ROMA 7:12 - KITTA' MATANGKASA'

¹² Anjo hukkung-hukkung agamaya battu ri Allata'ala assala'na, siagang sikamma anjo apa nipassuroanga lalang ri hukkung agamaya, battu ri Allata'ala assala'na, jari adeleki siagang bajiki.

ROMA 7:12 ပူးပေါင်းရင်းမြစ်များ

NEHEMIA 9:13

Kipaturung battu ri langi' mae ri tompo'na Moncong Sinai, Kinampa a'bicara siagang umma' kalenTa. Kisarei hukkung, atorang siagang parenta adeleka, tojenga siagang a'matu-matua.

PAMMUJI 119:127

Kungai sikamma parentaTa la'biangngang na bulaeng, la'biangngang na bulaeng ti'noka.

PAMMUJI 119:137

IKatte adelekKi', o Batara, sikontu hukkunTa annaba sikali.

PAMMUJI 119:140

Majarreki janjinTa nakkulle nipatappa', sanna' kungaina.

PAMMUJI 119:172

Erokka' akkelong ri passala'na janjinTa, saba' sikontu parentaTa adeleki.

PAMMUJI 119:38

Kipakajarreki janjinTa mae ri anne atanTa, Kipassareanga mae ri tau mannurukia mae ri Katte.

PAMMUJI 119:86

Sikontu hukkunTa akkullei nirannuang, Kitulung laloa', saba' niondanga' natena passabakkanna.

ROMA 12:2

Teako amminawangngi ri atorang-atoranna anne linoa. Boli'mi kamma na Allata'ala ampa'jari berui sipa'-sipa' niaka ri kalennu, sollannu akkulle tappinra. Lanri kammanapi anjo nampa akkulle nuasseng apa Nakaerokanga Allata'ala – iamintu apa nikanaya baji', siagang sukkuka ganna'na, kammayatompa nikarannuanga ri atinNa Allata'ala.

ROMA 3:31

Jari punna tappa' maki' mae ri Isa Almasi, maka lanipela'mi anjo hukkung-hukkung agama Yahudia? Tena sikalia! Ba'lalo, lanri lalang matappattamo, naparallumo nikatutui anjo hukkung-hukkunga.

ROMA 7:14

Niassemmi angkanaya anjo hukkung-hukkung agama Yahudia battu ri Allata'ala assala'na; mingka inakke anne lammai batangkalengku. Le'ba'ma' nibalukang untu' a'jari ata mae ri dosa-dosaya.

ROMA 7:16

Jari, punna ia anjo apa-apa sisalaya siagang erokku kugaukang, battuanna kumangakuimi angkanaya annabai anjo hukkung-hukkung agama Yahudia.

PAOLE 10:12

“Kamma-kamma anne sari'battangku ngaseng, parhatikang lalomi apa Natuntuka Karaeng Allata'alanu battu ri kau, angkanaya: Pakala'biriki Karaeng Allata'alanu siagang gaukang laloi sikontu Naparentakanga. Mangngamaseangko mae ri Ia, siagang gaukang laloi ibadanu mae ri Ia ilalang sikontu batangkalennu siagang nyawanu.

PAOLE 4:8

Bansa lompo kereanga nia' hukkung-hukkung adele' kammaya, sangkamma hukkung-hukkung kupangngajarranga mae ri kau ngaseng anne alloa?

1 TIMOTIUS 1:8

Niassengi angkanaya bajiki anjo hukkung-hukkung agamaya, punna nipake ri sitojennaya.