ROMA 6:19 - KITTA' MATANGKASA'

¹⁹ Nasaba' sukkara' sikali nupahang, ammakema' pangngebarang mae ri nikanaya a'jari ata sollanna gampang nupahang. Riolo nupassareangi sikontu batangkalennu a'jari ata mae ri apa-apa ra'masaka siagang panggaukang ja'dalaka untu' kaja'dallanga. Kamma tomminjo ri kamma-kammaya anne, musti nupassareangi sikontu batangkalennu a'jari ata mae ri ero'Na Allata'ala, untu' anggaukangi ero'Na bawang Allata'ala.

ROMA 6:19 ပူးပေါင်းရင်းမြစ်များ

KAIMANGNGANG 13:40

Punna nia' tu bura'ne appe'da' bageang ri boko ulunna yareka bageang ri dallekanna ulunna, tenaja nara'masa' anjo taua passabakkang anjo pe'da'na.

MATIUS 4:23

Wattunna ri Galilea, a'lampai Isa angnginroi sikontuna anjo pa'rasanganga. Angngajaraki ri sikamma balla' sambayanga siagang Nabirittakammi Kabara' Bajika angkanaya lammarentami Allata'ala. Naballei tommi sikamma tau garringa siagang tau sala-salanga sa'genna baji' ngaseng.

ROMA 15:1

Ikatte tau tappa' tojeng-tojenga ri apa nipatappaka musti sa'barakki' punna akkabaratangi tau lammaya tappa'na mae ri katte. Takkulleaki' kasannangang kalenta bawang niboya.

ROMA 3:5

Mingka punna pila' a'nyatamo kaadelanNa Allata'ala, lanri nigaukanna apa-apa tenaya nannaba, apami lanikana? Angkanaya tena Naadele' Allata'ala punna Nahukkungki'? (Memang siratangi anne pakkuta'nang kammaya situru' pikkirang linota.)

ROMA 6:13

Tea tongko passareangi tubunu mae ri kakoasanna dosaya nanipake anggaukangi kaja'dallanga. Passangalinna passareangi kalennu mae ri Allata'ala, a'jari tau le'bakamo nipalette' battu ri kamateanga mae ri katallassanga. Passareangi sikontu batangkalennu mae ri Allata'ala, sollanna nipakei anggaukangi ero'Na Allata'ala.

ROMA 7:23

mingka kuassengi angkanaya nia' todong hukkung maraeng lalang ri kalengku angngatoroki kalengku – iamintu hukkung assisalaya siagang hukkung natarimaya pikkirangku. Iaminjo saba'na nakutassikko'mo mae ri hukkung dosa makoasaya mae ri kalengku.

ROMA 8:26

Kamma tomminjo, punna lammaki', battui RohNa Allata'ala antulungki'. Nasaba' taniassengai angkana antekamma bateta musti appala' doang; Iaminjo Roh mange andallekang ri Allata'ala sannaka batena ampappalakkangki', sa'genna taniassengamo ikatte nipau anjo apa parallua nipala'.

1 KORINTUS 5:6

Tena nabaji' anjo apa nupattampo-tampoanga! Nuassemmi kapang anne lampangkana angkanaya, “Pa'gambang sike'deka ampa'bakkaki labu' le'baka nileo'.”

1 KORINTUS 6:11

Nia' siapa are jainu appanggaukang kamma anjo riolo. Mingka kamma-kamma anne le'ba' mako nitangkasi battu ri dosa-dosaya, sollannu a'jari umma' matangkasa'Na Allata'ala. Le'ba' mako assibajiki ammotere' siagang Allata'ala lanri tappa'nu mae ri Batara Isa Almasi siagang lanri koasa Roh battu ri Allata'alata.

1 KORINTUS 9:8

Teai lanri battu ri pangalamang katallassang allo-alloa bawang anne kupabattua mae ri kau; passangalinna lanri kammatommi anjo nipaua lalang ri Kittaka.

GALATIA 3:15

Sikamma sari'battangku! Baji'mi nakusareko pangngebarang ri katallassang allo-alloa. Punna nia' tau assijanji, nampa le'ba'mo niassai anjo janjia, takkulleai nia' manna sitau akkulle lesso' battu ri anjo janjia; yareka takkulleai natamba-tambai anjo janjia.

IBRANI 12:15

Jagai sollanna tena manna sitau ambokoi kabajikang pa'mai'Na Allata'ala; sollanna tena nania' a'jari sanrapang lamung-lamung niaka racunna ri tangnga-tangnganu sa'genna appa'nia' kasukkarang siagang jai tau napanraki siagang racunna.

IBRANI 4:15

Anjo Imang Malompota teai imang tenaya nakkulle amminawang angkasiaki kapa'risanta. Passangalinna, le'ba' tommi Nataba paccoba lalang a'rupa-rupa passala', sangkamma todong massing-massing ikatte; iaji bawang tena Nagaukangi dosaya!