ROMA 9:14 - KITTA' MATANGKASA'

¹⁴ Jari apa bodona kana kamma-kamma anne? Lanikana tena naadele' Allata'ala? Mattantuna adeleki Allata'ala!

ROMA 9:14 ပူးပေါင်းရင်းမြစ်များ

PA'JARIANG 18:25

Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

2 PATTOTTORANG 19:7

Musti mallakko ri Batara, siagang tutuko lalang annappuki, lanri anjo Karaeng Allata'alata nakabirisi tau a'gau' jekkonga, tau battala' sialia ri se'reang kara-kara, siagang tau annarimaya doe' pacoco'.”

AYUB 8:3

Tale'bakai Napa'jekko Allata'ala kaadelanga; tale'bakai salasa ampaentengi katojenganga.

PAMMUJI 145:17

Adeleki Batara lalang sikontu tindakanNa siagang rassi pangngamaseang lalang sikontu panggaukanNa.

PAMMUJI 92:15

poko' tuli a'rappoa ri wattu toanamo, tuli moncongbulona siagang copponna.

YEREMIA 12:1

“Punna kuerang parkaraku mae ri dallekanTa, o Batara, attantu la'buttimi angkanaya iKatte tojeng. Mingka ero' tonga' akkuta'nang mae ri Katte ri passala'na nikanaya kaadelang: Angngapai tau ja'dalaka naia kalumanynyang? Angngapa natau tenaya nalambusu' baji' panggappanna?

LUKAS 20:16

Tantu labattui nanabuno ngaseng anjo pajamaya, nampa napappitesangang anjo kokonna mae ri pajama maraenga.” Nalangngere'na akkana kamma Isa, nakanamo ke'nanga ri Isa, “Tapporo tena sikali nakamma!”

ROMA 2:11

Nasaba' Napasangkamma-kamma ngasengi Allata'ala sikamma rupataua.

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

ROMA 3:1

Jari punna kamma, apami upa'nu a'jari tu Yahudi? Siagang apami matu-matunnu anturuki anjo atoranna sunnaka?

ROMA 9:30

Jari bodona kana kammaminne: Anjo bansa-bansa maraenga tena nausaha sollanna a'jari baji' ammotere' passisambunganna siagang Allata'ala. Mingka lanri tappa'na ke'nanga, Napa'jari baji'mi ammotere' Allata'ala passisambunganNa siagang ke'nanga.

PAOLE 32:4

Batara Mappasalama'nu maporea, adeleki na sukku' baji' sikontu oloanNa. Allata'alanu tamamminra pa'mai'Na na matulusu' ri nyawa, manggaukangi ri bajika na ri siratanga.

PAPPICINI' 16:7

Nampa nia' kulangngere' sa'ra battu ri tampa' pakkoro'bangnganga angkana, “Batara, Allata'ala Kaminang Koasaya, annabai siagang adeleki sikamma hukkungang le'baka Kitappuki!”