ROMA 5:10 - KITTA' MATANGKASA'

¹⁰ Punna ri wattu assimusuta siagang Allata'ala nanipassiama' maki' siagang Ia tete kamateanNa Ana'Na, la'biangampa ri kamma-kammaya anne, ri wattu a'jari baji'namo ammotere' passisambunganta siagang Allata'ala, mattantu tommi lanipasalamatta tete ri tallasa'Na Isa Almasi.

ROMA 5:10 ပူးပေါင်းရင်းမြစ်များ

2 PATTOTTORANG 29:24

Le'baki anjo, nisamballe ngasemmi anjo bembea ri imang-imanga, nampa napatiri' cera'na mae ri tampa' pakkoro'bangngang salaku koro'bang pammopporo' dosana sikontu ra'yaka. Nagaukangi ke'nanga anjo gau' kammaya lanri le'baki naparentakang karaenga sollanna assare taua koro'bang nitunu siagang koro'bang pammopporo' dosa untu' sikontu ra'ya' Israel.

YEHEZKIEL 45:20

Gaukang tongi kammaya anjo ri tanggala' tuju anjo bulanga, untu' sikamma tau le'baka a'gau' dosa mingka tena nakunjungi yareka tena naassengi. Kammami anjo caranu nanujagaimo katangkassanna BallakKu.

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

KAIMANGNGANG 6:30

Olo'-olo' untu' upacara nipammopporanna dosaya niallei sipa'gang cera'na untu' nierang mange ri Kamara' Matangkasaka, musti nitunui sa'genna cappu', na takkulleai nikanre.

YOHANES 14:19

Sinampe' mami natenamo nakkulle linoa ancinikKa'. Mingka ikau ngaseng lanucinikKa'. Na lanri attallasakKa', iaminjo nuttallasa' ngaseng todong.

YOHANES 5:26

Sangkamma KalenNa Manggea nakabattui katallassanga, kamma tomminjo Ana'Na Napa'jarimi kabattuanna katallassanga.

YOHANES 6:40

Memang, iaminne Nakaerokanga ManggeKu: Sikamma tau ancinikai Anaka na tappa' ri Ia, nagappami katallassang satunggu-tunggua, siagang laKupattallasa' poleangi sallang ri Allo Kiamaka.”

YOHANES 6:57

Anjo Mangge attallasaka, Iami assuroA' battu, siagang ri Iatommi anjo Manggea naKuattallasa'. Sangkamma tommi anjo, inai-nai angkanreai assingKu labattu ri Nakkemi nattallasa'.

ROMA 11:28

Lanri teana tu Yahudia antarimai Kabara' Baji' battua ri Allata'ala, a'jari musumi ke'nanga ri Allata'ala; na iaminjo ba'lalo ampa'jari upaki bansa-bansa maraenga. Mingka lanri nipilena ri Allata'ala, tuli nikamaseammi ri Allata'ala anjo tu Yahudia, passabakkang boe-boena ke'nanga.

ROMA 5:11

Ba'lalo la'biangampa pole, marannu tommi pa'maitta lanri kabajikanNa Allata'ala tete ri Batarata Isa Almasi. Nasaba' mannete ri Isa Almasi nanikasia'mo anjo passisambungang bajika siagang Allata'ala.

ROMA 5:6

Ri wattunta nia' lalang ri kalammanga, matemi Isa Almasi untu' ikatte, ri wattu le'bakamo Napattantu Allata'ala; padahala' ikatte tau bella maki' battu ri Allata'ala.

ROMA 8:32

Manna ana' KalenNa tena todong Nakadarangi, passangalinna Napassareammi untu' kaparalluanta ngaseng; maka talaNasareaki' sikamma kaparalluanta maraenganga?

ROMA 8:34

Maka lania' tau ampasalaki'? KalenNa Isa Almasi sallang angngalle-ngalleangki'. KalenNami le'ba' mate, kammayatompa KalenNami le'ba' nipattallasa' poleang ammotere' battu ri kamateanga siagang nia'mi ri sa'rinNa Allata'ala iamintu ri tampa' makoasaya.

ROMA 8:7

Inai-nai nikoasai pikkiranna ri sipa'-sipa' ma'rupataua, iami assimusu siagang Allata'ala; nasaba' anjo taua tamannurukiai ri hukkung Napassuroanga Allata'ala; siagang tena memang todong nakkulle mannuruki ri hukkunNa Allata'ala.

2 KORINTUS 5:20

Jari ikambemi anne tunisuroNa Almasi. A'bicarami ikambe sangkamma angkanaya KalenNa Allata'ala a'bicara mae ri kau ngaseng lalang ri kalenna ikambe. Lalang arenNa Almasi, nanapala' dudumo ikambe sollanna nujamakkimo limanNa Allata'ala assareako oloang nukkulle assibajiki siagang KalenNa.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

EFESUS 2:16

Lanri kamateanNa ri kayu sallika, Napa'jari se'remi anjo ruaya bansa Napassiama' siagang Allata'ala, sa'genna lanynya'mo anjo passimusuanga.

EFESUS 2:3

Riolo sangkamma ngaseng tongki' anjo ke'nanga; amminawang turukki' mae ri sipa'-sipa' rupatauta, siagang iaji nigaukang apa akkullea ampakasannangi tubuta siagang pikkirang ja'dalatta. Anjo wattua nataba tongki' pangngalarroiNa Allata'ala, sangkamma tau maraenga.

IBRANI 2:17

Jari battuanna, angkanaya Iami musti a'jari sangkamma sari'battanNa ngaseng lalang ri sikontu-kontuna. Siagang lanri kammanami anjo nakkullemo a'jari Imang Malompo, Ia tamalanrea siagang lompo pangngamaseanga. Battu ri iaminjo palayananNa nakkullemo nipammopporang dosana rupataua.

IBRANI 7:25

Lanri kammanami anjo nakkulle Isa sa'genna satunggu-tungguna ampasalamaki sikontu tau battua mae ri Allata'ala tete ri KalenNa; nasaba' attallasaki satunggu-tungguna sollanna akkulle Napappala'-palakkang sikamma anjo taua mae ri Allata'ala.

1 YOHANES 2:1

Sikamma ana'-anakku! Iaji nakutulisi' anne suraka kakukellaiko sollanna tena nugaukangi dosaya. Mingka punna nia' a'gau' dosa, nia' akkulle angngalleiki' iamintu Isa Almasi, Ia adeleka; laNapappala' tulungangki' mae ri dallekanNa Manggea.

1 YOHANES 4:10

Iaminne pangngamaseanga: Teai ikatte le'ba' angkamaseangi Allata'ala, mingka Allata'ala angkamaseangki' siagang Nasuroi battu Ana'Na sollanna tete ri Ia nanipammopporang dosa-dosata.

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.