ROMA 5:11 - KITTA' MATANGKASA'

¹¹ Ba'lalo la'biangampa pole, marannu tommi pa'maitta lanri kabajikanNa Allata'ala tete ri Batarata Isa Almasi. Nasaba' mannete ri Isa Almasi nanikasia'mo anjo passisambungang bajika siagang Allata'ala.

ROMA 5:11 ပူးပေါင်းရင်းမြစ်များ

PAMMUJI 104:34

Poro anggappa pangngellai battu ri Ia kelong-kelongku, saba' Iami ampa'jari rannui pa'maikku.

PAMMUJI 149:2

Rannuko, he Israel, lanri Mappa'jarinu; ma'reja-rejako, he pandudu'na Sion, lanri Karaennu!

PAMMUJI 32:11

He, sikamma tu bajika, rannu mako siagang ma'reja-reja mako lanri apa le'baka Nagaukang Batara. Akkio' rannu mako, he sikontu tu lambusu' pa'maika!

PAMMUJI 43:4

Kulamange ri tampa' pakkoro'bangnganNa Allata'ala, andallekang ri Allata'ala kabattuanna kate'neangku. Lamakkelonga' siagang lakkarena kacapi, untu' ampujiKi', o, Allata'ala, Allata'alaku.

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

LUKAS 1:46

Nakanamo Maria, “Mammuji atingku ri Batara,

YOHANES 1:12

Mingka nia' todong tau antarimai na tappa' ri Ia, nisarei pangngellai a'jari ana'Na Allata'ala,

ROMA 11:15

Lanri nisorongbokona ke'nanga ri Allata'ala, na'jari baji'mo ammotere' passisambunganNa Allata'ala siagang linoa; jari la'biangampa pole punna nitarima ke'nanga ri Allata'ala! Tantu sangkamma le'ba'mi ke'nanga tau mate attallasa' poleanga ammotere'!

ROMA 2:17

Mingka kamma-kamma anne, antekamma ri kalennu ngaseng sari'battang? Mangakuko angkana tu Yahudiko. Anna'galakko mae ri hukkung agama Yahudia siagang tinggi pa'maikko lanri passisambungannu siagang Allata'ala.

ROMA 5:1

Kamma-kamma anne assibajiki maki' ammotere' siagang Allata'ala, lanri tappa' maki' mae ri Ia. Siagang lanri kammana, attallasa' maki' lalang kasiamakkanga siagang Allata'ala, tete ri Batarata Isa Almasi.

ROMA 5:10

Punna ri wattu assimusuta siagang Allata'ala nanipassiama' maki' siagang Ia tete kamateanNa Ana'Na, la'biangampa ri kamma-kammaya anne, ri wattu a'jari baji'namo ammotere' passisambunganta siagang Allata'ala, mattantu tommi lanipasalamatta tete ri tallasa'Na Isa Almasi.

ROMA 5:3

Ba'lalo, akkulleki' a'rannu-rannu lalang ri kapa'risanga, nasaba' niassemmi angkanaya anjo kapa'risanga ampa'jariki' majarre';

ROMA 8:23

Ba'lalo teai linoa bawang akkunrareng; passangalinna manna ikatte akkunrareng tongi lalang atinta. Le'ba'mi nitarima RohNa Allata'ala. Iaminjo passare uru-uruNa Allata'ala. Mingka attayangijaki', sollanna nilappassang todong sikontu batangkalenta ri Allata'ala siagang Napa'jariki' ana'-ana'Na.

ROMA 9:10

Kammayatompa pole: Anjo Ribka rua ana' bura'ne nalassukang battu ri se'rea mangge, iamintu Ishak, nene' boeta.

1 KORINTUS 10:16

Ri wattunta sipangnginungang anggoro' siagang appala' sukkuru' mae ri Allata'ala, sai iaminjo a'jari pammatei angkanaya a'jari se're ngaseng maki' siagang Almasi lalang ri kamateanNa? Kammayatompa ri wattunna nibage-bage anjo roti se'rea nampa assama-samaki' angkanrei, sai iaminjo a'jari pammatei angkanaya a'jari se're maki' lalang ri batangkalenNa Almasi?

2 KORINTUS 8:19

Pantarangannaya pole, anjo taua ngaseng le'ba' tommi nipile siagang nipattantu ri jama'aka untu' amminawang ri kambe lalang ri pa'lampanna ikambe. Nasaba' eroki ikambe a'lampa ampabattui anjo sumbanganga; sollanna nipakala'biri' Batara, kammayatompa nanuasseng ngaseng angkanaya rella tongi ikambe annulung.

GALATIA 4:9

Mingka kamma-kamma anne nuassemmi Allata'ala; yareka bajikangangi punna nikana, Naasseng mako Allata'ala. Angngapa nanuero' ammotere' poleang mae ri roh-roh niaka lalang lino, lammaya siagang kasi-asia? Angngapa nuero' poleang nipare' ata ri roh-roh kammaya anjo?

GALATIA 5:22

Mingka, punna nipimping ri RohNa Allata'ala taua, iaminne wassele'na: sikamaseangi ke'nanga, rannui, assiamaki, sa'baraki siagang lammoro' pa'maiki, bajiki ri paranna tau, majarreki,

FILIPI 3:1

Jari, sari'battangku ngaseng, paralluko marannu lanri asse're mako siagang Batara. Tena nabattala' kusa'ring ampau poleangi apa le'baka kutulisi' mae ri kau riolo; nasaba' anjo bajiki untu' kasalamakkannu.

FILIPI 3:3

Na sitojenna ikattemi anne le'bakamo anggappai nikanaya sunna' tojeng-tojenga; teai ke'nanga. Ikattemi anynyomba mae ri Allata'ala lanri KalenNa RohNa Allata'ala angnguluki'; siagang appala' sukkuru' maki' lanri asse're maki' siagang Isa Almasi lalang ri tallasatta. Tena katte nitanjeng mae ri sikamma pangngadakkang nacinika mata.

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!

KOLOSE 2:6

Nutarimami Isa Almasi a'jari Bataranu. Lanri kammanami anjo paralluko asse're siagang Ia lalang ri katallassannu,

1 PETRUS 1:8

Mangngamaseangko ri Ia, manna pole tanucinika riolo. Siagang tappakko ri Ia manna pole tanucinika kamma-kamma anne. Iaminjo saba'na nanurannu, siagang nanukasia' karannuang mala'birika siagang sukkaraka nicarita.

1 SAMUEL 2:1

Nampa appala' doang Hana, angkana, “Napakarannui Batara atingku; gau'Na napakasannangi nyawaku. Mate'nei kusa'ring ancau-caui musungku, nasaba' le'ba' tojeng-tojengku Natulung Allata'ala.