Nampa appare' kali'bong eroka napake ammacco' je'ne' anggoro'. Appare' tommi balla'-balla' jaga tinggia. Le'baki anjo napappitesangammi anjo koko anggoro'na mae ri siapa are pajama koko. Nampa a'lampa ri se'reang pa'rasangang maraeng.

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

YOHANES 1:47

Nacini'mi Isa nia' battu Natanael; na Napaumo passala' ri batangkalenna Natanael Nakana, “Ciniki, iaminjo tu Israel tojeng-tojenga. Tena apa-apa palassu lalang ri batangkalenna.”

LAMPA-LAMPANA 2:39

Nasaba' anjo Napa'janjianga Allata'ala untu' ikau ngaseng siagang sossorannu, kammayatompa untu' tau battua ri pammantangang bellaya – iamintu sikontu tau Nakioka Allata'ala Batarata battu mae ri Ia.”

ROMA 3:2

Mattantu jai matu-matunna! Lomoro' se're, nasaba' tu Yahudiami Napappirannuangi Allata'ala anjo kana-kananNa.

ROMA 8:15

Nasaba' anjo Roh Napassareanga Allata'ala mae ri kau ngaseng, tena Napa'jari atako sa'gennu a'jari malla' lalang ri katallassannu. Passangalinna anjo RohNa Allata'ala ampa'jariko ana'-ana'Na Allata'ala. Siagang lanri koasaNa anjo RohNa Allata'ala akkulle maki' angkana ri Ia, “Manggeku, Manggeku!”

ROMA 9:6

Tena nalakukana tenamo natappake janjinNa Allata'ala; mingka tena nasikontu bansa Israelka nipile ri Allata'ala a'jari umma'Na.

2 KORINTUS 11:22

Maka tu Ibrani anjo ke'nanga? Inakke tu Ibrani tonja'. Tu Israel ke'nanga? Inakke tu Israel tonja'. Turungannai Abraham ke'nanga? Inakke pole kamma tonja'!

GALATIA 3:16

Anjo janji-janjinNa Allata'ala, KalenNa ampareki untu' Abraham siagang untu' sossoranna Abraham. Tena nanakana lalang ri Kittaka, “siagang untu' sikamma tau sossoranna Abraham,” battuanna jai tau. Ia niaka tattulisi' iamintu, “siagang untu' sossorannu,” battuanna sitauji bawang, iamintu Almasi.

EFESUS 2:12

Anjo wattua tena nusse're siagang Almasi; a'jariko tau maraeng, tenaya nantama' ri umma' Napilea Allata'ala. Tena nuntama' ri janji le'baka Napare' Allata'ala siagang umma'Na. Tena panrannuannu siagang tena Allata'alanu ammantang ri anne linoa.

PAOLE 14:1

“Ikaumi umma'Na Karaeng Allata'alanu. Jari punna susako lanri kamateangko, teako loko'-lokoki batangkalennu yareka teako cukkuruki bageang dallekanna ulunnu sangkamma nagaukanga bansa-bansa maraenga.

PAOLE 29:1

Iaminne kana-kana parjanjiang napareka Musa siagang bansa Israel situru' parentaNa Batara, ri wattunna nia' ke'nanga ri butta Moab. Anjo parjanjianga iamintu pannambai battu ri parjanjiang Napareka Batara siagang ke'nanga ri Moncong Sinai.

PAOLE 29:14

Anjo parjanjianga siagang sikamma kawajibang niaka lalanganna, Napareki Batara teai siagang ikau bawang,

PAOLE 31:16

Nakana Batara mae ri Musa, “A'reppese'mi a'jala'nu. Punna a'boko mako, lamamminrami nyawana bansa Israel mae ri Nakke siagang takkaluppami ri parjanjiang Kupareka siagang ke'nanga. LanabokoiA' ke'nanga untu' a'lampa mange anynyomba ri rewata-rewata nisombaya ri pa'rasangang tenayamo nasallo nanupantamakki.

PAOLE 4:13

Anjoreng Napaumi mae ri kau apa mustia nugaukang untu' anrupai parjanjiang Napareka siagang ikau ngaseng. Anjo Sampuloa Parenta le'baka Natulisi' ri ruaya batu tulisi' musti nugaukangi.

PAOLE 7:6

Gaukangi anjo kammaya lanri ikau Karaeng Allata'alanu ampatangko. Battu ri sikontu bansaya ri anne linoa, ikaumi Napile Karaeng Allata'alanu untu' a'jari umma'Na kaminang Nangaia.

IBRANI 9:1

Anjo passijanjiang uru-urua, nia' paratorang-paratorang panynyombanna, siagang nia' todong tampa' panynyombanna napareka rupataua.

IBRANI 9:10

Nasaba' anjo upacara-upacaraya poro mange bawang ri passala' kanre-kanreang, inung-inungang, siagang a'rupa-rupa upacara pannangkasi. Yangasenna anjo poro paratorang-paratorang nacinikaji bawang mata, akkullea tappake sa'genna bawang ri wattunna Naberui ngaseng Allata'ala sikontu apa-apa niaka.

IBRANI 9:3

Bageang lalanganna, iamintu ri bokona gordeng makaruaya, nia' kamara' niarenga Kamara' Kaminang Matangkasaka.

IBRANI 9:5

Irateanganna anjo Pattia nia' rua patong malaeka' akka'nyika, a'jaria pangngebarang ri kahaderanNa Allata'ala. Anjo ruaya ka'nyi'na patung malaekaka tassungkei irateanganna anjo pattongko' Pattia, iamintu tampa' pammopporanna dosa-dosaya. Mingka takkullea ngasengi anjo sikammaya nipakasingara' apa battuanna sa'genna a'jari singara' tojeng-tojeng.

IBRANI 9:6

Kamma ngasemmi anjo batena niatoro'. Allo-allona imang-imanga antama' anjoreng ri bageang dallekanna anjo pammantangang nipaentenga, untu' anggaukangi jama-jamanna ke'nanga.