ROMA 8:31 - KITTA' MATANGKASA'

³¹ Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

ROMA 8:31 ပူးပေါင်းရင်းမြစ်များ

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

1 KARAENG-KARAENG 8:57

Poro Narurungangki' Karaeng Allata'alata, sangkamma NarurunganNa boe-boeta. Poro tena lalo naNabokoiki'.

2 KARAENG-KARAENG 6:16

Appialimi Elisa angkana, “Teako mallakki. Ia niaka angngagangki' la'bi jaiangngangi naanjo ke'nanga.”

1 PATTOTTORANG 19:15

Nacini'na tu Amon angkanaya larimi tantarana Siria, lari tommi ke'nanga ambokoi Abisai nampa ammunduru' antama' ri kotaya. Le'baki nabunduki Yoab tu Amon, ammotere'mi ri Yerusalem.

PAMMUJI 118:6

Tena kumalla' lanri Narurunganga' Batara, tena pakkullena rupataua mae ri nakke.

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

PAMMUJI 46:7

A'gunturu'mi Allata'ala, na ancuru' taba sikali linoa; gegere'mi bansa-bansaya, runtummi sikamma karaenga.

PAMMUJI 56:11

Mammujia' mae ri Karaeng Allata'ala, lanri apa le'baka Napa'janjiang.

PAMMUJI 56:4

Ri wattungku malla', manrannuanga' ri Katte.

PAMMUJI 56:9

Kibilang-bilangi allo-allo pa'la'bakkangku, na Kiasseng siapa jaina je'ne' matangku; tenaka naKibilangi anjo?

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

YESAYA 8:10

Apparekko rancana, mingka tena nia' anjari. Angngalle mako kaputusang, mingka tena matu-matunna, saba' ikambe Narurungangki' Allata'alana ikambe.

YEREMIA 20:11

Mingka iKatte, o Batara, niakKi' angngentenganga'; iKatte tamaka gassinTa na Kikassa'. Anjo ke'nanga angngondangia' siagang anjallakkangia' latu'guruki natena pakkullena. Lasiri'-siriki ke'nanga satunggu-tungguna, salasai sikontu rancanana ke'nanga. Anjo tunana ke'nanga latuli niu'rangi.

YEREMIA 42:11

Teako mallakki mae ri anjo karaeng Babel. NiakKa' ri tangnga-tangnganu untu' antulungko siagang allappassangko battu ri kakoasanna.

PAMMILANGNGANG 14:9

Teako angngewai mae ri Batara, siagang teako mallakki mae ri tau niaka ammantang anjoreng ri pa'rasanganga, nasaba' gampang sikali lanibeta. Anjo alla'langiai ke'nanga a'lampami ambokoi ke'nanga, siagang Batara anrurungangki'. Jari teako mallakki.”

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

ROMA 3:5

Mingka punna pila' a'nyatamo kaadelanNa Allata'ala, lanri nigaukanna apa-apa tenaya nannaba, apami lanikana? Angkanaya tena Naadele' Allata'ala punna Nahukkungki'? (Memang siratangi anne pakkuta'nang kammaya situru' pikkirang linota.)

ROMA 4:1

Jari punna kamma, apa lanikana ri passala'na Abraham, boena bansata? Antekamma pangalamanna?

PAOLE 33:29

E, Israel, tamaka lompona upa'nu, tena bansa maraeng nipasalama' sangkamma ikau. Batara rapang sele'nu siagang pa'dannu, Naalleangangko siagang Nasareko pammetang. Labattui musunnu appala' a'mase-mase, nalanuonjo'-onjokang ke'nanga.”

YOSUA 10:42

Lalang sikali bawang pa'bundukang na nabeta ngaseng Yosua sikamma anjo karaenga siagang naalle daera-daera kakoasanna ke'nanga, lanri Batara, Allata'alana Israel a'bundu' untu' tu Israel.

1 YOHANES 4:4

Mingka sikamma ana'-anakku, ikau tau battu ngasengko ri Allata'ala assala'nu. Le'ba'mi nubeta na'bi-na'bi balle-ballea, nasaba' Roh niaka ri kau la'bi makoasangangi na roh niaka ri taunna ngaseng anne linoa.

1 SAMUEL 14:6

Nakanamo Yonatan ri anjo turungkaya, “Umba kimange ri balla' jagana anjo tu Filistin kapereka. Gassingka ero'ji Batara antulungki'. Nasaba' akkullei Nasare Batara pammetang taua, baji' napunna jai tau kammayatompa lalang sike'de'na tau.”