ROMA 8:1 - KITTA' MATANGKASA'

¹ Kamma-kamma anne tenamo hukkungang lantabai tau assileokamo katallassanna siagang Isa Almasi.

ROMA 8:1 ပူးပေါင်းရင်းမြစ်များ

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

YEHEZKIEL 18:9

Nagaukangi parentaKu siagang naturuki hukkung-hukkungKu. Tau kammayami anjo nikana tau lambusu' siagang latuli attallasa'. INakke, Batara Kaminang Tinggia anne akkana.

YOHANES 14:20

Punna narapi'mo wattunna anjo alloa, lanuassemmi angkanaya iNakke asse'reA' siagang Manggea, ikau ngaseng asse'reko siagang iNakke, na Kuasse're siagang ikau ngaseng.

YOHANES 15:4

Tuli asse're mako mae ri Nakke, naKutuli asse're todong siagang ikau ngaseng. Takkulleai appasulu' rappo tangke-tangkea, punna tena natuli asse're mae ri poko'na. Kamma ngaseng tommako anjo; iapa nukkulle a'rappo, punna tuli asse'reko siagang iNakke.

YOHANES 5:24

Ma'nassa kontutojengi anne kana-kanangKu: Inai-nai amparhatikangi kana-kanangKu, siagang tappaki mae ri Ia assuroA' battu, ma'nassa nagappami katallassang mannannunganga. Tenamo nalanihukkung; ta'lappasa'mi battu ri kamateanga nanagappa katallassanga.

ROMA 16:3

Pabattuanga' sallangku mae ri Priskila siagang Akwila, le'baka kuagang anjama untu' Isa Almasi.

ROMA 16:7

Pabattu tongi sallangku mae ri Andronikus siagang Yunias. Anjo ke'nanga a'julu pa'rasangangi siagang a'julu bansai siagang inakke, kammayatompa le'baki ke'nanga nitarungku siagang inakke. Ri tenanapa kutappa' mae ri Almasi, rioloangammi ke'nanga tappa'. Masahoroki ke'nanga mae ri sikamma tunisuroNa Allata'ala.

ROMA 5:1

Kamma-kamma anne assibajiki maki' ammotere' siagang Allata'ala, lanri tappa' maki' mae ri Ia. Siagang lanri kammana, attallasa' maki' lalang kasiamakkanga siagang Allata'ala, tete ri Batarata Isa Almasi.

ROMA 5:16

Bella todong lompona hadiaNa Allata'ala punna nipasiukkuruki siagang dosana anjo se'rea tau. Nasaba' ri wattunna dorakamo anjo se'rea tau, nitappukimi angkanaya, “salai.” Mingka ri wattunna jaimo tau doraka, battumi hadiaNa Allata'ala angkanaya, “Tena nasala.”

ROMA 7:17

Jari sikontutojenna teaimi kalengku anggaukangi sikammaya anjo, passangalinna iaminjo dosaya, makoasaya ri kalengku.

ROMA 7:20

Punna kugaukang apa-apa takukaerokia, sikontutojenna teai inakke anggaukangi sikammaya anjo, passangalinna dosa makoasaya lalang ri kalengku anggaukangi.

ROMA 8:11

Punna niaki lalang ri kalennu RohNa Allata'ala, iamintu Roh ampattallasa' poleangai Almasi battu ri kamateanga, Ia tomminjo RohNa lampattallasaki tubunu akkullea mate.

ROMA 8:14

Inai-nai nirurungang ri RohNa Allata'ala, iami ana'-ana'Na Allata'ala.

ROMA 8:2

Nasaba' hukkung battua ri RohNa Allata'ala ampasileoki katallassanta siagang Isa Almasi; Iami allappassangki' battu ri hukkung angngerangaki' mae ri dosaya siagang kamateanga.

ROMA 8:34

Maka lania' tau ampasalaki'? KalenNa Isa Almasi sallang angngalle-ngalleangki'. KalenNami le'ba' mate, kammayatompa KalenNami le'ba' nipattallasa' poleang ammotere' battu ri kamateanga siagang nia'mi ri sa'rinNa Allata'ala iamintu ri tampa' makoasaya.

ROMA 8:39

baji' naapa-apa niaka ri langika yareka naapa-apa niaka ri buttaya, yareka apa-apa mamo maraengannaya, yangasenna anjo takkulleai ampisangkai Allata'ala angkamaseangki', sangkamma le'bakamo Napappicinikang lalang ri KalenNa Isa Almasi, Batarata.

ROMA 8:4

Kammaminjo Nagaukang Allata'ala, sollanna akkulle nigaukang anjo apa-apa Nakaerokia lalang ri hukkung-hukkung agama Yahudia, lalang ri batangkalenta ikatte tau mannurukia mae ri RohNa Allata'ala, jari teai mannurukia mae ri sipa'-sipa' ma'rupatauta.

ROMA 8:9

Mingka ikau ngaseng teako mannuruki ri sipa'-sipa' rupataua lalang tallasa'nu. Punna mattantu RohNa Allata'ala angngatoroki kalennu, mattantu lamannurukiko ri RohNa Allata'ala lalang tallasa'nu. Inai-nai tena ri kalenna RohNa Almasi, anjo taua teai taunNa Almasi.

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

1 KORINTUS 15:22

Sikontu rupataua lamate ngasengi lanri a'jari se'rena golongang siagang Adam, kamma tomminjo sikontu rupataua lanipattallasa' ngasengi ammotere' lanri a'jari se'rena golongang siagang Almasi.

2 KORINTUS 12:2

Nia' kuasseng se're tu Karisteng sampulo angngappa' taung allaloa, niangkaka nai' ri lonjo' kaminang tinggina surugaya. (Takuassengai angkanaya maka tubuna tojeng-tojeng niangka' nai' ri suruga yareka paccinikkuji bawang. Allata'alaji bawang angngassengi.)

2 KORINTUS 5:17

Inai-nai ampakase'remi kalenna mae ri KalenNa Almasi, a'jarimi tau le'ba' niberui taba sikali tallasa'na. Tenami apa-apa salloa ri kalenna, lanri le'ba' ngasemmi niberui.

GALATIA 3:13

Mingka le'ba' maki' Napakabella Almasi battu ri pangngalarroiNa Allata'ala lanri hukkung-hukkung agamaya. Napassareammi KalenNa nituju ri pangngalarroia passabakkang ikatte. Nasaba' nia' tattulisi' lalang ri Kittaka angkanaya, “Cilakami tau mate nigentunga irate ri kayu sallika.”

GALATIA 3:26

Lanri tappa' mako mae ri Isa Almasi, a'jari se'remi tallasa'nu mae ri Ia; na lanri kammana, a'jari mako ana'-ana'Na Allata'ala.

GALATIA 3:28

Lalang ri kammana anjo tenamo nanipasimmaraengi tu Yahudia siagang bansa-bansa maraenga, yareka ataya siagang tau bebasaka, yareka tu bura'nea na tu bainea. A'jari se're ngaseng mako lanri Isa Almasi.

GALATIA 5:16

Kamma anne natabaya kanangku: Boli'mi kamma naNarurungangko RohNa Allata'ala; siagang teako turukiangi ero'na sipa'-sipa' rupataunu.

GALATIA 5:25

Nasare maki' RohNa Allata'ala katallassang beru; jari musti Ia tommi angkoasai sikontu katallassanta.

EFESUS 1:1

Natarimai umma'Na Allata'ala ri Efesus, majarreka tappa'na mae ri Isa Almasi.

FILIPI 3:9

siagang nakuakkulle asse're tojeng-tojeng siagang Ia. Teaimi kalengku angngusahai passisambungang bajikku siagang Allata'ala, iamintu lanri kuturukinna hukkung agamaya. Kamma-kamma anne a'jari baji'mi passisambungangku siagang Allata'ala, lanri tappaka' mae ri Almasi. Jari battu ri KalenNa Allata'ala anjo passisambungang bajika, siagang lanri katappakkang mae ri Isa Almasi.