ROMA 6:3 - KITTA' MATANGKASA'

³ Maka nuasseng ngasenji sari'battang, angkanaya ri wattunta nije'ne' nipasileo'mi tallasatta siagang Isa Almasi? Anjo battuanna angkanaya nipasileo' maki' siagang kamateanNa Isa Almasi.

ROMA 6:3 ပူးပေါင်းရင်းမြစ်များ

MATIUS 28:19

Jari a'lampamako mange ri sikontu bansaya ri lino, pa'jarimi ke'nanga ana'-ana' gurungKu. Je'neki ke'nanga lalang arenNa Manggea, siagang Anaka, kammayatompa RohNa Allata'ala.

LAMPA-LAMPANA 19:5

Ri wattunna nalangngere'mo ke'nanga anjo napaua Paulus, nasuro je'ne'mi kalenna ke'nanga lalang arenNa Batara Isa.

LAMPA-LAMPANA 2:38

Appialimi Petrus nakana, “Toba' ngaseng mako battu ri dosa-dosanu. Siagang musti massing nije'ne' ngasengko lalang arenNa Isa Almasi, sollanna nipammopporang dosa-dosanu. Nampa lanutarima passareNa Allata'ala, iamintu RohNa Allata'ala.

LAMPA-LAMPANA 8:16

Nasaba' tenapa manna sitau ri ke'nanga nikoasai ri RohNa Allata'ala; nampa nije'ne' ke'nanga lalang arenNa Isa Almasi.

ROMA 6:16

Maka nuassenji angkanaya punna nupassareang kalennu mae ri se'reang tau nanugaukang apa ero'na, sikontutojenna napa'jari ata mako anjo tau nuturukia ero'na? Akkulleko a'jari ata mae ri apa langngeranga mae ri kamateanga, yareka a'jari ata mannurukia mae ri Allata'ala nalanri kammana assibajiki mako ammotere' siagang Allata'ala.

ROMA 6:8

Punna le'ba' maki' sikamateang siagang Isa Almasi, tappa' maki' angkanaya lasikatallassang tommaki' ammotere' lalang ri KalenNa Isa.

ROMA 7:1

Sikamma sari'battangku! Nuasseng ngasemmi anjo hukkung-hukkunga. Jari nuassemmi angkanaya ri wattunnaji attallasa'ija taua nanikoasai ri anjo hukkung-hukkunga.

1 KORINTUS 10:2

Sanrapang nije'ne'mi ke'nanga lalang ri anjo rammanga siagang lalang ri anjo tamparanga, sollanna akkulle ke'nanga a'jari tumminawang ri Musa.

1 KORINTUS 12:13

Kamma ngaseng tommaki' anjo; ikatte tu Yahudia kammayatompa bansa-bansa maraenga, ikatte nikanaya kalenta ata kammayatompa tau bebasaka, le'ba' ngaseng maki' nije'ne' lalang se're Roh, sollanta nipa'jari se're lalang ri tubuNa Almasi. Sukku' ngaseng tommi le'ba'na nikasia' kakoasanNa anjo Roh se'rea.

1 KORINTUS 15:29

Punna tanipattallasa' poleangang ammotere' tau matea angngapa nania' tau nije'ne' untu' tau matea? Apa matu-matunna nagaukang ke'nanga anjo kammaya? Punna tena sikali memang nalanipattallasa' poleang ammotere' tau matea, apa matu-matunna nagaukang ke'nanga anjo kammaya?

1 KORINTUS 3:16

Maka nuassenji angkanaya ikau antu sanrapangko balla'Na Allata'ala? Siagang angkanaya niaki RohNa Allata'ala ammantang lalang ri kalennu?

1 KORINTUS 5:6

Tena nabaji' anjo apa nupattampo-tampoanga! Nuassemmi kapang anne lampangkana angkanaya, “Pa'gambang sike'deka ampa'bakkaki labu' le'baka nileo'.”

1 KORINTUS 6:19

Musti nuassengi angkanaya anjo batangkalennu pammantanganNa RohNa Allata'ala. Anjo RohNa Allata'ala ammantangi lalang ri kalennu. Kammayatompa KalenNa Allata'ala ampassareangi anjo RohNa mae ri kau. Anjo kalennu teaimi ikau pata, mingka Allata'ala pata.

1 KORINTUS 6:9

Maka nuassenji angkanaya takkulleai a'jari umma'Na Allata'ala tu tenaya namannuruki? Teako eroki nitipu. Inai-nai a'gau' bawang, inai-nai anynyomba ri barhalaya, inai-nai a'gau' bawang, inai-nai a'gau' sala siagang paranna bura'ne yareka paranna baine,

1 KORINTUS 9:13

Tantu nuassemmi angkanaya inai-nai anjama lalang ri Balla'Na Allata'ala, battu anjoremmi ri Balla'Na Allata'ala anggappa kanre ke'nanga. Siagang inai-nai angngurusuki tampa' pakkoro'bangnganga, anggappa tongi bageang battu ri anjo koro'bang nipassareanga anjoreng.

1 KORINTUS 9:24

Tantu nuasseng ngasenji angkanaya punna appa'lumba taua, para lari ngasengi anjo tau appa'lumbaya; mingka se'reji langgappa hadia. Lanri kammana, usahakammi antekamma batenu lari sollanna nugappa anjo hadiaya.

2 KORINTUS 13:5

Coba sai paressa kalennu, maka attallasa' tojeng-tojeng mako situru' matappa'nu mae ri Almasi? Ma'nassa langngu'rangiko angkanaya niaki Isa Almasi lalang ri kalennu! Simmaraengi punna tena nutappa' tojeng-tojeng.

GALATIA 3:27

Le'ba' ngaseng mako nije'ne' lalang arenNa Almasi; jari nutarimami mae ri kalennu sipa'-sipa' KalenNa Almasi.

YAKOBUS 4:4

Teai ngasengko tau majarre'! Maka nuassengi angkanaya punna agangko mae ri linoa, a'jari musuko mae ri Allata'ala? Jari inai-nai ero' a'jari agang mae ri anne linoa, napa'jarimi kalenna musu mae ri Allata'ala.

1 PETRUS 3:21

Jari anjo kajarianga a'jarimi pangngebarang mae ri anjo pa'je'ne' ampasalamakako ri kamma-kammaya anne. Anne pa'je'neka teai pa'gaukang akkullea antangkasi kalennu battu ri sikontu apa-apa ra'masaka, passangalinna a'jari janjinnu mae ri Allata'ala, iamintu janji baji'nu battu lalang ri ati mailalannu. Anjo pa'je'neka napasalamakko lanri attallasa'Namo ammotere' Isa Almasi battu ri kamateanga,