ROMA 6:4 - KITTA' MATANGKASA'

⁴ Iaminjo nije'netta a'jari pammatei angkanaya sikamateang maki' Isa Almasi, siagang nipasitarawang maki' siagang KalenNa; sollanna, antekamma batena attallasa' poleang ammotere' Isa Almasi lanri koasa mala'biri'Na Allata'ala Manggea, kamma tomminjo akkullei nigappa katallassang berua.

ROMA 6:4 ပူးပေါင်းရင်းမြစ်များ

YOHANES 11:40

Nakanamo Isa ri Marta, “Sai le'ba' mako Kupauang angkanaya: Punna tappakko, lanuciniki antekamma lompona koasaNa Allata'ala!”

YOHANES 2:11

Iaminjo uru-uru gau' appakalannasaka Nagaukang Isa. Anjoreng ri kota Kana, ri pa'rasangang Galilea nigaukang anjo gauka. Lanri iaminjo pammateia naNapappicinikammo kalompoanNa. Tappa' ngasemmi ana'-ana' gurunNa ri Ia.

LAMPA-LAMPANA 2:24

Mingka nipattallasa' poleangi ri Allata'ala battu ri alla'na tau matea. Nia'luki ri kamateanga, mingka nilappassangi ri Allata'ala, lanri tena olona lakkulle tuli lanikoasai ri kamateanga.

LAMPA-LAMPANA 2:32

Iaminne Isa nipattallasa' poleanga ri Allata'ala battu ri kamateanga. Ikambe minne le'ba' anciniki anjo apa kajarianga.

ROMA 6:19

Nasaba' sukkara' sikali nupahang, ammakema' pangngebarang mae ri nikanaya a'jari ata sollanna gampang nupahang. Riolo nupassareangi sikontu batangkalennu a'jari ata mae ri apa-apa ra'masaka siagang panggaukang ja'dalaka untu' kaja'dallanga. Kamma tomminjo ri kamma-kammaya anne, musti nupassareangi sikontu batangkalennu a'jari ata mae ri ero'Na Allata'ala, untu' anggaukangi ero'Na bawang Allata'ala.

ROMA 6:3

Maka nuasseng ngasenji sari'battang, angkanaya ri wattunta nije'ne' nipasileo'mi tallasatta siagang Isa Almasi? Anjo battuanna angkanaya nipasileo' maki' siagang kamateanNa Isa Almasi.

ROMA 6:8

Punna le'ba' maki' sikamateang siagang Isa Almasi, tappa' maki' angkanaya lasikatallassang tommaki' ammotere' lalang ri KalenNa Isa.

ROMA 6:9

Nasaba' niassemmi angkanaya le'ba'mi nipattallasa' poleang ammotere' Almasi battu ri kamateanga siagang talamateami pole ribokoanganna; tenamo nakkulle nikoasai KalenNa ri kamateanga.

ROMA 7:6

Mingka kamma-kamma anne ta'lappasa' maki' battu ri hukkung-hukkung agama Yahudia. Sanrapang mate maki' mae ri hukkung-hukkung makoasaya riolo mae ri batangkalenta. Tenamo nasangkamma riolo bateta anynyomba mae ri hukkunga, iamintu anynyomba situru' hukkung-hukkung tattulisika. Passangalinna kamma-kamma anne niberuimi bateta anynyomba, iamintu situru' apa Napangngajarranga RohNa Allata'ala mae ri katte.

ROMA 8:11

Punna niaki lalang ri kalennu RohNa Allata'ala, iamintu Roh ampattallasa' poleangai Almasi battu ri kamateanga, Ia tomminjo RohNa lampattallasaki tubunu akkullea mate.

1 KORINTUS 6:14

Le'ba'mi nipattallasa' poleang ammotere' Isa Almasi ri Allata'ala battu ri kamateanga; kammatommi anjo, laNapattallasa' poleang maki' ammotere' Allata'ala lanri kakoasanNa.

2 KORINTUS 13:4

Memang, ri wattunna nisalli' lammai; mingka kamma-kamma anne attallasa' poleammi lanri kakoasanNa Allata'ala. Ikambe tulamma tonjaki' lalang assileo'na katallassanta siagang Almasi; mingka punna sidallekangki' siagang ikau ngaseng, a'jari majarre' tommaki' lanri koasaNa Allata'ala.

2 KORINTUS 5:17

Inai-nai ampakase'remi kalenna mae ri KalenNa Almasi, a'jarimi tau le'ba' niberui taba sikali tallasa'na. Tenami apa-apa salloa ri kalenna, lanri le'ba' ngasemmi niberui.

EFESUS 4:17

Lanri kammana, nasaba' arenNa Batara, iaminne lakupaua siagang lakupattantua: tea' mako attallasa' sangkammai pole tau tenayapa natappa' ri Allata'ala, siagang tau tenaya nannaba-naba pikkiranna.

EFESUS 5:8

Ikau riolo niakko lalang ri sassanga. Kamma-kamma anne a'jari mako umma'Na Batara; jari nia' mako lalang ri singaraka. Lanri kammana, musti attallasakko lalang singaraka.

KOLOSE 3:10

Kamma-kamma anne le'ba' mako nisare katallassang beru. Ikau a'jari tau beru mako, tulusu' niberuia ri Mappa'jaria, iamintu Allata'ala, situru' rupa KalenNa. Pattujunna iamintu sollanna pila' sukku' nuassenna Allata'ala.

KOLOSE 4:1

Ikau ngaseng a'jari pinggawaya! Paralluko a'gau' tojeng siagang adele' mae ri palayang-palayannu. U'rangi angkanaya nia' todong se're pinggawanu ri suruga.

1 PETRUS 3:21

Jari anjo kajarianga a'jarimi pangngebarang mae ri anjo pa'je'ne' ampasalamakako ri kamma-kammaya anne. Anne pa'je'neka teai pa'gaukang akkullea antangkasi kalennu battu ri sikontu apa-apa ra'masaka, passangalinna a'jari janjinnu mae ri Allata'ala, iamintu janji baji'nu battu lalang ri ati mailalannu. Anjo pa'je'neka napasalamakko lanri attallasa'Namo ammotere' Isa Almasi battu ri kamateanga,

1 YOHANES 2:6

Inai-nai angkana asse'rei siagang Allata'ala lalang ri katallassanna, musti sangkammai siagang Almasi batena attallasa'.