ROMA 8:8 - KITTA' MATANGKASA'

⁸ Inai-nai attallasa' mannuruki ri sipa'-sipa' ma'rupataua, anjo tau kammaya tanikarannuangai ri atinNa Allata'ala.

ROMA 8:8 ပူးပေါင်းရင်းမြစ်များ

MATIUS 3:17

Nampa nia' kalangngerang sa'ra battu rate ri langika angkana, “Iaminne AnakKu Kukamaseanga. Iami nakate'neang atingKu.”

YOHANES 3:3

Appialimi Isa Nakana, “Patappaki angkanaya, tenanniakka tau akkulle a'jari umma'Na Allata'ala, punna tena nanilassukang poleangi.”

YOHANES 8:29

Na Ia assuroa ri Nakke, niaki angngagangA'. Tenale'baKa' nabalang parekang Kale-kalengKu, nasaba' tuli Kugaukangi apa Nakate'neanga atinNa.”

ROMA 1:21

Naassengi rupataua Allata'ala, mingka taerokai rupataua ampakala'biriki salaku Allata'ala, siagang tena todong nappala' sukkuru' ri Ia. Ba'lalo apa-apa tenayaji matu-matunna nanawa-nawa rupataua; a'jari sassammi nawa-nawanna ke'nanga.

ROMA 7:5

Nasaba' katallassanta riolo, ero' batangkalenta bawang niturukiang. Anjo wattua ammumbai cinnata a'gau' dosa lanri nia'na anjo hukkung-hukkung agamaya angngatoroki kalenta. Iaminjo saba'na nanigaukammo panggaukang angngeranga mange ri kamateanga.

ROMA 8:9

Mingka ikau ngaseng teako mannuruki ri sipa'-sipa' rupataua lalang tallasa'nu. Punna mattantu RohNa Allata'ala angngatoroki kalennu, mattantu lamannurukiko ri RohNa Allata'ala lalang tallasa'nu. Inai-nai tena ri kalenna RohNa Almasi, anjo taua teai taunNa Almasi.

1 KORINTUS 7:32

Kukellaiko ta'lappasa' ngaseng battu ri kasusaanga. Tau tenaya bainenna akkullei napasse're pikkiranna mae ri apa-apa Nakaerokia Batara, sollanna akkulle napakasannang pa'mai'Na Batara.

FILIPI 4:18

Inakke le'ba'mi kutarima ngaseng – ba'lalo la'bimi ri gannaka! Sikamma anjo passare le'baka nukiring mae ri nakke, kutarima ngasemmi battu ri Epafroditus. Kamma-kamma anne nia' ngasemmi ri nakke apa kukaparalluanga. Anjo passarenu ngaseng, sanrapangi passare mabauka rasanna, battu ri koro'bang nipassareanga mae ri Allata'ala iamintu koro'bang nitarimaya siagang Nakarannuanga pa'mai'Na Allata'ala.

KOLOSE 1:10

Na lanri kammanami anjo nukkullemo attallasa' situru' ero'Na Allata'ala, siagang natuli nupakasannang pa'mai'Na; sa'genna ilalang ri apa-apa mamo, akkulleko appa'nia' wassele' apa-apa baji'. Kammayatompa katambang tommi pammahannu ri sesena Allata'ala.

KOLOSE 3:20

Ikau ana'-anaka! Nikellaiko musti tuli mannuruki salaku tu Karisteng mae ri anrong-manggenu, nasaba' kammayami anjo Nakarannuang pa'mai'Na Allata'ala.

1 TESALONIKA 4:1

Lanri kammana, sikamma sari'battangku, paralluko angngalle conto battu ri kambe, antekamma batenu musti attallasa' sollanna nupakasannang pa'mai'Na Allata'ala. Memang kamma-kamma anne sangkammami anjo katallassannu. Mingka kamma-kamma anne lalang koasaNa Batara Isa, napala' tojeng-tojengi ikambe siagang kisekeki ngasengko sollannu pila' appattujuang pole ilalang ri anjo passalaka!

IBRANI 13:16

Teako takkaluppai a'gau' baji' siagang situlung-tulung, nasaba' iaminne kammaya koro'bang-koro'bang ampakasannangai atinNa Allata'ala.

IBRANI 13:21

Poro Allata'ala, iamintu kabattuanna barakka' kasalewanganga ampassukku' ngasengko siagang sikontu apa-apa baji', nuparalluanga untu' anggaukangi ero'Na. Poro tete ri Isa Almasi, naNagaukang Allata'ala lalang ri kalenta apa Nakaerokia. Poro tuli nipuji-puji Almasi sa'genna satunggu-tungguna! Aming.

1 YOHANES 3:22

Siagang apa-apa mamo nipala' battu ri Ia, tena tanigappana, lanri mappilangngeriki' mae ri sikamma parentaNa, siagang nigaukangi apa Nangaia ri atinNa.