ROMA 8:5 - KITTA' MATANGKASA'

⁵ Inai-nai mannuruki mae ri sipa'-sipa' rupataua, tuli lananawa-nawai apa-apa nakaerokia sipa'-sipa' ma'rupataua. Mingka inai-nai attallasa' mannuruki ri RohNa Allata'ala, tuli lananawa-nawai anjo apa Nakaerokia RohNa Allata'ala.

ROMA 8:5 ပူးပေါင်းရင်းမြစ်များ

MARKUS 8:33

Mingka assailemi Isa naNaciniki ngaseng ana'-ana' gurunNa. Nampa Nakalarroi Petrus Nakana, “A'lampako anrinni setang! Pikkirannu, pikkirang rupatau; teai pikkiranNa Allata'ala!”

YOHANES 3:6

Battu ri lahere'na rupataua, tau toana allassukangi, mingka battu ri rohna rupataua, RohNa Allata'ala allassukangi.

ROMA 8:9

Mingka ikau ngaseng teako mannuruki ri sipa'-sipa' rupataua lalang tallasa'nu. Punna mattantu RohNa Allata'ala angngatoroki kalennu, mattantu lamannurukiko ri RohNa Allata'ala lalang tallasa'nu. Inai-nai tena ri kalenna RohNa Almasi, anjo taua teai taunNa Almasi.

1 KORINTUS 15:48

Sikamma rupataua ri anne linoa sangkammai Adam rioloa, iamintu butta assala'na; mingka sikamma tu surugaya sangkammai anjo battua ri suruga.

1 KORINTUS 2:14

Inai-nai tena nikoasai ri RohNa Allata'ala, takkulleai natarima anjo apa Napakasingaraka RohNa Allata'ala. Nasaba' a'jari sangkammaji kadongokang anjo passalaka mae ri anjo tau kammaya. Anjo tau kammaya takkulleai napahang anjo passalaka, nasaba' anjo passalaka takkulleai nipahang situru' apa-apa kacinikanga.

2 KORINTUS 10:3

Memang lalang ijaki' ri linoa attallasa', mingka teai lanri untu' anne linoa nabarjuang ikambe.

GALATIA 5:17

Nasaba' assisalai ero'na rupataua siagang ero'Na RohNa Allata'ala; kammayatompa assisalai ero'Na RohNa Allata'ala siagang ero'na rupataua. Assisala rua-ruai; jari takkulleako anggaukangi apa nukaerokia.

EFESUS 5:9

Nasaba' battu ri iaminjo singaraka ammumba sikontu gau' bajika siagang gau' annabaya ri dallekanNa Allata'ala.

2 PETRUS 2:10

la'biangang sikamma tau anturukiai kaerokang kalenna sannaka ra'masa'na siagang anghinayai kakoasanNa Allata'ala. Antekamma baranina siagang tampona anjo guru-guru takontutojenga, sa'genna manna apa attallasa' mala'birika ri suruga tamangngalika tongi ke'nanga anghinai!