ROMA 6:5 - KITTA' MATANGKASA'

⁵ Punna assileo' maki' siagang Isa Almasi lanri sikamateanta lalang ri KalenNa, kamma tomminjo lanipasileo' tommaki' attallasa' poleang ammotere' battu ri kamateanga sangkamma Ia.

ROMA 6:5 ပူးပေါင်းရင်းမြစ်များ

PAMMUJI 92:13

Tau lambusuka accu'laki sanrapang poko' koro'ma, coppong timbona sanrapang poko' camara Libanon.

YESAYA 5:2

Nabingkungi buttana, na napela' batu-batunna. Nalamungi anggoro' nipile nambangung balla' tinggi pa'jagang. Angngekei se're kali'bong tampa' pammaccokang anggoro'na, nampa attayang rappo ti'noka, mingka kacci wassele' rappo anggoro'na.

YEREMIA 2:21

Kulamungko rapang poko' anggoro' Kupilea battu ri lamungang bajika. Mingka kamma-kamma anne amminra mako, a'jari lamung-lamung liara' siagang tenaya matu-matunna.

MATIUS 15:13

Appialimi Isa angkana, “Sikamma lamung-lamung tenaya Nalamungi Manggeku ri suruga lanibi'buki.

YOHANES 12:24

Annaba tojeng-tojengi anne kanangKu: Punna tanilamunga silisereka gandung antama' ri buttaya nampa mate, tuli lammantanna a'jari silisere' anjo gandunga. Mingka punna mate anjo lisere' gandunga, nampami akkulle assare wassele' a'jari jaiangang gandung.

2 KORINTUS 4:10

Tuli niaki nikasia' kamateanNa Isa ri kalenna ikambe. Sollanna a'nyata todong katallassanNa ri tubuna ikambe.

KOLOSE 2:12

Nasaba' ri wattunnu nije'ne', iaminjo a'jari pammatei angkanaya nitarawang mako siagang Almasi; siagang iatommi anjo pa'je'neka a'jari pammatei angkanaya nibangung poleang todong mako battu ri kamateanga siagang Almasi, lanri tappa'nu ri koasaNa Allata'ala, ampabangung poleangai Almasi battu ri kamateanga.

KOLOSE 3:1

Nipabangung poleang mako ammotere' battu ri kamateanga siagang Almasi. Lanri kammana, musti usaha mako untu' anggappai apa-apa niaka ri suruga; iamintu ri tampa'Na Almasi, ammarenta siagang Allata'ala.