ROMA 9:13 - KITTA' MATANGKASA'

¹³ Nia' tattulisi' lalang ri Kittaka angkanaya, kammaminne kananNa Allata'ala, “Kukamaseangi Yakub, mingka birisikKa' mae ri Esau.”

ROMA 9:13 ပူးပေါင်းရင်းမြစ်များ

PA'JARIANG 29:31

Nacini'na Batara angkana tena ningai dudui Lea sangkamma Rahel, nisaremi pangngellai sa'genna ammana' Lea, mingka Rahel tuli tenana ana'na.

PA'JARIANG 29:33

Nampa attianammo pole Lea siagang allassukammi sitau ana' bura'ne. Nakanamo Lea, “Nasareamma' pole Batara anne anaka lanri nalangngere'na angkana tena ningaia'.” Nampa naaremmo anjo anaka Simeon.

PANGNGEBARANG 13:24

Punna tanitunrunga anaka, battuanna tena nimangngai ri ia; punna ningai, musti barani taua antunrungi.

MATIUS 10:37

Inai-nai la'bi angkamaseangi anrong manggena naiNakke, tasiratangai amminawang ri Nakke. Kammaya todong, inai-nai la'bi angkamaseangi ana'-ana' bainena yareka ana'-ana' bura'nena naiNakke, tasiratanga tongi amminawang ri Nakke.

MARKUS 12:10

Tantu le'ba'mi nubaca anne aya' niaka ri Kittaka angkanaya, ‘Batu tenaya napakei tukang-tukang batua a'jarimi batu majarre'na bangunanga.

LUKAS 14:26

“Punna nia' tau battu mae ri Nakke, mingka la'bi nakamaseangi amma'na, manggena, bainenna, ana'-ana'na, sari'battanna ngaseng, yareka batangkalenna ba'lalo, takkulleai a'jari ana' gurungKu.

YOHANES 12:25

Inai-nai angkarimangngi katallassanna, iami latappela' katallassanna. Mingka inai-nai angkabirisi katallassanna ri anne linoa, iami angkarimangngi katallassanna, la'jari katallassang satunggu-tunggua sallang.

PAOLE 21:15

“Ebara' angkana nia' tau rua bainenna. Rua-ruai allassukang ana' bura'ne, mingka ana' lassu' rioloa teai ana' battu ri baine nakamaseanna anjo taua.