ROMA 9:20 - KITTA' MATANGKASA'

²⁰ Mingka ikau sari'battang, tau biasajako bawang! Takkulleako barani appiali mae ri Allata'ala! Maka akkullei se'rea pammantangang bunga mae ri tau amparekai, angkana, “Apa saba'na nanupare' kamma' anne?”

ROMA 9:20 ပူးပေါင်းရင်းမြစ်များ

2 SAMUEL 16:10

Mingka Nakanamo karaenga ri Abisai siagang Yoab daenna, “Teako jampangi anjo. Lappassammi nanatunraia'. Nasaba' punna Batara ansuroi, inaika akkulle angkuta'nangi angkana angngapa nappakamma anjo?”

AYUB 16:3

Angngapapi nupammari ngasengi anjo bicara kosonnu? Apa ampakalompoi nyawanu untu' appiali?

AYUB 33:13

Angngapa nanusalakang Allata'ala angkanaya taNajampangiai kunrarenna rupataua?

AYUB 36:23

Inai akkulle ampattantui oloanNa yareka barani ampakkanai sala panggaukanNa?

AYUB 40:5

Jai dudumi le'ba' kupau.”

AYUB 40:8

Maka eroki nusassali kaadelangKu, nupattojeng kalennu nampa iNakke nusalakang?

AYUB 9:32

Ebara' angkana rupatau anjo Allata'ala, akkullei kupiali; nampa a'lampa ikambe mange andallekang ri pangadelang untu' ampa'le'baki sikamma pa'beserangku siagang Ia.

YESAYA 10:15

Mingka Nakana Batara, “Maka akkullei napattampoang kalenna pangkuluka mae ri tau ampakei ammangkulu'? Maka la'bi paralluangangi garagajia na tau ampagaragajiai? Teai palu-palua angngangkaki taua, passangalinna tauaji angngangkaki palu-palua.”

YESAYA 29:16

Yangasenna ke'nanga natunggengi. Kereanga la'bi parallu, papare' uringa, yareka butta pika? Maka lakkullei anjo apa nipareka akkana mae ri tumappare'na, “Teai ikau amparekka'”? Yareka akkullei anjo baranga angkana ri ia, “Tena apa-apa akkulle nugaukang”?

YESAYA 64:8

Mingka iKatte, o Batara, iKatte Manggena ikambe, ikambe butta pi' ji bawang, na iKatte ampareki ikambe; ikambe yangasenna bate pare' limanTa.

YEREMIA 18:6

“He ummakKu, maka latena nakkulle Kugaukang sangkamma anjo apa nagaukanga papare' uringa battu ri butta pi'na? Rapang butta pi' lalang ri limanna papare' uringa, kamma tommako anjo lalang limangKu.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

MIKHA 6:8

Tena! Le'ba'mi Napa'nyata Batara mae ri katte apa bajika. Ia Natuntuka battu ri katte iamintu sollanta a'gau' adele', tuli nigaukangi mangngamaseanga, siagang nipakatuna tallasatta asse're mae ri Allata'alata.

MATIUS 20:15

Apa takkullea' angngatoroki pa'barang-barangangku situru' apa nakaerokia nyawaku? Yareka assereatiko lanri lammoro' pa'maikka'?’ ”

LUKAS 12:14

Appialimi Isa Nakana, “E, sari'battang, inai angngangkaKa' a'jari haking, lambage-bageangko warisi'nu sipa'rua?”

ROMA 14:4

Inaikoka antu sa'gennu akkulle angngadeli atanna tau maraenga? Natu'gurukka yareka nambangungka anjo ataya, anjo urusanna karaenna. Na memang lammentengi nai' anjo ataya, lanri Makoasai Batara ampamentengi nai'.

ROMA 2:1

Lanri kammana, sari'battangku ngaseng, inaiko kutadeng antu sa'gennu akkulle ampasalai tau maraenga? Tena sikali apa-apa ri kau untu' akkulle ampattojengi kalennu! Nasaba' punna nupasala parannu tau, padahala' kalennu anggaukangi anjo apa-apa nagaukanga ke'nanga, ikau tommi ampabattui hukkunganga mae ri kalennu.

ROMA 2:3

Mingka ikau ngaseng sikamma sari'battangku, ikau pole anggaukang tongi anjo apa-apa nucallaya nagaukang tau maraenga. Gassingka nukana lakkulleko ta'lappasa' battu ri pangngalarroiNa Allata'ala?

ROMA 9:21

Sai ero'-ero'na todong anjo taua antekamma tanja'na anjo pammantangang bungaya napareka? Battu ri sikangkang butta pi' anjo taua akkullei napare' ruang rupa anjo pammantangang bungaya: se're baji', namaraenganga tena nabaji' dudu.

ROMA 9:22

Kamma tomminjo ri apa Napareka Allata'ala. Eroki ampappicinikangi pangngalarroinNa siagang kakoasanNa. Mingka sa'baraki Allata'ala mae ri anjo tau siratanga nihukkung lanri napakalarro-larrona Allata'ala.

1 KORINTUS 1:20

Jari, apa matu-matunna anjo tau niaka pangngassenganna? Apa matu-matunna sikamma anjo tau cara'deka? Apa matu-matunna tu panritaya ri anne linoa? Le'ba'mi Napakasingara' Allata'ala angkanaya kaporeanna anne linoa poro balle-balle lompo bawang!

1 KORINTUS 7:16

Nasaba' ikau salaku baine, iamintu baine tappakamo mae ri Batara, antekamma lakkulle nuasseng angkanaya ma'nassa takkulleai nupasalama' bura'nennu? Kammayatompa ikau salaku bura'ne Karistengamo, antekamma lakkulle nuasseng angkanaya ma'nassa takkulleai nupasalama' bainennu?

1 TIMOTIUS 6:5

siagang passisala-salang tenaya le'ba'-le'ba'na. Lingumi siagang tannabayami batena appikkiri' anjo tau kammaya. Napikkiriki angkana akkullei ke'nanga anggappa passawallang battu ri agamaya.

2 TIMOTIUS 2:20

Lalang se'rea balla' lompo nia' a'rupa-rupa pakkakasa' balla'. Nia' pakkakasa' pera' yareka bulaeng, mingka nia' todong battu ri kayu yareka butta. Nia' lanipake untu' kaparalluang lompo, na nia' todong lanipake untu' kaparalluang biasa.

TITUS 2:9

Sikamma ataya musti mappilangngeri mae ri pinggawana, siagang tuli napakasannangi atinna pinggawana lanri panggaukanna. Takkulleai ke'nanga pabali-bali,

YAKOBUS 2:20

Ma'nassa sanna' dongo'nu! Maka paralluko nipa'buttiang angkanaya ma'nassa tena matu-matunna nia' tappatta punna tena na'nyata lalang ri panggaukanta?