ROMA 8:36 - KITTA' MATANGKASA'

³⁶ Nia' tattulisi' lalang ri Kittaka kana kammaya anne: “Sikabusu'na alloa niaki lalang ri bahaya kamateanga ikambe passabakkang Ikau. Nipare' sangkamma maki' gimbala' eroka nisamballe.”

ROMA 8:36 ပူးပေါင်းရင်းမြစ်များ

PAMMUJI 141:7

Lanipasiaraki buku-bukunta ri sa'rinna kuburuka sanrapang batu niancuruka naung ri buttaya.

PAMMUJI 44:11

Kibalang parekangi ikambe lari battu ri musunna ikambe, nampa narampasa' ke'nanga pa'barang-baranganna ikambe.

PAMMUJI 44:22

mattantu laNaassengi Allata'ala, saba' Naassengi rahasiana atinna ikambe.

YESAYA 53:7

Ia nigau' nikapallakki, mingka sa'baraki ampisa'ringi. Tamakkana-kanayai rapang ana' gimbala' nieranga mange ri pammolongang yareka anrong gimbala' nicukkuruka bulunna.

YEREMIA 11:19

Rapanga' gimbala' tenaya ranggaselana nierang mange ri pamolonganga. Takuassengai angkanaya inakke nataba rancana ja'dala'na ke'nanga. Nakana ke'nanga, “Umba nanita'bangi anne poko' kayua lalang akkullena ija a'rappo; nipanraki sollanna nikaluppaimo arenna ri taua.”

YEREMIA 12:3

Mingka iKatte, o Batara, Kiassenga'. Kiciniki apa kugaukanga, siagang Kiassengi antekamma pa'maikku mae ri Katte. Kiembai anjo sikamma tau ja'dalaka assulu', erangi ke'nanga rapang gimbala' mange ri pamolonganga. Kijagai ke'nanga sa'genna narapi' wattunna nipolong ke'nanga.

YEREMIA 51:40

LaKuerangi ke'nanga untu' nisamballe rapang ana' gimbala', bembe, siagang gimbala' laki. INakke, Batara, anne a'bicara.”

YOHANES 16:2

Lanipasulukko sallang battu ri balla' sambayanga. Nalanarapiki sallang wattunna nania' tau nakana kalenna a'gau' amala' ri Allata'ala punna nabunoko.

LAMPA-LAMPANA 20:24

Mingka takujampangiai anne tallasakku, assala' akkulle mamo kupa'le'ba' anjo tugasa' Napassareanga Batara Isa mae ri nakke; kammayatompa assala' akkullea' jarre' sa'genna kala'busang tallasakku ampa'la'bangi Kabara' Bajika, iamintu ri passala'na pangngamaseanNa Allata'ala.

LAMPA-LAMPANA 8:32

Iaminne anjo aya'-aya' nabacaya ri Kittaka, “Sanrapangi gimbala' nieranga lamange nisamballe, sanrapangi ana' gimbala' tenaya nassa'ra punna nigoncingi bulunna, kamma tomminjo tamakkana-kanana.

1 KORINTUS 15:30

Siagang apa tommi matu-matunna ikambe tuli ero' andallekangi bahayaya?

1 KORINTUS 15:31

Sikamma sari'battangku ngaseng! Allo-allona kuparrangi nikanaya sessa lanri lompona pa'maikku mae ri katallassannu ngaseng, lanri tappa' mako mae ri Isa Almasi, Batarata.

1 KORINTUS 4:9

Nasaba' turu' panggappaku, ikambe tunisuroNa Allata'ala, le'ba' maki' Napare' paccini'-cinikang Allata'ala ri dallekanna rupataua siagang malaekaka. Ikambe sangkamma maki' tau tuna le'baka nihukkung mate ri dallekanna tau jaia siagang nigora-gorai ri bonena linoa.

2 KORINTUS 1:9

sanrapang mamaki' tau le'bakamo nitappuki lanihukkung mate. Mingka nania' anjo kajariang kammaya lanri nikellaina ikambe tanjeng mae ri Allata'ala, akkullea ampattallasaki tau matea; jari tena nakitanjeng mae ri batangkalenta.

2 KORINTUS 11:23

PalayanNai Almasi ke'nanga? Kammama' kapang nilangngere' tau kala'busang akkala'; mingka inakke palayang memanga', iamintu palayang bajikanganga na yangasenna anjo ke'nanga! Inakke terassangangi bateku anjama. A'mole-moleanganga' nipantama' ri tarungkua. Jaiangangi passessa kukasia' siagang a'mole-molema' sike'de' mate.

2 KORINTUS 6:9

Nikanamo tau tena angngassengki', mingka niasseng ngasengki' ri tau jaia. Nikana mate maki', mingka ma'nassa attallasa' ijaki'. Manna kinisessa, mingka tamateajaki'.

FILIPI 3:10

Se're-se'reji bawang kukaerokia, iamintu: sollanna akkulle kuasseng Almasi, siagang akkulle kukasia' todong kakoasang le'baka ampabangungi ammotere' battu ri kamateanga. Ero' tonga' amminawang angkasiaki pa'risika siagang Ia, siagang amminawang todong sangkamma Ia ilalang ri kamateanNa.