ROMA 6:21 - KITTA' MATANGKASA'21 Anjo wattua apa passawallang nugappa ri anjo panggaukang appakasirika? Poro kamateang bawang naerang anjo panggaukang-panggaukang kammaya! အခန်းကိုကြည့်ပါ။ |
Nampa punna siri'-siri'mo ke'nanga lanri sikamma panggaukanna ke'nanga, pakasingariammi ke'nanga rancanana anne BallakKu, iamintu: modele'na, sikamma pakke'bu' antama'na siagang assulu'na, susunang bangunanna, sikontu paratoranna siagang hukkung-hukkunna. Tulisi' kabusuki anjo untu' ke'nanga sollanna akkulle nacini' ke'nanga siagang naparhatikang carana angngatoroki sikamma yangasenna, kammayatompa naturuki sikontu paratoranna.
Maka nuassenji angkanaya punna nupassareang kalennu mae ri se'reang tau nanugaukang apa ero'na, sikontutojenna napa'jari ata mako anjo tau nuturukia ero'na? Akkulleko a'jari ata mae ri apa langngeranga mae ri kamateanga, yareka a'jari ata mannurukia mae ri Allata'ala nalanri kammana assibajiki mako ammotere' siagang Allata'ala.
Tena nakiaccokko-cokko siagang tena nakiappakasiri' bateta anggaukangi anne jama-jamanga. Tena nakiero' jekkong anggaukangi anne jama-jamanga, yareka tena nakiero' amputara' baleki kananNa Allata'ala. Silambusu'na bawang ero'Na Allata'ala nabirittakang ikambe. Lanri kammana, naminasai ikambe nanabilang baji' ngaseng ri pa'mai'na taua anjo apa nagaukanga ikambe.
Alle sai cini' wassele'na si'na situruka ero'Na ri Allata'ala! Iamintu attojeng-tojengko ampakabajiki apa kodia! A'jari numusui dosaya, a'jari mallakko, a'jari nakkukko, a'jari lompoi sumanga'nu, kammayatompa rellako anghukkungi tau salaya! Ilalang yangasenna anjo nupa'buttimi ri kalennu angkanaya tena nanusala mae ri anjo passalaka.
Mingka lapossoki kale'bakkanna katallassanna anjo tau kammaya; nasaba' rewata nasombaya lalang ri katallassanna ke'nanga, iamintu apa-apa nakacinnaia kalenna ke'nanga. Sangnging apa-apa appakasirikaji ba'lalo nakalompoang pa'mai' ke'nanga; nasaba' apa-apa ri iaji anne pakkalinoanga bawang nanawa-nawa ke'nanga.