ROMA 5:13 - KITTA' MATANGKASA'

¹³ Ri wattu tenanapa nanipassareangi hukkung-hukkung agama Yahudia, nia' memammi dosaya lalang lino. Mingka tena nanituntuki dosaya, lanri tenapi anjo hukkung akkullea nidakkai.

ROMA 5:13 ပူးပေါင်းရင်းမြစ်များ

PA'JARIANG 13:13

Anjo kota Sodom sangnging tau sanna' ja'dala'na siagang tau doraka ngaseng ri Batara ammantang anjoreng.

PA'JARIANG 18:20

Nampa Nakana pole Batara mae ri Abraham, “Nia' tuduhang lompo mae ri kota Sodom siagang Gomora, siagang anjo ke'nanga memang teai sipato' lompona dosana.

PA'JARIANG 19:32

Umba naniusahakangi nasa'ring manggeta, nampa mangeki' sikatinroang siagang ia, sollanta akkulle anggappa ana'.”

PA'JARIANG 19:36

Nampa attianammo anjo ruaya ana' bainena Lot, lanri manggena tonji ke'nanga.

PA'JARIANG 19:4

Mingka ri tenanapa na'lampa anjo sikamma toanaya attinro, battumi tu Sodom allipungi anjo ballaka. Sikontu tu bura'nea ri anjo kotaya, baji'na tau toa yareka tau rungka, nia' ngasengi battu.

PA'JARIANG 38:10

Larromi Batara lanri kammana anjo, sa'genna nibuno tommi ri Batara.

PA'JARIANG 38:7

Na anjo panggaukanna Er, sanna' ja'dala'na. Sa'genna larromo Batara ri ia, na nibuno.

PA'JARIANG 6:11

Mingka sikontu tau maraengannaya ja'dala' ngasengi ri paccini'Na Allata'ala. Jai sikali panggaukang palla' kajariang ri kere-keremae.

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

ROMA 3:20

Nasaba' tena manna sitau akkulle assibajiki siagang Allata'ala lanri nagaukanna apa-apa niaka tattulisi' lalang ri hukkung-hukkung agamaya. Ba'lalo anjo hukkung-hukkunga poro napappiassenganji bawang mae ri rupataua angkanaya ma'nassa dorakai rupataua.

ROMA 4:15

Anjo hukkung-hukkung agama Yahudia appabattu tongi hukkungang battu ri Allata'ala. Mingka ka'de' tenai anjo hukkung-hukkunga, tena tommi panggaukang andakkaiyai anjo hukkung-hukkunga.

1 KORINTUS 15:56

Racunna kamateanga, iamintu dosaya, siagang anjo dosaya lalangi ri hukkung agamaya a'boya oloang.

1 YOHANES 3:14

Niassemmi angkanaya assulu' maki' battu ri kamateanga siagang a'lette' maki' mae ri katallassanga. Niassemmi anjo, nasaba' massing sikamaseang maki' para ikatte. Inai-nai tena namangngamaseang, iami nikoasai ri kamateanga.

1 YOHANES 3:4

Inai-nai anggaukangi dosaya, nadakkaimi hukkunNa Allata'ala, nasaba' nikanaya dosa iamintu nidakkai hukkunNa Allata'ala.