ROMA 8:20 - KITTA' MATANGKASA'

²⁰ Nasaba' niboli'mi a'jari jappo' linoa, teai lanri ero'na linoa, passangalinna lanri niboli'na kamma ri Allata'ala. Mingka manna nakamma nia'ija panrannuang:

ROMA 8:20 ပူးပေါင်းရင်းမြစ်များ

PA'JARIANG 5:29

Nakanamo Lamekh, “Anne anaka lanasareki' karingangngang ri wattunta anjama terasa' anjamai butta le'baka Natunrai Batara.” Lanri kammana naaremmi Lamekh anjo anaka Nuh.

PA'JARIANG 6:13

Nakanamo Allata'ala ri Nuh, “Le'ba'mi Kupattantu angkana laKubuno ngasengi sikontu apa-apa attallasaka. LaKuancuru' ngasengi ke'nanga siagang apa niaka lalang lino, nasaba' anne linoa rassimi panggaukang palla' nagaukanga ke'nanga.

PAMMUJI 39:5

“O, Batara, Kipauanga' ringngapanna wattu a'jalakku sollanna kuasseng antekamma bodona tallasakku.”

KATO'BA 1:2

Nakana anjo lapung Tau Assarea Pangngajarang: Yangasenna poro sia-sia siagang tena matu-matunna! Tena bua'-bua'na anjo tallasaka, tena ngaseng anggaranna.

YEREMIA 12:11

Ba, Kucini' ngasengi ke'nanga ampa'jari tampa' sinoi pa'rasangangKu, appakapacce pa'mai'. Ta'ronang ngasemmi, tenamo amparhatikangi.

YEREMIA 12:4

Siapapi sallona kalotoro' anne pa'rasanganga, siagang kalumeng rukuka ri tunggala' kokoa? Matemi jangang-janganga siagang olo'-olo' maraengannaya lanri kaja'dallanna bansana ikambe. Nakana ke'nanga, angkanaya talakucinikai sarenna ke'nanga.”

HOSEA 4:3

Lanri kammana anjo anne pa'rasanganga la'jari kalotoroki, siagang sikontu apa attallasaka anjoreng lamate kabusuki. Sikontu rupanna olo'-olo' niaka ri allaka, ri buttaya siagang ri tamparanga lapanra' kabusuki.”

YO"EL 1:18

Angngoe'mi olo'-oloka na lussa'; tenamo parang pangnganreanna. Sikamma gimbalaka ta'ronang tommi.

ROMA 8:22

Niassengi angkanaya sa'genna kamma-kamma anne akkunrareng ngasengi sikontu linoa napakamma sessa, sanrapang sessana sitaua baine punna lammana'.

ROMA 8:24

Nasaba' lanri pa'minasata, nakinipasalama'. Mingka punna nigappa memammi anjo apa niminasaia, anjo teaimi pa'minasa arenna. Nasaba' inaika amminasai apa nagappayamo?