ROMA 7:11 - KITTA' MATANGKASA'

¹¹ Nasaba' ilalammi ri anjo hukkung-hukkung agamaya angngalle kasampatang anjo dosaya antipua' siagang ambunoa'.

ROMA 7:11 ပူးပေါင်းရင်းမြစ်များ

PA'JARIANG 3:13

Akkuta'nammi Karaeng Allata'ala ri anjo bainea angkana, “Angngapa nugaukangi anjo kammaya?” Appialimi angkana, “Nitipua' ri ularaka, sa'genna kukanre anjo rappoa.”

YESAYA 44:20

Anjo panggaukang kammaya sangkamma le'baki tau angnganrea au. Anjo taua nipa'lingui ri pikkirang dongo'na, sa'genna takkulleami nitulung. Takkulleami mangaku angkanaya anjo patung niaka ri limanna poro pannipu bawang.

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

YEREMIA 49:16

Lanitipuko ri katampoannu. Tena lamalla' ri kau kamma nukapanga. Ammantangko ri alla'-alla'na batua, bella ri coppo'na monconga. Mingka, manna pole nupare' balla'nu ri tampa' tinggi dudua, sangkamma tinggina ru'munna jangang-jangang rajawalia, mingka laNapanaungko Batara battu anjoreng. Batara ampaui yangasenna anjo.”

OBAJA 1:3

Nitipuko ri atinnu tampoa. Ibukotanu iamintu moncong batu makassa'; tampa' pammantangannu iratei ri coppo'na moncong tinggia. Lanri kammana anjo nakanamo pikkirannu, ‘Inai todong lakkulle antu'gurangki'?’

ROMA 3:20

Nasaba' tena manna sitau akkulle assibajiki siagang Allata'ala lanri nagaukanna apa-apa niaka tattulisi' lalang ri hukkung-hukkung agamaya. Ba'lalo anjo hukkung-hukkunga poro napappiassenganji bawang mae ri rupataua angkanaya ma'nassa dorakai rupataua.

ROMA 7:13

Jari punna kamma, maka anjo apa bajika angngerangi kamateang mae ri kalengku? Tantu tena! Mingka anjo dosaya angngerangi anjo kamateanga. Nipakei anjo kabajikanga ri dosaya angngerang kamateang mae ri kalengku, sollanna a'nassa nicini' sipa'-sipa'na anjo dosaya. Battu ilalammi ri apa-apa Napassuroanga Allata'ala, a'butti ma'nassa antekamma ja'dala'na anjo dosaya.

ROMA 7:8

Battu ri iaminjo hukkung-hukkung agamaya nanggappamo kasampatang dosaya ampamumbai a'rupa-rupaya kangoang lalang ri atingku; nasaba' ka'de' tena anjo hukkung-hukkung agamaya, ma'nassa mate tommi dosaya.

EFESUS 4:22

Lanri kammana, pela'mi anjo sipa'-sipa' rupatau allalonu, nipanrakia ri kaerokang appa'lingu-lingua.

IBRANI 3:13

Jari sollanna tena manna sitau ri tangnga-tangnganu nitipu ri dosaya sa'genna tamappilangngeria ri Allata'ala, paralluko allo-allonu sipakainga' ilalang attallasatta ija ri anjo jammang napakkanaia Kittaka “Anne Jammanga”.

YAKOBUS 1:22

Parallui nugaukang apa-apa Napaua Allata'ala; teako poro nullangngere'naja bawang, sa'genna sangkammami nuballe-ballei kalennu.

YAKOBUS 1:26

Punna nia' tau nakana kalenna tutu ri agamaya, mingka tena nakatutui lilana, anjo taua naballe-balleimi kalenna; tenamo matu-matunna sambayanna.