ROMA 6:12 - KITTA' MATANGKASA'

¹² Tea' mako pole pa'biangi nikoasai tallasa'nu ri dosaya ilalang ri anne linoa, sollanna tena nanuturukiangi ero' kaja'dallanna.

ROMA 6:12 ပူးပေါင်းရင်းမြစ်များ

PA'JARIANG 4:7

Punna baji' apa nugaukanga, mattantu ta'muriko. Mingka punna kodi apa nugaukanga, attayammi dosaya untu' antama' ri atinnu. Eroki dosaya angkoasai kalennu, mingka musti nubetai.”

PAMMUJI 119:133

Kipakajarreki dakkaku situru' janjinTa, teaKi' balang parekangia' nikoasai ri kaja'dallanga.

PAMMUJI 19:13

Tena akkulle mangngu'rangi ri kalinguanna; o, Batara Kilappassanga' battu ri kasalang taccokkoa.

KAIMANGNGANG 13:40

Punna nia' tu bura'ne appe'da' bageang ri boko ulunna yareka bageang ri dallekanna ulunna, tenaja nara'masa' anjo taua passabakkang anjo pe'da'na.

PAMMILANGNGANG 33:55

Mingka punna tena nubongkai pandudu'na anjo pa'rasanganga, anjo tau ammantanga anjoreng lanasusaiko sanrapang kassi' antama' ri matannu yareka sanrapang katinting anto'doki bangkennu. Sallang ke'nangami lambundukiko.

ROMA 13:14

Boli'mi kamma na Batara Isa Almasi ampattantui apa siratanga nugaukang. Siagang teako mannuruki ri sipa'-sipa'na tau dorakaya sollanna nupasukku' nakacinnaia hawa napasunu.

ROMA 2:8

Mingka inai-nai sangnging kaparalluang kalennaji bawang naparutusu', siagang tamaerokai mannuruki ri Allata'ala, passangalinna tau ja'dalakaji naturuki, iami lasanna' nikalarroina ri Allata'ala.

ROMA 5:21

Jari sangkamma angkanaya musti mateki' passabakkang nigaukanna dosaya, sangkamma tomminjo Nasare maki' oloang Allata'ala sollanta assibajiki ammotere' siagang Ia, lanri mangngamaseanNa mae ri katte. Na lanri baji'mi ammotere' passisambunganta siagang Allata'ala, laNasare tommaki' katallassang mannannungang tete ri Isa Almasi, Batarata.

ROMA 6:14

Takkullea mako nikoasai ri dosaya, nasaba' tenamo nurawanganna hukkung-hukkung agama Yahudia attallasa', passangalinna irawanganna mako pangngamaseanNa Allata'ala.

ROMA 6:16

Maka nuassenji angkanaya punna nupassareang kalennu mae ri se'reang tau nanugaukang apa ero'na, sikontutojenna napa'jari ata mako anjo tau nuturukia ero'na? Akkulleko a'jari ata mae ri apa langngeranga mae ri kamateanga, yareka a'jari ata mannurukia mae ri Allata'ala nalanri kammana assibajiki mako ammotere' siagang Allata'ala.

ROMA 8:11

Punna niaki lalang ri kalennu RohNa Allata'ala, iamintu Roh ampattallasa' poleangai Almasi battu ri kamateanga, Ia tomminjo RohNa lampattallasaki tubunu akkullea mate.

ROMA 8:13

Nasaba' punna niturukiang ero'na sipa'-sipa' rupataua ma'nassa lamateko; mingka punna lanri koasaNa RohNa Allata'ala natuli nupamate panggaukang-panggaukang dosanu, ma'nassa lattallasakko.

2 KORINTUS 4:11

Ilalang ri tallasa'na ikambe, tuli niondangi ikambe ri kamateanga lanri Isa, sollanna ilalang ri kammana anjo na'batemo katallassanNa Isa ri anne kalenna ikambe akkullea mate.

2 KORINTUS 5:4

Lalang ammantanta ija lalang ri anne balla' battua ri lino, musti akkunrarengki' lanri battala'na tanggonganta. Teai lanri erotta ta'lappasa' battu ri tubu battuta ri anne linoa, passangalinna lanri erottamo ampakei anjo tubu battua ri suruga, sollanna akkulle nikoasai ri katallassang anne tubuta akkullea mate.

GALATIA 5:16

Kamma anne natabaya kanangku: Boli'mi kamma naNarurungangko RohNa Allata'ala; siagang teako turukiangi ero'na sipa'-sipa' rupataunu.

GALATIA 5:24

Inai-nai a'jarimo taunNa Almasi, matemi sipa'-sipa' rupatauna siagang sikamma ero' napasu rupatauna.

EFESUS 2:3

Riolo sangkamma ngaseng tongki' anjo ke'nanga; amminawang turukki' mae ri sipa'-sipa' rupatauta, siagang iaji nigaukang apa akkullea ampakasannangi tubuta siagang pikkirang ja'dalatta. Anjo wattua nataba tongki' pangngalarroiNa Allata'ala, sangkamma tau maraenga.

EFESUS 4:22

Lanri kammana, pela'mi anjo sipa'-sipa' rupatau allalonu, nipanrakia ri kaerokang appa'lingu-lingua.

PAOLE 7:2

Punna Napassareang Karaeng Allata'alanu anjo bansa-bansaya antama ri kakoasannu siagang nubeta ke'nanga, buno ngasengi anjo ke'nanga. Teako kamaseangi ke'nanga siagang teako appareki parjanjiang siagang ke'nanga.

1 TESALONIKA 4:5

Teako turuki hawa napasunu mae ri bainennu sangkamma nagaukanga tau kapere' tenaya naassengi Allata'ala.

2 TIMOTIUS 2:22

Pakabellai kalennu battu ri kasannang-sannanganna tau rungkaya. Usahako untu' attallasa' situru' ero'Na Allata'ala, untu' majarre' tappa'nu mae ri Ia, mangngamaseang ri parannu tau siagang nia' kasannangang ri atinnu. Kammami anjo batenu attallasa' siagang sikamma tau akkioka appala' tulung mae ri Batara situlusu' atinna.

TITUS 2:12

Anjo lammoro' pangngamaseanNa Allata'ala eroki angngajarakki' sollanna tenamo nasisala katallassanta siagang ero'Na Allata'ala, siagang tenamo naniturukiang kaerokanna pakkalinoanga. Niajarakki' sollanta niasseng ampakalewai kalenta, lambusu' siagang anynyomba mae ri Allata'ala lalang ri katallassanta.

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

1 PETRUS 1:14

Mappilangngeriko mae ri Allata'ala, siagang teako turukiangi ero'nu rioloa, ri wattunna tenapa nuassengi Allata'ala.

1 PETRUS 2:11

Sikamma sari'battangku, sannaka kukarimangnginna! Ikau teaiko tuma'buttana anne linoa; ikau tau battu-battu jako. Lanri kammana, kupala' tojeng-tojengi mae ri kau sollanna tena nanuturuki hawa napasu rupataua, tuli ambundukiai nyawaya.

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.

YUDAS 1:18

Napauang ngaseng mako la'bi riolo angkanaya punna a'reppese'mo Allo Kiamaka, lammumbami tau ancau-cauako, iamintu sikamma tau anturukiai ero' kaja'dallanna lalang ri katallassanna.

HAKING-HAKING 2:3

Jari kamma-kamma anne pilangngeri! Tena nalaKubongka tu niaka ri anne pa'rasanganga punna tena nu'bundu' siagang ke'nanga. La'jari bali ke'nanga mae ri kau. Na lanaalleko sikko' sa'gennu amminawang turu' ansombai rewata-rewatana ke'nanga.”