ROMA 9:31 - KITTA' MATANGKASA'

³¹ Mingka bansa Yahudia tuli nausahai anturuki hukkunga sollanna a'jari baji' ammotere' passisambunganna siagang Allata'ala. Mingka kale'bakkanna tena wassele'na.

ROMA 9:31 ပူးပေါင်းရင်းမြစ်များ

YESAYA 51:1

Nakana Batara: “PilangngeriA', he ikau ngaseng tau eroka nipasalama' siagang battua mae ri Nakke appala' pannulung. U'rangi angkanaya battu ri moncong batu kemaeko nipa', siagang battu ri pangngekeang batu kemaeko nikeke.

ROMA 10:20

La'bi baraniangangi pole Na'bi Yesaya. Nakana, “Kammaminne kananNa Allata'ala, ‘Tau tenaya naboyA', iami ambuntulukKa'; siagang Kupappicinikammi KalengKu mae ri tau tenaya nale'ba' ampakkuta'nangangA'.’ ”

ROMA 11:7

Jari antekamma? Tanagappayai bansa Israelka anjo apa naboyaya ke'nanga. Anggappayai, iamintu sipa'rappungang ca'diji tau, ia le'baka Napile Allata'ala. Ia maraenganga, a'jari kapala batu ngasengi mae ri pakkio'Na Allata'ala.

ROMA 3:20

Nasaba' tena manna sitau akkulle assibajiki siagang Allata'ala lanri nagaukanna apa-apa niaka tattulisi' lalang ri hukkung-hukkung agamaya. Ba'lalo anjo hukkung-hukkunga poro napappiassenganji bawang mae ri rupataua angkanaya ma'nassa dorakai rupataua.

ROMA 3:27

Lanri kammana, tenamo oloanta latinggi-tinggi pa'mai'. Angngapa nakamma? Nasaba' tenanamo nanigaukangi apa-apa tattulisika lalang ri hukkung-hukkung agama Yahudia? Teai! Passangalinna lanri tappattamo.

GALATIA 3:21

Jari maka assisalai anjo hukkung agamaya siagang janjinNa Allata'ala? Tantu tena! Nasaba' punna lanri akkullena natallasi rupataua nanipassareang anjo hukkung agamaya, tantu akkullemi assibajiki rupataua siagang Allata'ala tete ri anjo hukkung agamaya.

FILIPI 3:6

Ba'lalo, lanri lompona sumangakku, sa'genna kusessamo anggota jama'aka. Punna niciniki battu ri passala' hukkung-hukkung agama Yahudia, inakkemi tau baji' siagang tena callangku.