ROMA 5:4 - KITTA' MATANGKASA'

⁴ na anjo majarreka ampa'jariki' tau attahanga ri paccobaya; iaminne assareki' panrannuang.

ROMA 5:4 ပူးပေါင်းရင်းမြစ်များ

PAMMUJI 71:14

Mingka inakke tuli lamanrannuanga' mae ri Katte, na pila' jai tau mammuji mae ri Katte.

LUKAS 21:19

Punna sa'barakko siagang attahangko, lanipasalamakko.”

ROMA 15:4

Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

FILIPI 2:22

Kalennu ngasemmo anciniki buttina angkanaya a'matu-matui Timotius. Anjama terasa' tommi siagang inakke untu' ampa'la'bangi Kabara' Baji' battua ri Allata'ala. Ikambe sipa'rua sangkamma maki' ana' na mangge.

IBRANI 6:19

Anjo panrannuanta a'jari panna'galang majarre' siagang amang mae ri katallassanta, nasaba', lanri sanna' lantanna nipatto' naung. Pappokokanna niaki lalang Kamara' Kaminang Matangkasaka lalang ri Balla'Na Batara ri suruga.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

1 PETRUS 5:10

Mingka punna le'ba' mako sessa sinampe', KalenNa Allata'ala lampa'jari sukkukko. LaNapaentengko, siagang laNasareko kagassingang kammayatompa laNapakajarrekko. Nasaba' Iami Allata'ala sannaka baji'na pa'mai'Na; Iami le'baka angkiokko untu' angkasia' tongi kala'birang mannannunganga tete ri Almasi.