ROMA 9:29 - KITTA' MATANGKASA'

²⁹ Nakana pole Na'bi Yesaya, “Ebara' angkana tenamo sossorang Nabolikangki' Allata'ala Kaminang Koasaya, mattantu le'ba' ngaseng maki' a'jari sangkamma taua ri Sodom siagang Gomora.”

ROMA 9:29 ပူးပေါင်းရင်းမြစ်များ

YESAYA 1:10

Yerusalem, sikamma pamimpinnu siagang bansanu, a'jari sangkammami tu Sodom siagang tu Gomora. Pilangngerimi apa Nakanaya Batara mae ri kau; parhatikangi apa Napangngajarranga Allata'alata.

YESAYA 1:9

Ebara' angkana tena Napata'lappasaki Batara Kaminang Koasaya siapa are tau battu ri katte, ma'nassa cappu' ngaseng maki', rapang kota Sodom siagang Gomora.

YESAYA 13:19

Yangasenna kakaraenganga, iaminjo Babel kaminang ga'ga siagang a'jari kalompoang pa'mai'na pandudu'na. Mingka iNakke, Batara, laKuancuruki ke'nanga, kamma le'baka Kugaukang mae ri kota Sodom siagang Gomora.

YESAYA 6:13

Ba'lalo lalanna sampuloa tau na nia' ija sitau ammantang ri anjo pa'rasanganga, anjo sitaua lanipanraki todong. Mingka rapang poko' kayu karama' punna nita'bangi nia' ija ammantang tonasa'na, kamma tomminjo lania' ija tassesa anjo bansaya, la'jaria pappokokanna umma' matangkasaka.”

YEREMIA 49:18

Antekamma batena Sodom siagang Gomora niancuru' siagang desa-desa niaka ri tammulilina, kamma tomminjo Edom. Tena manna sitau lammantang pole anjoreng. INakke, Batara, anne akkana.

YEREMIA 50:40

Antekamma bateKu angngancuruki Sodom siagang Gomora siagang sikamma desa-desa niaka ri tammulilina, kamma tomminjo bateKu langngancuruki Babel. Tena manna sitau lammantang pole anjoreng. INakke, Batara, anne akkana.

PIRAUNG 3:22

Anjo pangngamaseanNa Batara sa'gennai satunggu-tungguna, tena la'busu'na passare baji'Na,

PIRAUNG 4:6

Nihukkungi ummakKu la'bi battallangngang na hukkunganna tu Sodom le'baka sipakkida mataji bawang naancuru' lalang limanNa Allata'ala na teai tete gau' rupatau.

AMOS 4:11

Sipa'gang battu ri kau laKupanrakiko sangkamma Kupanrakinna kota Sodom siagang Gomora. Ia niaka ija attallasa' battu ri kau rapangi cappa' kayu tunuang niallea battu ri pepeka. Mingka manna nakamma tena tongijapa nummotere' mae ri Nakke.

ZEFANYA 2:6

Daeranu ri ampi'na tamparanga la'jari parang rukuki; balla'-balla' pakalawakia siagang bara-bara gimbalaka lanibangungi anjoreng.

PAOLE 29:23

La'jari parang kalotoro' karringi sikamma kokonnu nitongko' ri batu a'rinra siagang ce'la. Takkulleai nulamungi buttana, siagang tea tommi attimbo ruku'-rukuka anjoreng. Lasangkammai kota-kota Sodom siagang Gomora kammayatompa Adma siagang Zeboim anjo pa'rasangannu, iamintu niancuruki ri wattu a'rinra-rinrana larroNa Batara.

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.

2 PETRUS 2:6

Kamma tomminjo kota Sodom siagang Gomora; Naancu'-ancuruki Allata'ala anjo kotaya siagang pepe', sollanna a'jari conto ri passala'na apa lakajarianga sallang mae ri sikamma tau tenaya natappa' ri Allata'ala.

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.