ROMA 8:22 - KITTA' MATANGKASA'

²² Niassengi angkanaya sa'genna kamma-kamma anne akkunrareng ngasengi sikontu linoa napakamma sessa, sanrapang sessana sitaua baine punna lammana'.

ROMA 8:22 ပူးပေါင်းရင်းမြစ်များ

PAMMUJI 48:6

Mingka nacini'na anjo buluka, lannasa'mi ke'nanga; gegere'mi ke'nanga nampa lari a'lingu-lingu.

YEREMIA 12:11

Ba, Kucini' ngasengi ke'nanga ampa'jari tampa' sinoi pa'rasangangKu, appakapacce pa'mai'. Ta'ronang ngasemmi, tenamo amparhatikangi.

YEREMIA 12:4

Siapapi sallona kalotoro' anne pa'rasanganga, siagang kalumeng rukuka ri tunggala' kokoa? Matemi jangang-janganga siagang olo'-olo' maraengannaya lanri kaja'dallanna bansana ikambe. Nakana ke'nanga, angkanaya talakucinikai sarenna ke'nanga.”

MARKUS 16:15

Nakanamo Isa ri ke'nanga, “A'lampamako mange ri sikontu linoa, siagang pa'la'bammi Kabara' Baji' battua ri Allata'ala, mange ri sikontu rupataua.

YOHANES 16:21

Punna nia' sitau baine la'biring ammana', lasusai, nasaba' narapi'mi wattunna lasessa. Mingka kamma lassu'na ana'na, nakaluppaimi pa'risi'na anjo bainea napakamma rannu, lanri lassu'namo anjo ana'na antama' ri lino.

ROMA 8:20

Nasaba' niboli'mi a'jari jappo' linoa, teai lanri ero'na linoa, passangalinna lanri niboli'na kamma ri Allata'ala. Mingka manna nakamma nia'ija panrannuang:

KOLOSE 1:23

Mingka tantu musti tuli majarrekko tappa' siagang ammenteng kassa' ri katappakkannu. Gassingka nulappassangi anjo panrannuang le'baka nisareangko ri wattunna nutarima anjo Kabara' Baji' battua ri Allata'ala. Anjo kabaraka le'ba'mi nibirittakang mae ri sikontu taua ri lino. Na untu' iatommi anjo nainakke anne, iamintu Paulus, ku'jari palayang.

PAPPICINI' 12:2

Anjo bainea sitabangi tianang, siagang lanri narapi'mi wattunna lammana', ammarrang-marrammi napakamma pa'risi'.